جهز أوضة المكتب المثالية من على ياقوطة بكل سهولة وبساطة
كتب: خالد عاصم
أوضة المكتب عند ناس كتير هي أهم أوضة في البيت، زي الناس اللي شغلهم بيكون من البيت أو المتخصصين في أي شكل من أشكال الكتابة، أو الطلبة بمختلف فئاتهم اللي بيحتاجوا أوضة مكتب متكاملة عشان يدخلوا في مود المذاكرة، وغيرهم كتير من الناس اللي بيستغلوا فرصة وجود أوضة فاضية في بيتهم عشان يحولوها لأوضة مكتب، والنوع ده من الناس بيهمهم قوي إن أوضة المكتب دي تكون مثالية.
لو عايز تجهز أوضة المكتب المثالية في بيتك بسهولة وببساطة، هتقدر تعمل ده من خلال ياقوطة من غير ما تلف ما بين المواقع أو المعارض، وفي المقال ده هنعرفك إزاي تعمل كده، وكل حاجة هنتكلم عنها في المقال هتلاقوها متوفرة على ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
جهز أوضة المكتب المثالية في بيتك بسهولة مع ياقوطة
الأثاث المكتبي
المكتب
مادام بنتكلم عن أوضة المكتب يبقى طبعًا أول حاجة لازم نتكلم عنها هي المكتب نفسه، وفي الجزء ده من المقال هنستعرض معاكم مجموعة مختلفة من المكاتب المودرن والكلاسيك والمناسبة لمختلف الاستخدامات سواء كنت هتستخدم المكتب في الشغل أو المذاكرة.
مكتب KALLAX مقاس ٧٧ × ١٤٧ × ١٥٩ سم
شكل المكاتب اختلف كتير عن زمان وده بفضل شركات كتير دخلت السوق المصري بتصميمات عصرية جديدة ومختلفة زي شركة إيكيا مثلًا، ومن بين المكاتب المودرن المختلفة دي مكتب KALLAX اللي بيعتبر مكتب ومكتبة في نفس الوقت وتقدر تستخدمهم بأكتر من طريقة، يعني ارتفاع المكتب ممكن يتغير والمكتبة ممكن تزود وحداتها لما تحب أو تغير شكلها بما لا يخل بالتصميم الأساسي وكمان تقدر بسهولة تحرك المكتب نفسه من غير ما تخاف إنه يأثر على أرضية الأوضة.
اتعرف على عروض أسعار مكتب KALLAX المتوفر على ياقوطة من هنا.
مكتب برافو مع أرفف جانبية
الفكرة والمبدأ الأساسي في التصميمات العصرية في الأثاث هو كيفية استخدام المساحات والفراغات وكمان كيفية استخدام قطعة الأثاث في الاستخدام العملي وفي الديكور وإضافة لمسة مختلفة للمكان، وده اللي بيوفره المكتب المودرن ده من برافو واللي بيجمع بين كونه مكتب صغير ومش بياخد مساحة أبعاده ٤٠ سم × ٧٥ سم × ٩٠ سم للعمق والطول والعرض على الترتيب، وفيه في الجنب رفين تقدر تستخدمهم في وضع الكتب أو الملفات المهمة أو قطع ديكور صغيرة، ميزة المكتب ده إنه مناسب لأي أوضة بأي مساحة وممكن كمان تستخدمه في أوضة نومك من غير ما تحتاج تخضض أوضة مخصوص للمكتب.
اتعرف على عروض أسعار مكتب برافو مع أرفف جانبية من هنا.
مكتب LINNMON / ALEX
مكتب Linnmon / Alex بتقدمه أيكيا المعروفة بتصاميمها الممتازة وباعتمادها على مواد تصنيع بتجمع بين الخفة والمتانة، أبعاد المكتب ٧٤ سم ارتفاع و٦٠ سم عرض و١٢٠ سم طول وبيمتاز بطبقة طلاء مط للجزء العلوي منه وده بيخليه مقاوم للخدش وفي نفس الوقت ناعم، المكتب كمان بيمتاز بوحدة أدراج مكونة من خمس أدراج مختلفة الحجم عشان تقدر تحتفظ فيها بكل اللي انت عايزة وكمان بيتميز بإن رجله قابلة للتعديل يعني حتى لو الأرض مش مستوية لأي سبب هتقدر تظبط المكتب عليها.
اتعرف على عروض أسعار مكتب LINNMON / Alex من أيكيا من هنا.
