كتبت: صفاء مجدي

موسم الامتحانات قرب؟!
عندك ضيوف جايين على العشا ومحتارة تقدمي ليهم إيه؟!
مسافرة ويك إند ونفسك تعملي حاجة سريعة للسفر؟!
ولا بتحبي تاكلي حاجة خفيفة بين الوجبات؟!

لو مريتي بموقف من دول قبل كده وبتحتاري تعملي إيه، ياقوطة جابتلكم الحل.عن طريق أنواع مختلفة من الميكسر واللي من خلالها تقدري تعملي مخبوزات وعجائن على كل شكل ولون، وممكن عن طريق الميكسر ده تحشيها شوكولاتة، أو جبن، أو مربى، والجميل في الميكسر إنه بيساعدك تعملي كل الحاجات دي في البيت، يعني تكلفة أقل وفي أي وقت وكمان تكوني متأكدة إنها مفيدة وصحية ليكي ولكل أفراد أسرتك.

ياقوطة هتقدملك دليل صغير لأشهر أنواع الميكسر المتاحة في السوق المصري، وهتقولك لما تيجي تشتريها تهتمي بإيه، ومع كل ده هنعرض عليكي أفضل سعر متاح في السوق، ولو عجبك أي نوع فيهم ممكن تطلبيه عن طريق ياقوطة، ويوصلك لغاية باب البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق. 

الميكسر الكهربائي نوعين:

1. محمول باليد (الهاند ميكسر)

• • وده بيكون جزء واحدة ومزود بمضارب تمسكيها في إيدك طول الشغل.
  • مش بيكون معاه وعاء للخفق، يعني العجينة تضربيها في أي طبق غويط عندك.
  • عادةً بتكون ملحقاته أقل شوية من الاستاند ميكسر واللي عادةً ما بتزيدش عن مضارب الخفق والعجن.
  • مش بيكون في نفس قوة الاستاند ميكسر وعشان كده بيقتصر عمله على مهام سهلة شوية زي الكريم شانتي، أو خفق البيض والعجائن الخفيفة.
  • فيه ميزة مهمة وهو إنه مش بيحكمك بكمية معينة لأنك انتي اللي بتتحكمي في حجم الوعاء.
  • مساحته في التخزين مش كبيرة.
  • مفيد لو انتي مش مهتمة بالعجن أوي بس محتاجة حاجة للخفق وعمل الكريمات والخلطات البسيطة.
  • وانتي بتشتري الهاند ميكسر اختاري النوع اللي سرعاته أكتر من تلات سرعات علشان يسمح لك بعجبن أنواع مختلفة من العجائن والمخبوازت بشكل كويس.

شوف الهاند ميكسر وأنواعه المختلفة من هنا ، بسعر يبدأ من ٢٩٩ جنيه مصري.

2. الخلاط الواقف (الاستاند ميكسر)

• • ده الميكسر اللي بيكون ملحق معاه وعاء متصل بيه.
  • بيوفر ثبات أكتر في الشغل.
  • مش هتضطري تكوني ماسكاه طول الوقت، وده بيتيح لك حرية الحركة فيسمح لك تقوم بمهام تانية على ما ينتهي من عملية العجن.
  • بييجي معاه ملحقات أكتر من الهاند ميكسر ودي بتسهل من وظيفته في العجن زي مضرب البيض وأداة عجن، وممكن تلاقي معاه سكينة أو ملعقة علشان تقدري تشيلي بيها العجينة.
  • بيكون له موتور قوي بيساعدك في القيام بمهام صعبة مهما كان حجم وكمية الحاجات اللي هتعجنيها.
  • بياخد مساحة كبيرة في التخزين.
  • سعره عادةً أعلى من الهاند ميكسر.

قارن بين أسعار وأشكال الاستاند ميكسر من هنا، بأسعر تبدأ من ٧٠٢ جنيه مصري.

بعد ما تحددي نوع الميكسر اللي هينفع معاكي لازم تدوري على الخصائص دي عشان توصلي للجهاز المناسب.

الوزن:

• • الهاند ميكسر من الأجهزة اللي هتفضلي ماسكاها طول ما هي شغالة وعشان متتعبيش حاولي يكون وزن الميكسر خفيف على قد ما تقدري.
  • لكن لو كنتي هتشتري استاند ميكسر فموضوع الوزن مش مهم أوي، ويفضل إن الميكسر يكون تقيل شوية عشان يوفر لك ثبات أكبر في الشغل وما يتحركش على رُخامة المطبخ وهو شغال.

