كتبت: منى عوض

ناس كتير بتهتم دايمًا عند شراء غسالة ملابس إنها تكون غسالة بمجفف ملابس وبيكونوا شايفين إنها مهمة جدًا ووجوجها مهم. وفيه ناس تانية ما عندهاش فكرة كافية عن غسالة بمجفف ملابس، وما يعرفوش كتير عنها.

فلو كنت من الفئة الأولى، أو التانية هنتعرف من خلال ياقوطة على غسالات بمجفف الملابس، وأهم أنوعها. وهنستعرض كمان أهم أنواعها عندنا. وهنتعرف من خلال المقال كمان على أهم مزايا وعيوب كل نوع. ولو عجبك موديل منهم ومحتاج تشتريه تقدر تشوف وتقارن أسعارهم المختلفة في الأسواق. وتطلبهم من خلالنا وهيوصلوا ليك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي الغسالات بمجفف ملابس؟

التعريف الشائع عن مجفف الملابس إنه جهاز كهربائي- بيكون مستقل أو ملحق بغسالة الملابس- بيُستخدم في تجفيف الملابس أو بمعنى أصح تخليصها من الرطوبة اللي اكتسبتها أثناء دورة الغسيل عشان تسهل عليك الدنيا وتوفر عليك وقت كتير.

أنواع مجففات الملابس

المجففات التقليدية

المجففات التقليدية بتعتمد على السحب المستمر للهواء الجاف البارد المحيط بها وبعدين تسخنه قبل تمريره داخل الحلة الداخلية للمجفف لبدء دورة التجفيف، وبعدين يتم تصريف الهواء الساخن الرطب الناتج عن العملية دي إلى خارج الحلة الداخلية وده عشان يوفر مجال لمزيد من الهواء الجاف لاستمرار عملية التجفيف.

المجففات الدوارة

المجفف ده بيشتغل من خلال تدوير حلة داخلية بسرعة كبيرة جدًا لحد ما تطرد المياه الزائدة من الملابس في دقيقتين تقريبًا وبالتالي هتلاقي نفسك قدرت توفر وقت وطاقة في تجفيف الملابس في العموم.

المجففات بالتكثيف

النوع ده من المجففات بتعمل على تمرير الهواء الساخن داخل الملابس، ولكن الهواء مش بتخرجه بره المجفف بل بيتم استخدام مبادل حراري لتبريد الهواء وتكثيف بخار الماء إما في أنبوب صرف أو في خزان تجميع، وبعدين بيتم تمرير الهواء المجفف خلال دورة التجفيف مرة تانية.

المجففات بالمضخة الحرارية

النوع ده من المجففات بيستخدم مضخة حرارية تعمل على تمرير الهواء الساخن الرطب الناتج من الحلة الدوارة داخل المضخة، ولأن المجففات بالمضخة بتحتفظ بغالبية الحرارة المستخدمة وبالتالي إمكانية إعادة تدوير الهواء الساخن بسرعة أكبر وبالتالي إتمام عملية تجفيف الملابس بشكل أسرع من باقي المجففات.

المجففات بضغط البخار الميكانيكي

المجففات دي بتستخدم المياه المستخلصة من الملابس وتحويلها لهيئة بخار مضغوط بيساعد في تجفيف الملابس.

إزاي اختار مجفف الملابس الأنسب؟

سعة المجفف

لازم تحدد سعة المجفف المناسبة ليك بناءًا على كمية الغسيل وحجم الأغراض يعني ملابس عادية ولا بطاطين وألحفة وما إلى ذلك، وكمان عدد أفراد الأسرة عليه عامل.

نوع الأقمشة

نوع الأقمشة واحد من أهم العوامل اللي هتساعدك في اختيار مجفف الملابس المناسب، فهتلاقي على سبيل المثال الأقمشة الخفيفة بيناسبها المجفف المتوفر فيه خيارات بدرجات حرارة منخفضة والأقطان والأصواف بيناسبها مجفف بيعمل بالمضخة الحرارية، أما لو كانت الملابس محتاجة تتكوي يبقى هتلاقي أن المجفف ذاتي التحكم هو المناسب بشكل أكثر في الحالة دي، وما إلى ذلك.

المساحة المتوفرة

المساحة المتاحة لمجفف الملابس أيضًا بتلعب دور مهم في اختيار نوع المجفف وسعته.

