كتبت: يارا الحميلي

معظم الناس والطلبة مع اختلاف أعمارهم بيحتاجوا يعملوا حسابات كتير في يومهم، وعشان دلوقتي كل الاعتماد بقى على التكنولوجيا، فالناس بقت بتلجأ لاستخدام الآلات الحاسبة، كوسيلة بتوفر لهم الوقت والمجهود. وعشان الاّلة الحاسبة المثالية بتختلف من شخص للتاني على حسب احتياجاته، ياقوطة قررت تسأل خبير في الرياضيات وتقدملك دليل شامل عن الآلات الحاسبة الموجودة في السوق، بأنواعها وأشكالها ومواصفاتها ومزاياها وعيوبها واستخداماتها وكمان ياقوطة هتقولك كل نوع مناسب لمين، عشان تقدر تحدد احتياجاتك وبناءً عليها تحدد أنهي نوع أنسب ليك. ياقوطة عملت مقابلة مع (أحمد عفيفي) مدرس رياضيات للمرحلة الثانوية وحاصل على بكالوريوس هندسة، هنتعرف معاه على أنواع الآلات واستخداماتها. 

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أنواع الآلات الحاسبة

الآلة الحاسبة الأساسية

الآلات دي فيها وظايف محدودة والنتايج فيها بتطلع في سطر واحد، وعادةً بيطلق عليها اسم اّلات الوظايف الأربعة لإن كل اللي بتعمله إنها بتجمع، وبتطرح، وبتضرب، وبتقسم. فيه منها أنواع متطورة زي حساب الوقت، والضرايب والتخفيضات، والجذور التربيعية. النوع ده مناسب جدًا لطلبة ابتدائي أو للاستخدام المنزلي لو عايز تظبط الميزانية بتاعة البيت. – أحمد عفيفي

أكثر أنواع الآلات الحاسبة الأساسية شعبية
كاسيو (SX-220) اّلة حاسبة

المواصفات

• شاشة عرض كبيرة جدًا.
• تغذية بطريقتين (طاقة شمسية + بطارية). تغذية عن طريق الطاقة الشمسية لما بيكون فيه ضوء كافي، وتغذية عن طريق البطارية لما مايكونش فيه يوجد ضوء كافى.
• بيتم تخزين العمليات الرئيسية في الذاكرة المؤقتة.
• ١٢ خانة.
• عبارة عن قطعتين متصلتين.
• حسابات النسبة المئوية العادية.

المميزات

• الشاشة الكبيرة بتخلي قراية البيانات أسهل.
• الذاكرة المؤقتة بتضمن إن العمليات بتاعتك ماتضيعش.
• خفيفة جدًا.
• الزراير بتاعته ناعمة وسهل تلاقيها.
• سهل إنها تتحط في الجيب.

العيوب

• مش بتدعم كذا خطوة حسابية.
• حجمها صغير قوي وده بيخلي القراية عليه صعبة شوية.

تجربة المستخدم

• واحدة من أحسن الآلات الحاسبة اللي كاسيو عملتها، وطبعًا كاسيو شركة ليها وزنها في المجال ده.
• سهل حملها وخفيفة قوي.
• منتج هايل وحجمها مناسب جدًا.

تقدر تشوف كاسيو (SX-220) اّلة حاسبة من هنا.

آلة حاسبة عملية (CASIO LC-160 LV PRACTICAL CALCULATOR)

المواصفات

• ٨ خانات.
• عمليات حساب النسبة المئوية العادية.
• شاشة عرض كبيرة.
• الأبعاد (العمق × العرض × الارتفاع): ١١٧٫٥ × ٨٧ × ٨ مم.
• مصدر الطاقة: بطاريات.

المميزات

• شاشة العرض الكبيرة بتسهل القراية.
• سعرها كويس.
• ممكن تتشال في الجيب.

العيوب

• الغطاء ممكن يتكسر بسهولة.
• حجمها صغير قوي لدرجة إنه مش من السهل إنك تلاقيها في الشنطة.

تجربة المستخدم

• بتشتغل كويس، وحجمها صغير، وليها غطاء بس مش معمول من المعدن فممكن يتكسر بسهولة، بس بالنسبة لسعرها إمكانياتها كويسة جدًا.
• أصغر حجم بالنسبة لاّلة حاسبة بتشتغل ببطاريتن، الأحجام اللي أصغر بتستخدم بس الطاقة الشمسية.
• حجم الأرقام مريح للعين
• حجمها أصغر من المتوقع.

تقدر تشوف آلة حاسبة عملية (CASIO LC-160 LV PRACTICAL CALCULATOR) من هنا.

