إزاي تختار الراوتر اللاسلكي المناسب؟
كتب: محمد حمدي
معظم شركات الإنترنت بتقدم راوتر مجاني أثناء تركيب خدمة الـ ADSL للمنازل. الراوتر المجاني اللي بيختلف نوعه من شركة لأخرى، ومن مقدم خدمات لآخر بيكون كويس بالنسبة للناس البسيطة اللي عاوزة مجرد إنترنت في البيت وخلاص.
لكن بالنسبة لشريحة تانية من المستخدمين بتكون مساحة المنزل عندهم أكبر، أو محتاجين خدمات إضافية في الراوتر زي معاملات أمان أقوى أو مساحة انتشار أكبر… إلخ، في الحالة دي بيكون عليهم شراء راوتر جديد أو إضافي.
وعلشان قرار اختيار راوتر جديد بيكون صعب ومحتاج وقت وجهد كبير، ياقوطة قررت توفر عليكم الوقت والجهد وتقدم لكم دليل شامل وسريع لاختيار الراوتر المناسب.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مصطلحات الراوترات
وعلشان نبقى على دراية وفهم للمصطلحات الخاصة بشراء الراوترات، وعلشان نقدر نقرأ بشكل صحيح ومفهوم المصطلحات اللي بتكون موجودة على الكرتونة الخاصة بالراوتر أو على المواقع الالكترونية المختلفة.
| المصطلح | الوصف |
| Router Range | والمقصود بيها المساحة اللي بيغطيها الراوتر، وفى الغالب بيتم تحديد قيمتها برقم معين من الأمتار، بتتحسب من خلال دائرة قطرها هو عدد الأمتار دي. |
| Wireless Security | والمقصود بها عناصر الأمان الخاصة بالراوتر وتنقسم لأكثر من اعداد أهمهم وأحدثهم WPA2,WPA-PSK |
| Firewall Security | نوع تاني من الحماية ضد الهجمات ضد الأجهزة المتصلة بالراوتر ويمكن تفعيله أو الغاؤه من داخل الراوتر |
| System Requirements | هي متطلبات الأجهزة اللي تقدر تتصل بالراوتر. ومعظم الراوترات الحديثة بتقبل دخول كافة أجهزة ويندوز وأبل و لينكس وغيرها. |
| Package Contents | ومعناها القطع الموجودة في العلبة، زي الراوتر وسلك الشحن والكتالوج الخاص بالراوتر مثلا. |
| WPS | نظام للدخول على الراوتر بدون كلمة سر أو اعدادات، ودايما بيكون موجود في الراوترات الحديثة. |
أسئلة قبل الشراء
وعلشان نختار الراوتر المناسب لازم نسأل نفسنا الأسئلة المناسبة. والإجابة عنها هاتحدد نوع الراوتر بالظبط.. والأسئلة دي هي:
هل بشتري راوتر لزيادة المساحة المغطاة بالإنترنت؟
والإجابة على السؤال ده هاتخلينا نختار الراوترات اللي لها (3 أنتنا) علشان بتقدر توصل الإنترنت لمساحات أوسع بكتير من باقي الراوترات.
هل بشتري الراوتر علشان أحصل على سرعة انترنت أسرع؟
وفى الحالة دي هاندور على راوتر بسرعة أعلى
هل بشتري راوتر علشان أوصل أجهزة كتير ومختلفة؟
والأجوبة هاتحدد عدد المنافذ في الراوتر اللي بنقوم بشراؤه
ما هي ميزانية الشراء
ودي اللي بتحدد سعر الراوتر اللي بندور عليه.
الأنواع المتاحة من الراوترات
وهنا ها نناقش معاكم أنواع الراوترات المختلفة المتاحة في السوق المصري وأسعارها ومواصفاتها، ونشوف ترشيحات ياقوطة لنا.
راوترات D-Link
وهى واحدة من أشهر الراوترات في الأسواق، وليها سمعة قوية ومعظم المستخدمين المصريين بيقبلوا على شراء راوترات دي لينك. والمتاح منها كان الأتي
DSL-2730U
وده راوتر متاح بلون أسمر وأنتنا واحدة، وله 4 منافذ لتوصيل الأجهزة مباشرة للراوتر، ويتم حمايته بكلمة سر مزدوجة وجدار ناري ضد هجمات المخترقين، وسرعة نقل البيانات تصل الى 150 ميجا بايت في الثانية وسرعة رفع 1 ميجا في الثانية.
محمد رمضان اللي اشترى الراوتر قال لنا ان الراوتر مخصص للاتصال التقليدي العادي بالإنترنت، وقال لنا انه لم يجد أي فارق بينه وبين الراوتر اللي وصله من شركة الأنترنت غير في مساحة التغطية واللي كانت أكبر بشىء بسيط.
DSL-2750U
نوع تاني من الراوترات متاح بسرعة تحميل تصل الى 300 ميجا في الثانية وسرعة الرفع 1 ميجا كمان بيتميز الجهاز بوجود 2 انتنا واللي بتوفر انترنت اسرع لمساحة اكبر من المنزل.
شوف راوتر دي لينك مودم من هنا.
DSL-2740U
ومتاح للشراء على كومبيو مي بسعر 503 جنيه وفيه 2 انتنا وبتوصل سرعة الانترنت فيه الى 300 ميجا في الثانية وبيشبه الموديل السابق بالظبط من حيث الشكل أو الإمكانيات.
وعلشان نوفر عليكم عملنا جدول للمقارنة بين طرازات Dlink المتاحه
| الموديل | المميزات | العيوب |
| DSL-2730U |
|
|
| DSL-2750U |
|
|
| DSL-2740U |
|
|
راوترات TP-Link
البعض ممكن يسألنا عن أشهر راوترات السوق المصري…وأكثرها مبيعا وانتشارا وفى كل بيت في مصر تقريبا.. الإجابة على السؤال ده هاتكون هي راوترات TP-LINK. والحقيقة ان تي بي لينك قدرت تحقق انتشار ونجاح كبير في السوق المصري.
الجدول ده بيعرفنا الموديلات اللي رشحتها لنا ياقوطة واسعارها ومميزاتها وعيوبها.
| الموديل | المميزات | العيوب |
| AC1900 |
|
|
| AC750 |
|
|
| D5 1200 |
|
|
| Lite N |
|
|
| N GIGABIT |
|
|
| TD W8151 N |
|
|
وبكده يكون عرضنا للموديلات الحديثة من الراوترات الاسلكية انتهي.. ياريت تقولولنا رايكم والأنواع اللي بتفضلوها.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.