أشهر غسالات الملابس الملحقة بمجفف

غسالة LG بمجفف ملابس TWINWASH

المميزات

• الغسالة تحميل أمامي وبالتالي ضمان الحصول على أمان تام.
• على الرغم من أن غسالات التحميل الأمامي بتصعب من إمكانية إضافة ملابس أثناء تشغيل دورة الغسيل، إلا أن الغسالة دي من LG أضافت زرار (إضافة قطعة) اللي بيسمح بفتح الباب أثناء الغسل لإضافة أي قطع ملابس.
• الغسالة بتشيل حمولتين منفصلتين بحجم 12 + 2 كيلوجرام في نفس الوقت وبالتالي سهولة إتمام عملية الغسيل بشكل عملي وسريع، لأنك هتخلص حمولتين الغسيل في 49 دقيقه تقريبًا.
• الغسالة فيها دفع مباشر في 6 اتجاهات اللي بتساعد في تحريك حلة الغسيل في اتجاهات عديدة مع الحفاظ على الأقمشة وتقديم عناية فائقة ليها.
• الغسالة عملية أيضًا لأنها مزودة بمجفف في نفس الوقت وبالتالي توفير الوقت المستهلك في تجفيف الملابس وكمان توفير حيز في البيت.
• الغسالة مزودة بتقنية EcoHybrid اللي بتوفر في كميات المياه المستهلكة أو تقلل دورة التجفيف.
• الغسالة فيها تقنية SmartThinQ‎ اللي بتسمح بتشغيل الغسيل أو مراقبته من أي مكان وفي أي وقت.
• الغسالة مش بتسبب أي ضوضاء طول ما هي شغالة.
• الغسالة مزودة ببرامج الغسيل متنوعة لاختيار الأنسب من بينها.

العيوب

• الغسالة سعرها غالي جدًا.

ممكن تشوف غسالة LG بمجفف ملابس TWINWASH من هنا.

غسالة ملابس إنديست مع مجفف XWDE 961480X S EX

المميزات

• الغسالة تحميل أمامي وده معناه درجة أمان أعلى وضمان أن محدش من أطفالك ممكن يفتح الغسالة أو يحط أيده جواها وهي شغالة.
• الغسالة مزودة بشاشة ديجيتال لعرض دورة الغسيل والوقت المتبقى وما إلى ذلك.
• الغسالة بتيجي بسعة 9 كيلوجرام ودي سعة كويسة ومناسبة بالنسبة للعائلات متوسطة الحجم.
• الغسالة مزودة بمجفف ملابس أيضًا يعني عشان تبقى 2 في 1 وبالتالي توفير في الوقت والمساحة كمان.
• الغسالة عملية فهي بتقدم غسيل سريع و فعال في 50 دقيقة فقط.

العيوب

• غسالات التحميل الأمامي مش بتقبل غير مسحوق الغسالات الأتوماتيك وده بيُعتبر أغلى نسبيًا من المسحوق العادي.
• فكرة التحميل الأمامي في الغسالة بتصعب من إمكانية إضافة أي قطع غسيل إضافية لدورة الغسيل.

ممكن تشوف غسالة ملابس إنديست مع مجفف XWDE 961480X S EX من هنا.

غسالة ملابس فاجور بالمجفف FSE-03854A

المميزات

• الغسالة بتيجي بسعة 8 كيلوجرام ودي مناسبة نسبيًا للعائلات متوسطة الحجم.
• الغسالة دي 2 × 1 لأنها بتضم غسالة ومجفف ملابس في نفس الوقت، والمجفف سعته بتكون 5 كيلوجرام تقريبًا.
• الغسالة بتدعم تقنية Vario Scan ودي تقنية بتخليك قادر على استهلاك كمية معينة من الطاقة والمياه بناءً على حمولة الغسالة.
• الغسالة عملية وسريعة جدًا في إتمام مهمة الغسيل.
• الغسالة مزودة بـ 15 برنامج غسيل مختلف عشان تقدر تختار الأنسب ليك.
• الغسالة مزودة بشاشة ديجيتال لتوضيح معلومات أكتر عن دورة الغسيل.
• الغسالة فيها مفتاح أمان لسلامة الأطفال.

العيوب

• الغسالة سعرها غالي شوية.
• الغسالة تحميل أمامي وده معناه صعوبة إضافة أي قطع غسيل إضافية لدورة الغسيل وكمان استخدام مسحوق الغسالات الأتوماتيك فقط وصعوبة استخدام المسحوق العادي.

ممكن تشوف غسالة ملابس فاجور بالمجفف FSE-03854A من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.