آلة حاسبة عملية (CASIO HL-815 L PRACTICAL CALCULATOR)

المواصفات

• شاشة عرض كبيرة.
• مصدر الطاقة: عدد ١ بطارية مقاس AA.
• بتطفي تلقائيا بعد حوالي سبع دقايق.
• حساب النسبة المئوية العادية.
• الأبعاد: ٥٫٧ × ٢٫٩ × ١ بوصة.

المميزات

• موضوع إنها بتطفي تلقائيًا ده بتوفر في البطارية.
• أدائها متميز.
• شاشة العرض الكبيرة بتخلي القراية سهلة.
• سهل استخدامها في كل مكان.
• لوحة التحكم حساسة جدًا.

العيوب

• العبوة مش كويسة قوي، محتاجة تغيير.
• الذاكرة قليلة.

تجربة المستخدم

• بتعيش لسنين طويلة واستخدامها سهل جدًا.
• سهلة في الاستخدام وحجمها صغير، فسهل إنك تشيلها أو تحطها في جيبك والبطارية ممكن تغيرها بنفسك في البيت.
• المشكلة إن العبوة بتاعتها مش بتستحمل وبتتقطع بسرعة.
• إمكانياتها مقبولة بالنسبة لسعرها.

تقدر تشوف آلة حاسبة عملية (CASIO HL-815 L PRACTICAL CALCULATOR) من هنا.

آلة حاسبة كاسيو SL-300NC-RD- وردي/أبيض

المواصفات

• ٨ خانات.
• حساب السعر مع الضريبة، والسعر بدون الضريبة، والتخفيضات، وسعر البيع، ومبلغ الضريبة، ومبلغ التخفيضات، ومبلغ هامش الربح بشكل تلقائي.
• خاصية حساب الوقت.
• التغذية بتتم بطريقتين، بالطاقة الشمسية لما يبقى في ضوء كفاية وبتتم من البطارية لما مايكونش في ضوء كفاية.
• فيها رمز بيظهر على الشاشة بيشير للعملية اللي الاّلة بتقوم بيها حاليًا (+، -، ×، ÷).

المميزات

• حجم الشاشة بيخلي القراية أسهل.
• بتخزن آخر العمليات عشان شغلك عليه مايضيعش.
• مناسبة بالنسبة للي بيحتاجوا يحسبوا الضرايب واللي بيشتغلوا في المحلات.
• شكلها جذاب ومناسب للبنات.

العيوب

• الذاكرة بتاعتها قليلة.

تقدر تشوف آلة حاسبة كاسيو SL-300NC-RD- وردي/أبيض من هنا.

آلة حاسبة عملية (CASIO AX-120 PRACTICAL CALCULATOR)

المواصفات

• شاشة عرض كبيرة.
• مصدر الطاقة: بطارية.
• طريقتين للتشغيل (الطاقة الشمسية + البطاريات).
• مفاتيح بلاستيك.
• غطاء حماية من المعدن.

المميزات

• غطاء الحماية معمول من المعدن وده بيخليها صعب تتكسر.
• عمرها طويل وبتتحمل الشغل.
• سعرها مناسب.
• سهل جدًا إنها تكون معاك في أي مكان.
• تصميمها جذاب.

العيوب

• ما ينفعش تستخدمها في العمليات الحسابية المعقدة.
• الزراير بتعلق ساعات.
• جودتها مش عالية قوي.
• الأرقام في أوقات مش بتظهر.
• مش دقيقة قوي.

تجربة المستخدم

• مش بتقدر تقوم بالعمليات الحسابية المعقدة.
• جودتها مش الجودة المعتادة من كاسيو.
• بتعيش لسنين طويلة، بس المشكلة إن الأرقام بتتمسح مع الوقت.
• الزراير بتعلق وفيه أرقام مش ظاهرة فيها.
• جودتها قليلة وماينفعش تعتمد على دقتها.

تقدر تشوف آلة حاسبة عملية (CASIO AX-120 PRACTICAL CALCULATOR) من هنا.

الآلات الحاسبة بخاصية الطباعة

النوع ده كان أكثر شيوعًا قبل ما أجهزة الكمبيوتر تنتشر، والآلات دي عندها القدرة على إنها تطبع كل العمليات الحسابية اللي الاّلة قامت بيها. – أحمد عفيفي

HR-150TM Printing Calculator

المواصفات

• الوزن: ٦٠٠ جرام.
• الضمان: ٦ شهور.
• لونين للطباعة.
• ١٢ خانة.
• الأبعاد: ٦٧٫٤ × ١٩٦ × ٣١٧.