الملحقات:

• • كل ما زادت ملحقات الميكسر كل ما بتزيد وظايفه ويكون مريح ليكي في الشغل. الملحقات اللي هتلاقيها مع الميكسر (وممكن تقل أو تزيد حسب الموديل) كالتالي:
    • مضرب خفق
      • وده عادةً بيكون مضرب سلك وظيفته خفق السوايل الخفيفة القوام، زي البيض، والكريم شانتي.
    • خطاف العجن
      • وده خطاف فيه انحناء كده لعمل العجاين بشتى أشكالها وتقدري منه تتحكمي في قوام العجين على حسب احتياجك ليها في الأكل.
    • وعاء خفق
      • وده بييجي بس مع الاستاند ميكسر، وطبعًا ده وظيفته إنك بتحطي فيه المكونات اللى بتحتاجي تضربيها أو تعجنيها وبيتميز بسهولة تنضيفه وما بيخليش العجينة تلزق فيه.
  • ويفضل إنك تشتري جهاز تكون ملحقاته طويلة. كل ما يزيد طولها كل ما يكون أحسن عشان بكده المضرب يقدر يمزج مكونات العجين بشكل كويس ومتساوي وكمان ما يسمحش بخروج مكونات العجين بره الوعاء ده.

السرعات:

• كل ما تزيد السرعات كل ما يكون أفضل وهيخليكي تنجزي الشغل أحسن لكن خلي بالك وانتي في بداية العجن تكون السرعة بطيئة علشان مكونات العجين ما تتبهدلش منك وتخرج بره خصوصًا لو كان فيه مكونات سهلة إنها تطير زي الدقيق، أو السكر المطحون.

القوة:

• • أي هاند ميكسر يقدر يقوم بمهام الخفق البسيطة لكن الهاند ميكسر القوي بس هو اللي هيقدر يقوم بمهام صعبة زي العجن. ومهمة زي دي هتحتاج موتور قوته كبيرة ويفضل وانتي تختاري الهاند ميكسر تكون قوة الموتور من ١٨٠ وات وأكتر.
  • الاستاند ميكسر يفضل متكونش قوة موتوره أقل من ٤٥٠ وات.

تصميم الجهاز:

• • اشتري هاند ميكسر يكون تصميمه مريح من حيث المسكة بتاعته بحيث ما تتعبكيش ولا تتزحلق من إيدك. ويفضل تكون مسكته مغطاة بمطاط يمنع انزلاقه من إيدك وكمان يسمح لك تمسكيه بشكل قوي.
  • كمان فيه أجهزة هاند ميكسر تقدري تثبتيها على طرف الوعاء دون الحاجة لمسكه. ودي بتكون ميزة كويسة ولو هتزودي مكونات للعجينة بتاعتك.
  • الاستاند ميكسر يفضل يكون من المعدن زي الاستانلس أو الألومنيوم لإن الخامة دي بتعيش أكتر من البلاستيك.
  • اختاري ميكسر تكون أجزاءه سهلة في الفك والتركيب والتنضيف علشان ما تتعبيش كل ما تحتاجي تنضفيه.
  • الطبق أو الوعاء اللي بييجي مع الميكسر يفضل يكون كبير وعميق علشان يسمحلك تعجني فيه كمية كبيرة مرة واحدة، وعمقه بيحافظ على العجينة كلها من غير ما أجزاء منها تخرج بره.
  • لو ناوية تغسلي الملحقات في غسالة الصحون يبقى خلي بالك إن الملحقات دي تكون قابلة للغسل في غسالة الصحون، وهتلاقي المعلومات دي في الكتيب الموجود مع الميكسر.
  • يفضل أن يكون في الجهاز زر لما تضغطي عليه يفك الدراعات أوتوماتيكيًا لمزيد من سهولة الاستخدام.
  • هتلاقي كمان أنواع في الاستاند ميكسر الحديثة فيها جهاز توقيت (تايمر). تقدري تظبطيه على وقت معين وممكن كمان تظبطي التايمر ده على وقت الانتهاء لو كنتي مشغولة في أكلات تانية.

*قد تنفد المنتجات من المتاجر  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.