كتبت: فاطمة سيف

كتير مننا وهو بره البيت بيلاقي موبايله قرّب يفصل شحن ولسه يومه في أوله، وبيضطر يرجع البيت يشحن الموبايل أو يجيب الشاحن معاه، وده في أوقات كتير بيكون عَطَلة كبيرة ليه وأحيانًا كتيرة ممكن يتأخر على باقي مواعيده. علشان كده كتير من الناس بقوا بيعتمدوا على وجود باور بانك معاهم علشان لو بطارية الموبايل عملتها معاهم وخلصت منهم.

في المقال ده هنتعرف على الباور بانك بشكل تفصيلي، وهنعرض عليك مجموعة مختلفة ومتميزة ليه، وتقدر كمان عن طريق ياقوطة تعرف أفضل الأسعار ليه ولو عجبك موديل منهم تقدر تطلبه من خلالنا ويوصلك لغاية عندك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

إيه هو الباور بانك؟

للباور بانك أكتر من اسم، فمثلًا هنلاقي كتير من الناس بيقول عليه بطارية احتياطية، شاحن موبايل، بنك الطاقة، وأسماء تانية لكن أشهرهم هو الباور بانك.

هو شاحن محمول تقدر تاخده معاك في أي مكان ومن خلاله تشحن الموبايل واللاب توب من غير ما تحتاج مصدر طاقة ثابت. وبيكون عن طريق شحنه قبل ما تخرج مشوارك ووقت الحاجة بيكون محل فيشة الكهربا، وتقدر كمان تشحن من خلاله أي جهاز إلكتروني معاك.

الباور بانك موجود منه أشكال وأحجام كتيرة، منها الحجم الصغير لاستخدامه في شحن الموبايل ومنها الحجم الكبير اللي تقدر تستخدمه لشحن اللاب توب والتابلت وشحن أكتر من جهاز. وهتلاحظ ده في الأنواع اللي بييجي معاها كابل متعدد الاستخدامات أو يكون ليها أكتر من مدخل لشحن أكتر من جهاز في نفس الوقت.

إزاي تختار باور بانك لشحن الموبايل والتابلت؟

الموبايل جزء مهم جدًا من حياتنا وبيخليها أسهل كتير، وده بفضل البرامج المتعددة اللي بتساعدنا في المهام اليومية وتسهّل علينا العمل، لكن أهمية الموبايل بتنتهي عند انتهاء الشحن. عشان كده من المهم جدًا وجود باور بانك معانا خاصة لو بنقضي اليوم كله بره البيت أو خلال السفر.

وعشان كده كمان مهم اختيار نوع صغير وخفيف تقدر تحطه في جيبك أو في شنطتك. تشحنه قبل الخروجة ويفضل معاك تستخدمه لما بطارية تليفونك تقرّب تخلص، وزنه الخفيف وحجمه الصغير هيسهل عليك المهمة دي، وتقدر تستخدمه في حياتك اليومية بكل سهولة من غير ما تشيل هم انتهاء بطارية موبايلك طول اليوم.

يتم تصنيف البطاريات بسعة أمبير/ساعة (mAh) وبيكون التصنيف بالمللي أمبير وده بيدل على قدرة وقوة البطارية، وهتلاقيه مكتوب في ضهر أي بطارية. الأحجام المتاحة لشحن الموبايل بتتراوح ما بين ٢٠٠٠ أمبير/ساعة إلى ١٠٠٠٠ أمبير/ساعة، وطبعًا حجم البطارية بيحدد قدرتها، الأحجام الأكبر من كده بتكون لشحن الأجهزة الأكبر زي التابلت مثلًا.

سرعة وقدرة شحن الباور بانك

الباور بانك بالحجم ده يقدر يشحن أي حاجة فيها مدخل USB زي الكاميرات الصغيرة والكيندل وسماعات البلوتوث. الأجهزة الأكبر من كده زي اللاب توب بتحتاج شواحن أكبر من ١٠٠٠٠ أمبير/ساعة (mAh).
عادةً مدخل الـ USB بيناسب كل الأنواع. لكن سرعة الشحن ممكن تختلف من جهاز للتاني.
لكن السؤال الأهم هو إيه قدرة شحن الباور بانك للموبايل؟ ويقدر يشحنه كام مرة؟
الإجابة: كل ما زاد عدد الأمبير/ساعة كل ما زادت عدد مرات شحن الموبايل.

أنواع مدخل الـ USB

عادةً بييجي الباور بانك مع مدخلين USB وهم A1 و A 2.1، والنوعين بيناسبوا أغلب أنواع الأجهزة. لكن سرعة الشحن ممكن تختلف من جهاز للتاني. أنواع مداخل الـ USB تُسمى: 1AMP/2AMP/2.4AMP/5.4AMP

طبعًا عدد مداخل USB هو اللي بيحدد عدد الأجهزة اللي ممكن شحنها في نفس الوقت. عادةً الأحجام الكبيرة من الباور بانك بيكون ليها أكتر من مدخل USB. وممكن شحن جهازين موبايل في نفس الوقت أو شحن موبايل وكاميرا جو برو، أو موبايل وسماعة بلوتوث. أجهزة اللاب توب بتحتاج USB من نوع A3.

كابل شحن الباور بانك

بييجي مع الباور بنك كابل Micro-USB لشحنه. تقدر تشحن بيه الموبايل لو كان بيتشحن بكابل Micro-USB. وأحيانًا بيكون معاه كابل متعدد فيه أنواع كابلات مختلفة اللي بتستخدم لشحن الأجهزة المختلفة زي الكيندل والتابلت والأيفون والأيباد. 
أو ممكن تستخدم كابل الجهاز الخاص بيك وتوصله بالباور بانك لشحن الجهاز.

إزاي تشحن الباور بانك؟

شحن الباور بانك نفسه سهل جدًا. ممكن وضع الكابل اللي بييجي مع الباور بانك في أحد مداخل الـ USB والتاني في أي شاحن وتوصيله بالكهرباء.
سرعة شحن الباور بانك بتعتمد على نوع مداخل الـ USB وعلى سعة الباور بانك نفسه. باور بانك بسعة ٣٠٠٠ أمبير/ساعة مثلًا حجمه صغير وبيتم شحنه بسرعة. لو الإدخال (Input 5V/1.0A) بيستغرق الباور بانك للشحن حوالي ٤-٥ ساعات، لو كان 5V/2.0A بيستغرق من ٢-٣ ساعات.

بعض أنواع الباور بانك فيها مؤشر ضوئي بيوضح كمية الطاقة اللي في الباور بنك وبيوضح هو اتشحن بالكامل ولا لأ.

شوف أنواع مختلفة للباور بانك من هنا.

أنواع مختلفة للباور بانك