المميزات

• طباعة العمليات بتخلي سهل إنك تتأكد إن مفيش أخطاء.
• سريعة جدًا.

العيوب

• حجمها كبير شوية.

تجربة المستخدم

• سعرها كويس جدًا بالنسبة لإمكانيتها وبتساعد في حساب الضرائب جدًا.

تقدر تشوف HR-150TM Printing Calculator من هنا.

الآلات الحاسبة العلمية

الآلات الحاسبة العلمية بتقوم بمجموعة كبيرة من العمليات الحسابية، وبتكون مناسبة للطلاب من أول المرحلة الإعدادية لحد الجامعة، والمهندسين والباحثين. – أحمد عفيفي
وفيه منهم أنواع برضه

آلة حاسبة علمية بلس من كاسيو FX-570 ES

المواصفات

• ٤١٧ وظيفة.
• خاصية حل المعادلات.
• خاصية الحساب بالأرقام المعقدة.
• زرار (calc) للذاكرة المؤقتة.
• حساب التفاضل والتكامل.

المميزات

• بتظهر ليك التعبيرات الرياضية زي الجذور والكسور بشكل مبسط زي ما بتكتبه بإيدك وده بيساعدك تفهم النتايج جت منين.
• سهلة الاستخدام وعملية.
• بتعمل عمليات كتيرة.
• اّلة حاسبة مناسبة للمهندسين.

العيوب

• مش بتطلع جدول الدالة
• خاماتها وجودتها مش عالية قوي.
• الزراير بتتحرك وصعب استخدامها.
• الزراير مش بتعيش كتير.
• البطارية مش بتعيش.

تجربة المستخدم

• بتقوم بعمليات مختلفة كتيرة.
• استخدامها ممكن يكون معقد شوية لو كنت متعود على الآلات البسيطة، بس لو قريت الكتالوج هتعرف تتعامل معاها بسهولة.
• أحسن نوع لطلبة الهندسة.
• البطارية بتاعتها مش بتعيش فترة طويلة.
• خفيفة وسهلة الاستخدام.
• موفرة في الفلوس، والوقت والمجهود بالذات في حصص الرياضيات.

ممكن تشوف آلة حاسبة علمية بلس من كاسيو FX-570 ES من هنا.

Citizen Calculator Sr-270X

المواصفات

• سطرين عرض
• عرض ١٠ +٢ خانة
• إمكانية التشغيل عن طريق الطاقة الشمسية أو البطاريات
• ٢٧٤ عملية حسابية
• خاصية وضع السكون التلقائي

المميزات

• تصميمها حلو.
• جودتها عالية.
• إمكانية إنك تشحنها بالبطارية أو بالطاقة الشمسية بتخليك تقدر تستخدمها في أي مكان.
• أرقامها كبيرة وسهلة تقراها.
• سهولة الاستخدام.

العيوب

• مفيش ليونة كفاية في الزراير وساعات بتعلق.

تجربة المستخدم

• كويسة جدًا وشكلها أنيق ومناسب لاحتياجات الطلاب.
• أحسن حاجة فيها جودتها وإن فيه منه ألوان كتيرة.
• فيها خواص كتيرة، وأهمها إن العلامات والأرقام فيه واضحة.

تقدر تشوف Citizen Calculator Sr-270X من هنا.

كاسيو (FX-82ARX) اّلة حاسبة عملية

المواصفات

• عرض نص كتابي طبيعي.
• ١٠+٢ خانة.
• شاشة بمصفوفة نقطية.
• إجابة متعددة.
• مفاتيح بلاستيكية.
• محرر بيانات STAT يستند إلى القوائم.

المميزات

• استخدام الرموز على شاشة القائمة بيؤدي إلى تحسين طريقة الأرض وبيخلي تحديد الوظيفة المطلوبة أسهل
• بتعرض البيانات بالأسلوب اللي بتتكتب بيه في الكتب المدرسية، فبنلاقي إنها بتظهر الكسور والرفع لقوة واللوغاريتمات بنفس الطريقة الموجودة في الكتب.
• الموديل ده متميز عن اللي قبله في إنه بيغنيك عن إنك تستدعي القيم منفردة، عشان فيه وظيفة عرض المتغيرات ونتائج الحسابات الإحصائية المخزنة واللي ممكن نوصلها عن طريق القوائم.
• بتعرض الاّلة كل الكلمات العربي والإنجليزي على الشاشة من غير ما تحتاج إنها تعرضها في شكل اختصارات.
• عرض متعدد الأسطر: وده بيسمح إنك تكتب المعادلات الطويلة مرة واحدة.
• بالنسبة للإحصائيات ممكن تعرض لحد ست صفوف في نفس الوقت.

