جهز بيتك لاستقبال شهر رمضان مع ياقوطة
كتبت: منى عوض
مرحب شهر الصوم مرحب، رمضان عادت بأمان، بعد انتظارنا وشوقنا إليك، جيت يا رمضان. كل سنة وانتم طيبين. شهر رمضان على الأبواب، الشهرا للي بنستناه من السنة للسنة، واللي بنبدأ نستعد ليه من بدري.
لأن رمضانك أحلى مع ياقوطة، هنقولك إزاي تجهز بيتك لاستقبال شهر رمضان الكريم بديكورات بسيطة ومميزة هتخلي روح البيت مختلفة تمامًا، ولو عجبك حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.
بنفكرك إنك ممكن تشتري تجهيزات رمضان من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
فانوس رمضان
الفانوس دايمًا بيكون أول حاجة تيجي على بالنا أول ما ندرك إن رمضان خلاص على الأبواب، فهو تراث ماينفعش نستغنى عنه بمرور السنين.
تقدر تختار فانوس رمضان من هنا.
تابلوه إسلامى مودرن
التابلوه دايمًا بيدي الحائط شكل مختلف وفيه ناس بتعتبرها جزء لا يتجزأ من بيتها، والتابلوه اللي بيحمل طابع إسلامي هيكون لطيف في تزيين المنزل وإضفاء روحانيات وحالة إيمان وراحة وهدوء لطيفة جدًا في الشهر الكريم.
تقدر تختار تابلوه إسلامى مودرن من هنا.
زينة رمضان
تقدر تختار زينة رمضان اللي إنت عايزها من بين أشكال كتير، ففي ناس مثلاً بتحب الحاجات اللي بتتعلق وبتبقى واخده شكل مثلثات مصنوعة من قماش الخيامية، وفيه ناس بتحب حبل الزينة المكون من فانوس وهلال ونجمة، وفيه ناس بتحب حبل وفيه دلايات متعلقة على شكل فوانيس قماش أيضًا، اختلفت الأشكال والغرض واحد وهو تزيين المنزل والاستعداد لاستقبال الشهر الكريم بكل روحانياته وأجوائه والخير اللي فيه.
تقدر تختار زينة رمضان من هنا.
فرع زينة رمضان ليد على شكل فانوس
تزيين البيت بفرع فيه فوانيس وفيها إضاءة LED دي فكرة تانية ممكن تستخدمها في تزيين المنزل والاستعداد لاستقبال الشهر الكريم.
تقدر تختار فرع زينة رمضان ليد على شكل فانوس من هنا.
ديكور رمضان على شكل قدرة فول
الفول سمة مميزة من سمات الشهر الكريم، عشان كدا ياقوطة اختارت ليكم ديكور على شكل قدرة فول تقدر تزيين بيها تربيزة السفرة أو أي تربيزة في ركن عليها مفرش من قماش الخيامية مثلاً وتسمى الركن دا ركن شهر الخير أو ركن رمضان وهكذا.
تقدر تشوف ديكور رمضان على شكل قدرة فول من هنا.
طبلة مسحراتي رمضان
المسحراتي أيضًا واحد من السمات المميزة لرمضان واللي بيفكرنا دايمًا بأيام زمان الجميلة، عشان كدا حبينا نستعرض طبلة مسحراتي رمضان اللي تقدر تستخدمها كزينة على أي تربيزة أو في ركن رمضان زي ما ذكرنا قبل كدا، وتقدر كمان تعمل بيها دوشة وتستخدمها عشان تصحي البيت كله وقت السحور.
تقدر تختار طبلة مسحراتي رمضان من هنا.
غطاء رمضان لعلبة المناديل
ممكن كمان تزيين علبة المناديل بغطاء بيكون مصنوع عادةً من قماش الخيامية، ودي خطوة بسيطة جدًا هتخليك تحس إن رمضان خلال وصل.
تقدر تختار غطاء رمضان لعلبة المناديل من هنا.
مفرش رمضان
مفرش بروح رمضان تقدر تزيين بيه تربيزة السفرة أو أي تربيرة عندك وممكن تحط على التربيزة دي شوية حاجات تدل على روح رمضان زي دبدوب على شكل بوجي وطمطم مثلاً أو علبة مناديل مزينة بزينة رمضان أو أي حاجة تانية عندك، وكمان تقدر تغسل المفرش بكل سهولة في الغسالة.
تقدر تختار مفرش رمضان من هنا.
غطاء خدادية لرمضان
ممكن غطاء الخدادية لتزيين الخداديات الصغيرة اللي بتبقى موجودة في الصالة أو غرف النوم أو حتى لو حابب تنام عليها عادي جدًا، وفيه ناس بتاخد الخدادايات دي معاها في ركن الاعتكاف أو ركن الصلاة عشان تتعبد ولما تحب تريح تريح في مكانها وهكذا.
تقدر تختار غطاء خدادية لرمضان من هنا.
سجادة صلاة
سجادة الصلاة مش هنقدر نقول إنها زينة للبيت لكنها لو اتحطت في ركن في البيت- أو زي ما بيسميه معظم الناس ركن الصلاة- هتخليك دايمًا حاسس بحلاوة الإيمان وبتجري على الصلاة أول ما الأذن يأذن وكمان هتخلي أولادك يجروا على الصلاة ويتعلموها ويحبوها.
تقدر تختار سجادة الصلاة من هنا.
سبحة
فيه ناس بتحب تستخدم السبحة زي الزينة بمعنى إنها بتعلقها على الحائط أو بتحطها بشكل معين على التربيزة وهكذا، وفيه ناس بتحب تستخدمها في الذكر، سواء كنت من النوع الأول من الناس أو النوع التاني دا مش هيغنينا عن فكرة ضرورة وجود السبحة اللي هتخليك تستحضر روح الإيمان وهتفكرك دايمًا بالذكر.
تقدر تختار السبحة من هنا.
حامل مصحف
لو فعلاً ناوي تعمل ركن صلاة في البيت يبقى ماينفعش تستغنى عن حامل المصحف اللي هتقدر تستخدمه في قراءة القرآن بخشوع وتركيز كبير.
تقدر تختار حامل المصحف من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.