كتبت: ياسمين الشرقاوي

طقلك ابتدا مرحلة جديدة من حياته لاكتشاف العالم من حواليه؟

كل أم وأب بيستنّوا لحظة وقوف مولودهم على رجليه، عشان يبدأ في الاعتماد على نفسه ويقدر يمشي. لكن الاستعداد للمرحلة دي مش شيء سهل لإنها مرحلة انتقالية يجب فيها على الأبوين عمل الترتيبات اللازمة لحماية طفلهم من العالم المحفوف بالمخاطر.

وعشان كل شيء ليه فوايده وأضراره، ومعظم الآباء والأمهات سمعوا عن أضرار المشايات وبدأ جو من الخوف منها يتزايد، كالعادة إحنا في ياقوطة بنحب نقدملكم معلومة علمية وموضوعية عن المنتجات اللي معظمنا بيحتاجها، معلومة بيقدمهالكم خبراء نتيجة خبرة سنين من الأمومة والتجارب. تعالوا نتعرف في دليل شراء المشايات على الأنواع المختلفة ليها ونعرف الفرق بينها وإيه اللي يناسب طفلكم، ونعرف كمان مميزات وعيوب المشايات اللي لازم ندركها كويس عشان نقدر نستخدمها الاستخدام السليم ونتجنب أي ضرر على أطفالنا.  

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

إيه هي المشاية؟ وإيه الغرض منها؟

هي عبارة عن كرسي أو مكان للجلوس وبعضها بيكون مصحوب بطاولة للعب والتسلية، لازم يتوفر فيها عامل الحركة وده اللي بيفرّقها عن الكرسي المعتاد. بعضها ليه عجل عشان يسهّل حركة الطفل والبعض بيتعلق بأستك مطاطي، بيلجأ ليها معظم الآباء مش بس لتدريب الطفل على المشي، لكن كمان كأداة إلهاء لبعض الوقت عشان تقدر الأم تنجز أي مهام يومية.

لازم نحط في الاعتبار إن كل شيء زي ما ليه فوايد ليه كمان أضرار،عشان كده هنوضحلكم هنا بعض مميزات وعيوب المشّايات وشروط الاستخدام الآمن عشان نقلل من أضرارها.

المميزات

• وسيلة مرح رائعة للطفل: بتلبي رغبة الطفل الجامحة في الحركة والاستكشاف وبتوفرله وسيلة مرح وانشغال رائعة ومفرحة بيستمتع من خلالها بالنشاط والحركة.
• وسيلة فعّالة لإلهاء الطفل: المشّاية بتمثّل وسلية لشغل طفلك بدون ما يضطر أحد الأبوين لحمله أو التواجد جنبه دايمًا، وبكده بتوفرلكم الوقت لو مشغولين ومش فاضيين لحمل الطفل وملاعبته (اقرأوا ضوابط الاستخدام).
• تعتبر طريقة مثالية لتدريب الطفل على الوقوف والحركة بشكل رأسي لكن ممكن يبقى ليها أضرار إن لم تُستخدم في السن المناسب اللي هو بين (٦-٩) شهور.

العيوب

• استخدام المشاية خارج الضوابط الضرورية زي السن والارتفاع المناسب ممكن يؤدي إلى إصابة ساق الطفل ببعض الأضرار اللي ممكن توصل إلى تشوه في الساقين – لا قدر الله –  نظرًا لإن عضلات الطفل وعظامه بتكون لينة وغير مؤهلة لتحمل وزنه لوقت طويل قبل سن ٩ شهور.
• قد يؤذي الطفل نفسه؛ لأنها بتتيح ليه الحركة بحرية في الوقت اللي الطفل لسه ما أدركش جميع المخاطر اللي حواليه زي الارتفاعات والانخفاضات (في حالة وجود سلم داخلي في البيت)، كمان بتخليه يوصل بسهولة لأماكن مش مسموحله التواجد فيها زي المطبخ، بالإضافة إلى العبث بكل ما هو خطر زي الكهرباء. عشان كده لازم ما نسيبش الطفل فيها بدون مراقبة.
• قد يكون ليها دور في إبطاء حركة الطفل في حالة الاعتماد التام عليها أو قضاء وقت طويل فيها.

ضوابط و شروط الأمان لاستخدام المشّاية

• السن المناسب: أبدأوا باستخدام المشّاية مع طفلكم في السن المناسب ويُفضل يكون بين الشهر التامن أو التاسع.
• المراقبة والملاحظة: ما تسيبوش طفلكم لفترات طويلة بعيد عن عينيكم لأنكم ما تقدروش تتوقعوا الطرق العديدة اللي ممكن يأذي بها نفسه. شوف أدوات الحماية والأمان للأطفال على ياقوطة.
• اتأكد إنها سليمة ومتينة: كتير من الأطفال بيتعرضوا للأذى من المشاية نفسها، ممكن يكون الكرسي مش متثبت بإحكام فيقع الطفل منها، أو تكون بعض أجزاءها مكسورة فتأذيه.
• الوقت: مش المفروض إن الأبوين يسيبوا الطفل يعتمد عليها كل الاعتماد لفترات طويلة، يُنصح باستخدامها لفترة لا تتجاوز (ساعة إلى ساعتين) بس يوميًا.
• الوضعية: يجب وضع الطفل فيها بحيث تلامس أطراف قدمه بس الأرض، خصوصًا في الفترة الأولى من تعلم الوقوف (عشان رجليه ما تتحملش وزنه فتضر عضلاته وعظامه). بعد ما يتعلم الوقوف لوحده، ممكن تقللي من ارتفاعها بحيث تلامس قدميه الأرض كوضعية المشي.
• ينصح الأطباء بإعطاء فيتامين «د» يوميًا لطفلك في شكل نقط لتجنب أي مشاكل في العظام.