العيوب

• مش بتظهر الرسوم البيانية

تجربة المستخدم

• بتعيش سنين طويلة ومش هتضطر تغيرها مع كل سنة دراسية.

تقدر تشوف كاسيو (FX-82ARX) اّلة حاسبة عملية من هنا.

الاّلة الحاسبة العلمية بالرسوم البيانية

النوع ده من الآلات الحاسبة بيوفر الآلاف من العمليات الحسابية والدوال. الآلات دي مش بس بتقوم بأي عمليات حسابية ولكن كمان ممكن استخدامها في الحصول على الرسم البياني وإجراء الإحصاءات المعقدة. وبتعمل عمليات كتيرة جدًا لدرجة إنك ممكن تعتبرها حاسب اّلي مصغر. عادة الدقة بتاعة الشاشة بتاعتها بتبقى عالية قوي وكمان

سرعة الاّلة نفسها عالية. الآلات دي بتبقى مناسبة للمهتمين بالمجالات العلمية، والرياضيات، والإحصاء، والمجالات التقنية التانية، وكمان مناسبة للي بيدرسوا إحصاء أو رياضيات متقدمة.

كاسيو (FX-7400GII) اّلة حاسبة علمية مزودة بخاصية الرسم البياني

المواصفات

• عدد الوظائف: أكثر من ٢١٠٠ وظيفة.
• ٢٠+٢ خانة.
• شاشة بمصفوفة نقطية.
• قائمة الرموز.
• إجابة متعددة.

المميزات

• ممكن تختار لغة الشاشة.
• ممكن توصل الاّلة بالحاسب الاّلي عشان تنقل البيانات.
• بتقوم بالعمليات الحسابية بأساس n.
• بتقوم بعمليات حسابية معقدة.
• شاشتها عالية الوضوح (١٢٨ × ٦٤ نقطة).

العيوب

• مفيش فيها نظام المصفوفات.
• خاصية العرض الطبيعي مش موجودة فيها.
• مفيهاش كل وظائف احصائية متقدمة.
• سعرها غالي بالنسبة لإمكانياتها.

تجربة المستخدم

• الاّلة دي أقل من المستوى المعتاد لكاسيو، مع إنها بتعمل عمليات إحصائية وبترسم الرسومات البيانية، إلا إن فيه وظايف كتير ناقصة فيها زي المصفوفات.
• مناسب جدًا لطلبة الثانوية الإنجليزية بالذات المستوى الرفيع من الرياضيات.
• الشاشة مش واضحة قوي.

تقدر تشوف كاسيو (FX-7400GII) اّلة حاسبة علمية مزودة بخاصية الرسم البياني من هنا.

الاّلة الحاسبة المتعلقة بالعمليات المالية

الأنواع دي من الآلات الحاسبة بتبقى فيها خصائص ومعادلات مناسبة للي شغالين في البورصة أو الاستثمار أو اللي بيدرسوا المجالات دي.

كاسيو (FC-100V) اّلة حاسبة متعلقة بالعمليات المالية

المواصفات

• بطارية AAA عدد ١ (R03).
• ١٠+٢ خانة.
• شاشة بمصفوفة نقطية.
• مفاتيح بلاستيكية.

المميزات

• بييجي معاها غطاء صلب عشان يحافظ على الآلة.
• عمر البطارية طويل جدًا، تقريبًا حوالي ١٧ ألف ساعة من العرض المستمر.
• بتقوم بعمليات مالية كتيرة جدًا أهمها: الفائدة البسيطة، الفائدة المركبة، تقدير الاستثمار، الإطفاء، تحويل معدل الفائدة، والتكلفة وغيرها.

العيوب

• سعرها غالي.
• تكبير وتصغير الصور بالذات في الرسومات البيانية بيتم ببطء شوية.

تجربة المستخدم

• كتير من المستخدمين قالوا إنهم استخدموها طول فترة الكلية، ولسه بيستخدموها لحد النهارده في شغلهم.
• أحسن حاجة فيها إن البطارية بتاعتها بتعيش فترة طويلة قوي والآلة بتنبهك قبل ما البطارية تخلص.

تقدر تشوف كاسيو (FC-100V) اّلة حاسبة متعلقة بالعمليات المالية من هنا.

ممكن تشوف كل أنواع الآلات الحاسبة المتوفرة في السوق على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.