كتب: علاء بسيوني

موقع ياقوطة بيعرضلك المنتجات الجديدة اللي بتتباع أونلاين من على أكثر من 100 موقع. بس فيه حاجات تانية بتبقي معروضة أونلاين غير المنتجات دي زي العقارات، المنتجات المستعملة، خدمات سياحية والسيارات. عشان كده عملنالكم دليل صغير لأفضل المواقع اللي بتعرض المنتجات اللي مش موجودة عندنا عشان نساعدكم.

السيارات:

السيارات دائماً سوقها مطلوب زي العقارات وبتحتاج بحث دقيق علشان تلاقي المناسب لك.

• هتلاقي : موقع يشمل سيارات معروضة للبيع (جديد ومستعمل) ومنتدى لمناقشة أحداث ومشاركة مواقف عن السيارات، وكذلك آخر أخبار عالم السيارات. سهل جداً إضافة إعلان علي الموقع لبيع السيارات. فيه ميزة حلوة قوي إنك تشوف أسعار العربيات المستعمله علي مدار فترة معينة من حيث الارتفاع والهبوط، وكل الماركات موجودة.
• كونتاكت كارز: موقع بيعرض كل أنواع السيارات والموتوسيكلات المعروضة للبيع عن طريق المستخدمين. فيه كمان ميزة إنك لو حبيت تحسب قسط عربية أو التأمين.

العقارات:

مش لازم تنزل تلف و تدوخ على شقق للبيع أو للإيجار في الشارع. من خلال مواقع الإنترنت المتخصصة في مجال العقارات، هتقدر تلاقي بسهولة العقار اللي يناسبك على قد إمكانياتك.

• عقار ماب: محرك بحث عقاري يسهل عليك تصفح العقارات والمشاريع المعروضة من الشركات العقارية وملاك العقارات. عندما تجد العقار المناسب لك، تواصل مع المعلن مباشرة عن طريق البريد الإلكتروني أو التليفون عن طريق الضغط على زر “رقم الهاتف”. فيه مميزات إنك تدور على العقار اللي انت عاوزه في جميع أنحاء الجمهورية وفيه كمان تطبيق بيخليك تقيم العقار اللي انت عاوز تبيعه.

• بروبيرتي فايندر: يعمل على تقديم كافة الأدوات اللازمة لمساعدة مستخدمي الموقع في الحصول على العقارات التي تناسب أذواقهم واحتياجاتهم. كما يعمل مع الوسطاء العقاريين على إضافة جميع التفاصيل والمعلومات المتعلقة بالعقارات في مكان واحد مما يسهل على المستخدم الاختيار والمقارنة بين العقارات أثناء التصفح والبحث من خلال الحاسوب الشخصي أو أجهزة المحمول الذكية.

المنتجات المستعملة:

فيه ناس بتبقى عندها منتجات عاوزة تبيعها وبتكون مستعملة، فيه مواقع (وسيطة) كل مهمتها أنها بتساعد البائع و الشاري يتقابلوا عن طريقها.

• أوليكس: كانت تعرف بإسم (دوبيزل) قبل ما شركة Naspers تشتريها. تُعتبر أوليكس المنصة الرائدة عالمياً للإعلانات المبوبة عبر الإنترنت والهواتف المتحركة في الأسواق متسارعة النمو.

• الوسيط : جريدة أسبوعية كنت دايماً تلاقيها على باب شقتك كل يوم جمعة (و ما زال)، دلوقتي بقى  موقع أونلاين بتعرض منتجات مستعملة من قبل مستخدمين.