مكتب MICKE متعدد الأغراض القابل للتعديل ١٠٥ × ٥٠ سم
مكتب بيجمع بين التصميم العصري واللون الكلاسيك وتعدد الوظائف والأغراض والعملية، المكتب مقاسه ١٠٥ سم × ٥٠ سم وبيتميز بوحدات أدراج ورفوف قابلة للتعديل وتقدر تغير في أماكنها ونظامها باللي يناسبك ويناسب استخدامك، المكتب كمان فيه وحدة تخزين رأسية في رف علوي ده غير كمان الألواح الجانبية المختلفة، المكتب كمان فيه فتحات تهوية خلفية عشان تقلل من درجة حرارة الكمبيوتر، ده غير تميزه على مستوى ميكانيزم الأدراج.
اتعرف على عروض أسعار مكتب MICKE متعدد الأغراض من هنا.
اتعرف على عروض أسعار مختلف المكاتب المتوفرة على ياقوطة من هنا.
كرسي المكتب
كرسي مكتب طبي Sarcomisr Mesh
كرسي المكتب هو أهم قطعة في المكتب كله ولازم تختارها بعناية شديدة جدًا لأن الكرسي هو اللي هيستقبلك لساعات من الشغل أو الدراسة أو حتى اللعب، عشان كده لازم يكون مريح ولازم يكون بيتمتع بتصميم صحي، وعشان كده اخترنا الكرسي ده اللي بيمتاز بتصميم طبي مريح جدًا للضهر لأنه بياخد وضع ضهرك بالظبط.
قاعدة الكرسي معمولة من القوم عالي الكثافة، أما الضهر فمعمول من قماش طبي عشان يضمنلك راحة أكتر لضهرك، كمان تقدر تعدل الكرسي على حسب احتياجك سواء حبيت تعدل ارتفاعه أو ارتفاع اليد أو مسند الرأس.
اتعرف على عروض أسعار كرسي Sarcomiser Mesh من هنا.
كرسي مكتب ماهمايي
كرسي بيتميز بتصميم مريح جدًا وكمان عملي ويساعدك إنك قدر تنجز شغلك أو مذاكرتك من غير ما تحس بتعب، أبعاد الكرسي بعرض ٥٢ سم و٤٩ عمق ومن ١٢٥ لحد ١٣٥ ارتفاع، تصميم الكرسي عصري وبيتميز بضهر بفتحات عشان تحسسك براحة أكتر وكمان ما يخليش ضهرك يعرق وده اللي بيتسبب في مشاكل كتير، الكرسي طبعًا بيقبل تعديل ارتفاع وبيتميز كمان بإمكانية تعديل الضهر ده غير إن فيه مسند للراس.
اتعرف على عروض أسعار كراسي مكتب ماهمايي المتوفرة على ياقوطة من هنا.
منوعات مختلفة
وحدة أدراج ALEX Drawer
لو وحدة الأدراج اللي في المكتب مش مكفية لأنك بتحتفظ بحاجات أكتر من اللي تقدر تشيلها، هتقدر تزود وحدات التخزين في المكتب المنزلي اللي بتكونه من خلال وحدة أدراج ALEX Drawer المطابقة للي موجودة في المكتب اللي فات واللي مش هيبقى شكلها مختلف وبالتالي هتكمل شياكة المكتب وتناسقه.
الوحدة مكونة من ٥ أدراج وأبعادها ٧٠ سم ارتفاع و٥٨ سم عمق و٣٦ سم عرض وبتمتاز بمواد خفيفة وقوية في نفس الوقت وكمان ثبات كبير بحيث أنها صعب تتحرك من مكانها عند استخدامها، وتقدر بفضل أبعادها إنك تحطها جنب المكتب أو حتى تحته.
اتعرف على عروض أسعار وحدات أدراج ALEX Drawer من هنا.
كنبة الدورا قابلة للتمدد
كل الدكاترة بينصحوا بانك لازم تقوم كل ساعة من على المكتب وتتمشى أو تمدد جسمك لمدة عشر دقائق، وده ممكن برضه تعمله في أوضة المكتب لما تجيب الكنبة الصغيرة دي من الدورا واللي مقاسها ١٢٠ × ٨٠ سم ومصنوعة من الخشب الزان وبتتميز بحشو من اسفنج عالي الكثافة وبيحيطها إطار معدني من الصلب المقاوم للصدأ وكل ده محاك بطبقة من الفايبر الحراري.
اتعرف على عروض أسعار كنبة الدورا القابلة للتمدد من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.