كتب: خالد عاصم

لما بنيجي نتكلم عن التصوير الاحترافي والكاميرات الاحترافية، أول حاجة ممكن تيجي في بالك هي الكاميرات اللي معروفة باسم أو تصنيف DSLR، ولكن على مدار العشر سنين اللي فاتوا تحديدًا ظهر نوع جديد من الكاميرات الاحترافية اللي قدر يثبت نفسه بقوه، وبفضل التطور التقني الكبير خلال الفترة دي ابتدى فرق الجودة في الصورة بين النوعين يقل جدًا وبقت كاميرات Mirrorless كمان بتتميز في عدد من الإمكانيات مقابل كاميرات DSLR.

وفي المقال ده هنحاول بأبسط الطرق إننا نوضح الاختلافات الرئيسية بين كاميرات DSLR وكاميرات Mirrorless وهنتعرف على مميزات وعيوب كل نوع منها، ولو اتكلمنا على أي كاميرا في المقال وعجبتكم هتقدروا تطلبوهت من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الاختلافات الرئيسية بين كاميرات DSLR وكاميرات Mirrorless

يعتبر النوعين سواء كانت كاميرات DSLR واللي اسمها اختصار لجملة Digital Single-lens Reflex أو كاميرات Mirrorless والمعروفة برضة باسم Compact System أحيانًا، إنهم من نوعية الكاميرات القابلة لتغيير العدسات أو Interchangeable lens cameras، وكمان بتعتبر من الكاميرات الأساسية للمحترفين أو اللي بيرغبوا في الاحتراف، وعشان كده بتتنوع موديلاتهم ما بين الكاميرات المخصصة للمبتدئين لحد الكاميرات المخصصة للمحترفين.

النوعين كمان بيعتمدوا على مستشعرات كبيرة وده بيخليهم يقدروا يمتصوا قدر أكبر من الإضاءة وده بيخليهم كمان يقدروا يلقطوا قدر أكبر من التفاصيل من اللي تقدر تحققه الكاميرات الرقمية العادية أو المدمجة، أما عن الاختلافات الرئيسية بين النوعين دول من الكاميرات فممكن تلخيصه في نقطتين:

• بتعتمد كاميرات DSLR على مراية عاكسة جواها وده بيخليها تعكس الإضاءة الداخلة على عاكس بصري من خلاله تقدر تشوف الصورة زي ما هي في الطبيعة بالظبط.
• أما كاميرات Mirrorless فمبيكونش فيها المراية دي وده معناه إن الإضاءة بتدخل بشكل مباشر على المستشعر وعشان كده بيكون منفذ الرؤية في الكاميرات دي رقمي وبيظهر صورة رقمية من الصورة الحقيقية وبتكون مطابقة ليها تقريبًا ومطابقة للصورة اللي بنشوفها على شاشة LCD اللي بتكون في الكاميرا.

وعلى الرغم من أن الصورة اللي بنشوفها على نافذة الرؤية الرقمية أو شاشة LCD بتكون تقريبًا مطابقة للي بنشوفها في منفذ الرؤية الرقمي، إلا أن برضه فيه ما بينهم مجموعة من الاختلافات اللي ممكن نفردها مقال مخصص لعدين لأن تفاصيلها أكتر من إن المقال ده يتحمله وكمان ده مش موضوعنا بشكل رئيسي.

مميزات وعيوب كاميرات DSLR وكاميرات Mirrorless

على الرغم من أن كاميرات Mirrorless بقت قريبة جدًا من كاميرات DSLR على مستوى الجودة، إلا أن لكل نوع منهم برضه مميزات وعيوب بتختلف عن بعضها.

من بين المميزات الأساسية لكاميرات DSLR السرعة الفائقة في خاصية التركيز التلقائي أو تتبع العناصر، فالكاميرات من النوع ده بتعتمد على تقنية التركيز التلقائي Phase Detection الموجودة في جسم الكاميرا نفسه وده بيخلي التركيز التلقائي والتتبع سيع جدًا.

أما كاميرات Mirrorless فبتعتمد على تركيز تلقائي مدمج في المسشعر نفسه، وده بيتشغل من خلال إنه بيحلل أعلى معدلات التباين بين البكسلات في مسشعر الكاميرا، ولما التباين بيزيد بيكون العنصر داخل نطاق التركيز، والطريقة دي بتكون أقل سرعة وبتعاني شوية مع العناصر المتحركة وكمان مش بتعتمد على قياس المسافات والبعد بين العناصر.

وعلى الرغم من كده فغن كاميرات Mirrorless الجديدة والمتطورة بقت بتعتمد على نظام تركيز تلقائي هجين وده بيخليها تقدر تقلل الفجوة في السرعة بين الكاميرات من النوعين.

مميزات كاميرات DSLR

• كاميرات DSLR بتعتمد على منفذ رؤية بصري اللي بيتفادى تمامًا مشكلة التأخر في استجابة الصورة
• عادة النوع ده من الكاميرات بيتميز بسرعة أعلى على مستوى التركيز التلقائي
• الكاميرات دي بتتميز بمجموعة كبيرة جدًا من العدسات والاكسسوارات
• بتتميز الكاميرات دي كمان بعمر أطول على مستوى البطاريات

عيوب كاميرات DSLR

• حجمها أكبر ووزنها أتقل دايمًا
• سرعة التصوير المتواصل لكاميرات DSLR أبطأ من كاميرات Mirrorless

مميزات كاميرات Mirrorless

• أصغر حجمًا وأخف وزنًا
• أسرع على مستوى التصوير المتواصل
• بتتميز الكاميرات دي بجودة تصوير فيديو أفضل وحتى الكاميرات الأولية بتدعم تصوير الفيديو بجودة 4K
• بتتميز بمجموعة أكبر من الأوضاع والإعدادات الأوتوماتيكية

عيوب كاميرات Mirrorelss

• عدد من كاميرات Mirrorless مش بيكون فيها منفذ رؤية وبتعتمد بس على شاشات LCD
• في الكاميرات غير الهجينة بيكون منفذ الرؤية الرقمي أحيانًا مشكلة لأنه بيحصل تأخير في بعض الأحيان في استجابة الصورة
• عدد العدسات والاكسسوارات المتاحة أقل من كاميرات DSLR
• عمر البطاريات أقل في الكاميرات دي

وبكده تكون عرفت الفروق والاختلافات الأساسية بين كاميرات DSLR وكاميرات Mirrorless، وتقدر من خلال مقالاتنا السابقة المتنوعة إنك تعرف أكتر عن عالم التصوير الرقمي والاحترافي.

اتعرف على عروض أسعار كل ما يتعلق بالكاميرات على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.