أقوى أجهزة الراوتر لإنترنت خيالي مع ياقوطة
كتب: خالد عاصم
(كنا فين وبقينا فين) هي دي الجملة اللي قلتها وممكن يكون قالها ناس كتير من جيلي بعد ما أعلنت شركات الاتصالات عن سرعات الإنترنت المنزلي الجديدة، وافتكرت أول مرة استخدم فيها DSL في البيت لما كانت السرعة ٢٥٦ كيلو بايت في الثانية، أيام ما كان ممكن تستنى ساعة كاملة عشان تنزل أغنيتين، بس دلوقتي مع التطور اللي في كل حاجة حوالينا اتطورت كمان سرعات الإنترنت وبقت أقل سرعة فعلية ممكن يوصلها الخط الأرضي ١٦ ميجابايت في الثانية يعني سرعة تحميل بتوصل لحد ٢ ميجابايت في الثانية وده معناه إن الأغنيتين ممكن ينزلوا في دقيقتين بس مش أكتر، ومع تطور السرعة اتطورت أجهزة الراوتر كتير عن زمان، فالسرعات اللي بتدعمها وقدرتها على دعمها اختلفت من زمان عن دلوقتي، وده بيخليك محتاج إنت كمان تغير الراوتر بتاعك عشان تقدر تحقق أكبر استفادة ممكنة من سرعات الإنترنت الجديدة.
إيه هو الراوتر المناسب لسرعات الإنترنت الجديدة؟ الإجابة مش في راوتر محدد نقدر نقول ده ينفع وده ما ينفعش، لأن فيه عدد كبير من أجهزة الراوتر اللي تقدر تساعدك إنك تستغل سرعة الإنترنت العالية بكامل طاقتها أو بأعلى طاقة ممكنة على أقل تقدير، والأجهزة دي لازم يتوافر فيها عدد من الشروط التانية زي عدد الأجهزة اللي ممكن تتوصل بيها في الوقت نفسه وأقصى سرعة للشبكة الداخلية وقوة الاتصال اللاسلكي وكمان عدم تأثر أداء الراوتر بدرجة الحرارة وغيرها من العناصر المهمة اللي لما تتوافر في الراوتر هنقدر نقول إن هو ده المناسب، أو بمعنى أدق إنه من بين المناسبين.
في المقال ده اخترنا لك مجموعة من أجهزة الراوتر المتميزة المتوفرة على ياقوطة واللي هتقدر تساعدك على إنك تقدر تستغل سرعات الإنترنت الجديدة بأعلى قدراتها الممكنة، ولو حبيت تشتري أي راوتر من اللي هنتكلم عنهم في المقال ده هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أفضل أجهزة الراوتر المتوفرة على ياقوطة حاليًا
راوتر Archer VR 600
واحد من أفضل أجهزة الراوتر المتوفرة في مصر واللي بتدعم تقنية VDSL اللي بتقدر توصل للسرعات الجديدة لأقصى كفاءاتها، الراوتر ثنائي التردد يعني بيدعم ترددات ٢٫٥ جيجا هيرتز بسرعة ٣٠٠ ميجابايت لكل ثانية وترددات ٥ جيجا هيرتز بسرعة توصل لحد ١٣٠٠ ميجابايت لكل ثانية، وده يخليه مثالي للألعاب على الإنترنت ولمشاهدة الأفلام بجودة عالية وكمان تحميل الملفات الكبيرة.
الراوتر كمان بيتميز بتلات هوائيات عشان يوفر توصيلا لاسلكي قوي وثابت وبنطاق كبير وبيقبل الراوتر توصيل الإنترنت عن طريق DSL وEWAN وكمان USB لأنه بيدعم التوصيل عن طريق أجهزة USB الجيل الثالث والرابع.
شوف راوتر Archer VR600 من هنا.
