كتب: خالد عاصم

مفرمة اللحمة مش من الأجهزة المنزلية اللي من السهل أو الطبيعي تلاقيها في كل بيت، رغم إنها مهمة جدًا واستخداماتها متعددة في التعامل مع كتير من الأكلات المختلفة. وممكن يكون عدم انتشارها في كل البيوت من بين الأسباب اللي بتخلي اختيارها صعب، لأن مفيش كتير حواليك ممكن تسألهم عن أفضل مفرمة لحمة أو إزاي تقدر تختار أحسن مفرمة لحمة، فبيكون الاختيار صعب عليك لما تقرر تشتري واحدة.

بس احنا في المقال ده هنسهل عليك الاختيار جدًا لأننا هنعرفك إزاي أصلا تقدر تختار مفرمة اللحمة المناسبة ليك، وكمان هنعرفك على مجموعة من أفضل أنواعها المتوفرة على ياقوطة.

ولو أي مفرمة عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

عناصر اختيار مفرمة اللحمة المناسبة

يدوي ولا كهربائي

قبل ما تقرر إيه الإمكانيات المناسبة في المفرمة لازم تعرف الأول إنها بتنقسم لنوعين، النوع الأولاني هو اليدوي وده اللي بيعتمد على إيد مخصصة لتحريك المفرمة وتشغيل عملية الفرم، والنوع التاني الأوتوماتيك أو الكهربائي واللي بيحتاج منك تحط اللحمة وتدوس على زرار وبس كده هي بتعمل كل الشغل.

والاختلافات ما بين النوعين واحدة ولكل واحد فيهم مميزاته وعيوبه، يعني لو عايز حاجة مش غالية وبتاخد مساحة صغيرة تبقى المفرمة اليدوية أنسب، أما لو محتاج حاجة أسرع وأنجز مش هتتعبك فتبقى الأوتوماتيك أو الكهربائية هي الأنسب.

المتانة

مفرمة اللحمة زيها زي أي منتج من الأجهزة المنزلية بنبقى عايزين نجيبه عشان ننساه يعني يعيش لسنين، وده معناه إننا محتاجين نهتم جدًا بالمتانة على مستوى المواد المستخدمة في صناعة، والمفارم اليدوية بتعتمد على جسم مصنوع بالكامل من المعدن المصبوب وده رخيص بس متين جدًا، أما المفارم الكهربائية فدي في أوقات كتير بيدخل البلاستيك في جزء من تصنيعها، وكتير منها بيكون البلاستيك ده على هيكل معدني قوي، أما بقى لو عايز المتانة في أعلى صورها فهتحتاج تشتري المصنوعة بالكامل من المعدن.

الشفرات

تاني حاجة مهمة جدًا في المفرمة هي الشفرات المسؤولة عن قطع وفرم اللحمة أو الخضار، فالجزء ده هو المسؤول عن العملية بالكامل وهو اللي لازم تاخد بالك منه كويس وماينفعش تتنازل عن شفرات مصنوعة بأقل من الستانليس ستيل لأنها هي الوحيدة اللي بتتمتع بالمتانة والصلابة ده غير إنها هتفضل حادة وقوية طول العمر، وطبعًا هي الأكتر أمان لأنها مضادة للصدأ.

الأولوية لسهولة الاستخدام

الراحة وسهولة الاستخدام من الحاجات اللي ماينفعش نتنازل عنهم في أي جهاز منزلي، وده بينطبق على المفارم كمان زي أي جهاز تاني خصوصًا لو ناويين نستخدمها بشكل كبير وخصوصًا كمان لو كان القرار في صالح المفرمة اليدوية للي بتحتاج أصلًا لمجهود في الاستخدام، وعشان كده لازم تتأكد من أن المفرمة سهلة الاستخدام وده متعلق بمكان اليد مثلًا في النوع اليدوي ومكان زرار التشغيل في النوع الكهربائي وكمان حجم ومكان الجزء المخصص لوضع اللحمة.

سهولة التنضيف

محدش فينا بيحب يضيع كتير من وقته في التنضيف ولكن لما نتكلم عن مفرمة اللحمة اللي بتتعامل طول الوقت مع لحوم نية فلازم نهتم بالتنضيف قدر الإمكان، لان اللحمة النية بيئة مثالية للبكتريا والعفن ولو اتفضل منها بقايا في المفرمة فالبكتريا دي هتتنقل للأكل في تاني مرة استخدام للمفرمة وده هيتسبب في أمراض كتير ومنها أمراض صعية ومؤذية، وعشان كده لازم تهتم بالتنضيف وده هيكون أسهل مع الستانليس ستيل برضه ومع سهولة فك الأجزاء الداخلية والشفرات.