أنواع المشّايات المختلفة المتاحة بالأسواق

١- المشّاية الرأسية

بتكون في شكل حزام بيلبسه الطفل وبتسهّله الحركة بشكل رأسي. يمكن للأم أو الأب مسكها أو ممكن تعليقها في الباب أو جعلها متدلية من أعلى.

المميزات

تعتبر من الأنواع الآمنة، لأنها بتوفر للطفل القدرة على الاتزان والاستقامة  من غير ما وزنه يحمل على رجليه. كمان مش بتوفر الحركة الحرة لأنها ثابتة إلا بمساعدة الأم والأب. بتيجي بملمس قطني مريح وممكن يقضي فيها الطفل وقت أطول. سعرها منخفض وفي متناول الجميع.

العيوب

غير ملفتة بشكل كافي للأطفال عشان مفيهاش ألعاب أو أضواء وأصوات، لا تناسب الطفل بعد مرحلة التعلم.

شوف المشاية القطنية الرأسية من هنا.

٢- عربة الجر Baby Wagon

هي عربة ليها يد يمكن للطفل الوقوف والسند عليها وجرها. وفيها مكان لوضع الألعاب أو المكعبات وده بيضيف ليها عامل المرح. بعضها بييجي بأزرار موسيقية وأضواء ملفتة.

المميزات:

تعتبر من المشّايات الآمنة لإنها بتساعده في التنقل باستقلالية لكن بدون الاعتماد عليها كليًا، وبرضه بتوفرله عامل الأمان. ممكن يستخدمها الطفل حتى بعد عمر السنة وتعلم المشي كعربية لتخزين ألعابه. وممكن ظبط ارتفاع اليد عشان تناسب طول الطفل وراحته.

العيوب:

في حالة السن الصغير، ممكن الطفل يأذي نفسه في حالة النهوض ومحاولة السند عليها لأنها وارد تتحرك بسبب عجلاتها ويصطدم الطفل بيها، عشان كده لازم نحطها على مكان ماصّ للصدمات. لكن معظم العربيات دي بتوفر عامل الثبات والاتزان. شوف مجموعة من سجاجيد لعب للأطفال للحماية من الاصطدام.

عربة الجر للأولاد

تصميمها بيحافظ على ثبات العربة، وبييجي معاها مجموعة من المكعبات المطاطية الآمنة والتعليمية للطفل. ممكن للآباء تعليم طفلهم ترتيب وتجميع الألعاب بطريقة سهله ومرحة.

شوف عربة الجر للأولاد من هنا.

عربة للفتيات

تصميمها و ألوانها الملفته للفتيات بيخليها اختيار مناسب لتعليم بنتكم المشي. وبرضه تقدر تستخدمها بعد تعلم المشي لمراحل عمرية أكبر كعربية وده اللي بيخليها متعددة الاستخدام في حالة وجود طفلتين.

شوف عربة للفتيات من هنا.

عربة موسيقية

ليها لوحة موسيقية بتخليها ملفتة خصوصًا للسن الصغير.

شوف عربة موسيقية من هنا.

عربة ديزني

بتيجي بألوان مختلفة للأولاد والبنات من محبي شخصيات ديزني ومتعددة الاستخدام برضه.

شوف عربة ديزني من هنا.

3- المشّاية التقليدية

هي عبارة عن كرسي محكم بيقعد فيه الطفل وبيكون قدامه لوحة من الألعاب والأزار الموسيقية والأضواء لتسليته، مزودة بعجلات عشان تتيح للطفل الحركة وتقدر تتحكم في ارتفاع الكرسي عشان يناسب طول الطفل وسنه. يوجد في بعض المشايات خاصية تحويلها إلى كرسي هزّاز.

المميزات

من أكتر الأنواع مرحًا وجذبًا للأطفال بسبب لوحة اللعب والأصوات. فيها أشكال تعليمية زي أشكال الحيوانات مصحوبة بصوتها فبيفتح مدارك الطفل وبينمّي التوافق العصبي العضلي عنده. يقدر الطفل يتحرك باستقلالية وحرية ويوصل لحاجات جديدة ما شافهاش قبل كده وده بيخليها مليانة بالمرح بالنسبة له.

العيوب

مع كل المميزات دي، ممكن يتعرض الطفل لمخاطر عديدة في حالة عدم الالتزام بضوابط استخدام مشاية الأطفال المذكورة في المقال ده.

شوف المشّاية التقليدية من هنا.

أخيرًا، انتقال الطفل من كونه مولود معتمد كل الاعتماد على أمه إلى مرحلة الاستقلالية والوقوف والمشي عشان يجري لأحضانك هي المرحلة اللي بيستناها كل أم وأب. لكن يجب مراعاة كل الضوابط وشروط الأمان في تقديم أي وسيلة مساعدة، لإن لكل شئ مميزاته وعيوبه حسب طريقة الاستخدام بدون إفراط.