راوتر Linksys X3500 N750
يعتبر الراوتر ده من أبرز الأجهزة في فئته السعرية وده لأسباب كتير منها إنه ثنائي الترددات يعني بيدعم تردد ٢٫٤ جيجا هيرتز و٥ جيجا هيرتز وده معناه إنك تقدر تحول لأي تردد يكون التداخل فيه ضعيف وده بيوفر ثبات وسرعة كبيرة للإنترنت، وبيدعم الراوتر سرعة نقل بيانات لحد ٤٥٠ ميجابايت لكل ثانية وبيتوفر فيه مجموعة من المنافذ منها ٤ منافذ إيثرنت لتوصيل الأجهزة سلكيًا ومنفذ USB 2.0 ده غير إنه بيدعم الاتصال اللاسلكي بقوة وثبات ونطاق عالي بفضل الهوائيات القوية اللي بيتميز بيها واللي بتخليه عبارة عن راوتر وموسع نطاق في نفس الوقت.
شوف راوتر Linksys X3500 N750 من هنا.
راوتر D-Link AC1600
راوتر D-Link A1600 من بين الأجهزة الممتازة لأنه بيتوفر فيه كل الإمكانيات اللي محتاجها عشان تقدر توصل إنترنت فائق السرعة لكل أنحاء بيتك، الراوتر ثنائي الموجة بيدعم ترددات ٢٫٤ جيجا هيرتز و٥ جيجا هيرتز وكمان بيدعم تقنيات ADSL2+ وVDSL2 اللي بتدعم سرعات الإنترنت فائقة السرعة.
الراوتر كمان بيدعم أجهزة USB للجيل التالت والرابع من خلال منفذ USB وبيتميز بنطاق لاسلكي كبير وبيتمتع بثبات رائع بفضل هوائياته القوية وبفضل دعمه اللاسلكي واسع النطاق، كل الإمكانيات الممتازة دي بتخلي الراوتر ممتاز جدًا سواء على مستوى الاتصال بالإنترنت فائق السرعة أو عن طريق التواصل الشبكي الداخلي.
شوف راوتر D-Link A1600 من هنا.
راوتر D-Link DSL-224
بسعر أقل كتير من أجهزة الراوتر اللي اتكلمنا عنها هتقدر تاخد إمكانيات ممتازة من خلال الراوتر ده من D-Link، الراوتر أحادي التردد صحيح وبيدعم بس تردد ٢٫٤ جيجا هيرتز بس بيدعم خاصية VDSL2 الخاصة بالإنترنت فائق السرعة الممتازة، وبيتميز الراوتر بدعم قوي جدًا للسرعات العالية سواء على مستوى الإنترنت أو الشبكة وكمان سواء عن طريق الاتصال السلكي أو اللاسلكي وده بفضل الهوائيات المدمجة والهوائيات الخارجية اللي بتوفر اتصال ثابت وقوي وبنطاق واسع.
الإنترنت كمان بيتميز بحماية ممتازة من خلال تطبيقات الحماية المدمجة فيه واللي بتساعد على حماية الشبكة الداخلية وكمان حمايتك من الأخطار الخارجية اللي ممكن تتنقل لأجهزتك عن طريق الإنترنت.
شوف راوتر D-Link DSL-224 من هنا.
راوتر TP-Link TD-W9970
راوتر تاني من أجهزة الراوتر اللي بتدعم خاصية VDSL للإنترنت فائق السرعة واللي بتوفرها شركات الاتصالات حاليًا، والإنترنت يعتبر من فئة الكل في واحد لأنه بيوفر أولًا مودم متوافق مع خواص VDSL2 وADSL2 وكمان روتر NAT وأكسيس بوينت بتوفر إمكانية توسيع النطاق، ده غير إنه بيقبل مشاركة الطباعة من خلال منفذ USB اللي بيقبل كمان أجهزة مودم USB سواء بالجيل التالت أو الرابع للاتصالات.
شوف راوتر TP-Link TD-W9970 من هنا.
شوف مختلف أجهزة الراوتر المتوفرة في السوق المصري من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.