الاكسسوارات

كلنا بنحب لما نشتري حاجة ناخد عليها حاجة زيادة، وفي مفارم اللحمة ده متاح مع مجموعة من الاكسسوارات المختلفة زي اللي بتنعم فرم اللحمة مثلًا أو بسلاح لصناعة السجق بأحجام مختلفة وغيرها من الاكسسوارات، وعشان كده دور على المفرمة اللي فيه اكسسوارات كتير أو بتقبل اكسسوارات لو حبيت تشتريهم بعد كده.

المساحة المتاحة في المطبخ

لازم تعمل حسابك على المساحة المتاحة في مطبخك لاستخدام المفرمة وده اللي هيحدد إن كنت هتشتري مفرمة يدوية أو كهربائية وكبيرة ولا صغيرة، عشان كده لازم تعرف المكان المتاح في المطبخ وتختار مفرمة بالمقاس اللي يناسب وضعها واستخدامها في المطبخ.

مجموعة من أفضل أنواع مفرمة اللحمة على ياقوطة

مفرمة لحمة يدوية

مفرمة يدوية مصنوعة من الألومنيوم المصبوب من هيكل واحد قوي ومتين، المفرمة قابلة للتركيب على حرف أي سطح وفيها إيد مريحة جدًا للاستخدام بفضل المقبض المريح، ومعاها مجموعة مختلفة من الأسلحة.

اتعرف على عروض أسعار مفرمة اللحمة اليدوية من هنا.

مفرمة لحمة ١٦٠٠ واط من بوش

المفرمة الكهربائية المثالية لأسباب كتير أولهم إنها من شركة بوش الشهيرة المعروفة بإمكانياتها الممتازة في التصنيع، المفرمة صغيرة ومش هتاخد مساحة كبيرة في المطبخ ولكنها جبارة من حيث القوة والأهم من حيث الأسلحة المتنوعة فيها واللي تقدر من خلالها تعمل لحمة مفرومة أو برجر أو سجق وحتى النودلز والمكرونة وغيرها.

اتعرف على عروض أسعار مفرمة لحمة بوش ١٦٠٠ واط من هنا.

مفرمة لحمة Caso بقوة ٢٠٠٠ واط

مش بس مفرمة لحمة قوية وشديدة بقوة ٢٠٠٠ واط لا دي كمان شيك أوي يعني كأنها قطع ديكور في البيت، المفرمة بتتميز بإنها بغلاف من الألومنيوم وشفرتها فولاذية مقاومة للصدأ عالية لجودة وبتتميز بمحرك قوي جدًا ومستويين للسرعة وصيني التعبئة كبيرة مصنوعة من الألومنيوم وفيها 3 ألواح للشفرات مختلفة للناعم والمتوسط والخشن وكمان إمكانية حشو السجق.

اتعرف على عروض أسعار مفرمة Caso بقوة ٢٠٠٠ واط من هنا.

مفرمة مولينكس ٥ في ١ بقوة ٢٠٠٠ واط

مفرمة ممتازة من شركة مولينكس بتتميز بموتور بقوة ٢٠٠٠ واط وبفضل ملحقاتها المتنوعة فبتقدر تقدملك خمس وظائف في جهاز واحد ومنها فرم اللحمة بدرجات مختلفة ده غير سلاح الكبة وإضافة حشو السجق، وبتتميز المفرمة بقوة تخليها تقدر تفرم لحد ٢٫٦ كيلو جرام في الدقيقة الواحدة وفيها نظام التشغيل العكسي، والمميز إنك تقدر تشيل كل ملحقتها جوا جسم الجهاز.

اتعرف على عروض أسعار مفرمة مولينكس ٥ في ١ من هنا.

مفرمة بلاك اند ديكر ١٥٠٠ واط

المفرمة المثالية للبيت واللي من خلالها تقدر تفرم اللحمة وتعمل السجق والبرجر بفضل الملحقات المختلفة اللي بتتمتع بيها، والمفرمة بتعتمد على موتور بقوة ١٥٠٠ واط بتقدر توصل لحد ١٤٠ دورة في الدقيقة مع دعم خاصية التشغيل العكسي والمفرمة سهلة الفك والتنضيف.

اتعرف على عروض أسعار مفرمة بلاك اند ديكر ١٥٠٠ واط من هنا.

اتعرف على عروض أسعار مختلف أنواع مفرمة اللحمة على ياقوطة من هنا.

اتعرف على عروض أسعار مختلف الأجهزة المنزلية على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من أبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.