كتبت: منى عوض

هنتكلم النهارده عن الفرق بين ثلاثة هواتف من نفس الفئة السعرية، وهم: Xiaomi Redmi 5 وSamsung Galaxy J7 Core وInfinix note 4 ، وهنتعرف في المقال ده على الفرق بين المواصفات والمميزات والعيوب الخاصة بكل موبايل منهم، ولو عجبك واحد فيهم وعايز تشتريه تقدر تعرف أحسن الأسعار ليه وتقارن بينهم وتقدر كمان تطلبه من خلال موقع ياقوطة وهيوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أولًا: التصميم

• هيكل موبايل Redmi 5 مصنوع من معدن الألومنيوم وبيتمتع بحواف قليلة في الجهة الأمامية عشان تسهل استخدامه بإيد واحدة رغم سمكه الكبير نسبيًا.
• وبالنسبة لموبايل J7 Core فمش من السهل استخدامه والتحكم فيه بإيد واحدة لفترات طويلة والوصول لكل جزء في الشاشة بسبب حجمه الكبير.
• أما موبايل إنفينكس Note 4 فتصميمه كمان جميل جدًا وانسيابي وبيشبه إلى حد ما تصميم هواتف سامسونج.

ثانيًا: الشاشة

• موبايل Redmi 5 بييجي بشاشة كبيرة ٥٫٧ بوصة من النوع IPS LCD ودقة وضوحها عالية ٧٢٠ × ١٤٤٠ بكسل وكثافة بكسلات ٢٨٢ نقطة لكل بوصة، وكمان مزودة بطبقة حماية زجاجية إضافية من النوع Corning Gorilla عشان تحميها من أي خدش أو كسر.
• أما موبايل J7 Core بيتمتع بشاشة Super AMOLED Capacitive بحجم ٥٫٥ بوصة بدقة HD ٧٢٠ × ١٢٨٠ بكسل وكثافة بكسلات 267 بكسل لكل بوصة ولكنها مش بتدعم وجود طبقة حماية زجاجية إضافية لحمايتها من التعرض لأي خدش أو كسر.
• شاشة موبايل إنفينكس Note 4 نوعها IPS LCD Capacitive وحجمها ٥٫٧ بوصة ودقة FULL HD بقياس ١٠٨٠ × ١٩٢٠ بكسل وكثافة بكسلاتها 367 بكسل لكل بوصة، ولكنها مش بتدعم طبقة حماية زجاجية إضافية.

• بالنسبة لحجم شاشة الـ ٣ موبايلات فهو مميز ومناسب جدًا لهواة القراءة والألعاب ومحبي الأفلام، ولكن لو جينا نتكلم عن كل واحدة فيهم لوحده فهنبدأ بشاشة Redmi 5 فهي بتقدم تجربة سطوع ممتازة بدقة وضوح عالية في جميع ظروف الإضاءة المختلفة حتى تحت سطوع الشمس.
• أما شاشة J7 Core فهي بتقدم درجة وضوح مناسبة وبتمتاز بقدرتها على عرض الصور من مختلف زوايا الرؤية بجودة عالية ده بجانب تقديمها لدرجة سطوع مناسبة تحت أشعة الشمس، وبالنسبة لشاشة Note 4 فهي بتقدم درجة سطوع بألوان قريبة من الطبيعة في ظروف الإضاءة المختلفة.

ثالثًا: الأداء

• موبايل Redmi 5 بيشتغل بنظام أندرويد نوجا ومزود بمعالج أساسي من النوع Qualcomm Snapdragon 450 بتردد ثماني النواة 1.8 جيجاهرتز Cortex-A53 ومعالج رسومي من نوع Adreno 506، مع ٢ أو ٣ جيجابايت رام على حسب إصدار الموبايل.
• موبايل J7 Core بيشتغل بنظام أندرويد نوجا مع بروسيسور ثماني النواة من نوع Exynos 7870 بتردد 1.6 جيجاهرتز Cortex-A53، مع ٢ جيجابايت رام.
• موبايل Note 4 بيشتغل بنظام أندرويد نوجا ومزود بمعالج ثماني النواه من النوع MediaTeK 6753 بسرعة 1.3 جيجاهرتز، مع 2 جيجابايت رام. أو ٣ جيجا رام،  و ٣٢ جيجا ميموري على حسب إصدار الموبايل.

• أداء شاومي Redmi 5 هو الأفضل بين الثلاث هواتف، لأن الموبايل بيقدم أداء قوي جدًا خلال تصفح شبكات الإنترنت أو التنقل بين التطبيقات والألعاب ومش هتواجه معاه أي مشاكل على الإطلاق خلال الاستخدام المتوسط والكثيف، وده بفضل المعالج القوي ورامات الجهاز.
• وبالنسبة لجلاكسي J7 Core فبيقدم كويس أيضًا وسرعة نسبية في الاستخدام الطبيعي للموبايل ولكن الجهاز بيعاني من بطء وتهنيج إلى حد ما في الألعاب التقيلة، أما إنفينكس Note 4 فبيقدم كويس في تصفح الإنترنت واستخدام التطبيقات والاستخدام المتوسط ولكنه بيعاني من بطء في الاستخدام الكثيف.

رابعًا: الكاميرا

• موبايل شاومي Redmi 5 بييجي بكاميرا خلفية بدقة ١٢ ميجابكسل بفتحة عدسة F/2.2 مع فلاش LED، والكاميرا السيلفى دقتها ٥ ميجابكسل بفتحة عدسة F/2.2 وبجودة ١٠٨٠ بكسل.
• موبايل J7 Core بييجي بكاميرا خلفية بدقة ١٣ ميجابكسل بفتحة عدسة F/1.9 مزودة بفلاش LED، أما كاميرا سيلفى فدقتها ٥ ميجابكسل بفتحة عدسة F/2.2.
• موبايل إنفينكس Note 4 بييجي بكاميرا خلفية بدقة ١٣ ميجابكسل بفتحة عدسة F/2.2 مع فلاش LED، وكاميرا سيلفى بتيجي بدقة ٨ ميجابكسل وفتحة عدسة F/2.2.

• أولًا: هنتكلم عن الكاميرا الأساسية، فهنلاقي إن أداء الكاميرا بتاعة Redmi 5 كويس في الإضاءة المرتفعة وضوء النهار وبتقدم صور بتفاصيل واضحة إلى حد ما بس الصور دي بيظهر فيها تشويش وبهتان للألوان بشكل واضح بمجرد ما تعمل زووم للصور، أما كاميرا J7 Core سجلت أداء قوي فهي بتقدر تلتقط صور كويسة جدًا في درجات الإضاءة المختلفة، أما صور كاميرا Note 4 فبتظهر بدرجة نقاء كبيره وتشبع الألوان عالي وتفاصيلها واضحة في الإضاءة المرتفعة والنهارية ولكن تفاصيل الصور بتختفي إلى حد ما في الإضاءة المنخفضة والليلية.
• ثانيًا: بالنسبة للكاميرا الأمامية، فموبايل شاومي بيقدم صور بتفاصيل واضحة في الإضاءة النهارية ولكن جودة الصور دي بتكون سيئة في الإضاءة الليلية، ونفس الأمر بالنسبة لجلاكسي J7 Core، وإنفينكس Note 4.

خامسًا: البطارية

• موبايل Redmi 5 بييجي ببطارية بسعة ٣٣٠٠ مللي أمبير اللي بتدعم الشحن السريع.
• أما موبايل J7 Core فبييجي ببطارية ٣٠٠٠ مللي أمبير ولكنها مش بتدعم الشحن السريع.
• وموبايل infinix note 4  بييجي ببطارية ٤٣٠٠ مللي أمبير بتدعم الشحن السريع أيضًا.

• بالنسبة لأداء بطارية شاومي Redmi 5 كويس جدًا وبتقدر تكمل لحد يوم ونص أو يومين من الاستعمال المتوسط، وبطارية J7 Core  فبتقدم أداء معقول لأنها بتكفي لغاية ١١ ساعة تقريبًا من استخدام الإنترنت على شبكة 3G و ٢١ ساعة من المكالمات على شبكة 3G وبتتيح لك تصفح الإنترنت لحد ١٣ ساعة، أما بطارية Note 4 فكانت الأفضل لأنها بتقدر تكمل لحد يومين من الاستخدام المتوسط.

شوف موبايل Xiaomi Redmi 5 من هنا.

شوف موبايل Samsung Galaxy J7 Core من هنا.

شوف موبايل infinix note 4 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.