أيهما أفضل: سخان المياه الغاز، ولا سخان المياه الكهربائي؟
كتبت: يارا الحميلي
سخان المياه من أكتر الحاجات المهمة لأي مكان خصوصًا في الشتا، ولكن قرار شراه بيبقى محير شوية، صعب القرارات مش بس عشان فيه ماركات كتير، كمان عشان في نوعين كهرباء أو غاز، ودي حاجة بتحير معظم الناس لإن كل واحد وله مميزاته وعيوبه، واللي بيحدد أنهي أنسب ليك هي احتياجاتك مع عامل السعر طبعًا، عشان كده ياقوطة هتعرضلك مميزات وعيوب كل نوع منهم بالإضافة لأهم الماركات في كل واحد.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
سخان المياه الغاز
المميزات
- يعتبر بيشتغل بشكل فوري بمعنى إن أول ما بتفتح الحنفية المية بتنزل سخنة ومش بتحتاج أي وقت عشان تسخن ففي الاَخر بيوفر في الوقت والمجهود وبتبقى المياه السخنة متاحة في أي وقت
- الغاز عادة بيكون بيعتمد على البطاريات الجافة، واللي بتكون موفرة عن السخانات الكهربائية في فاتورة الكهربا.
- حجمه بيكون صغير فمش بيحتاج مساحة كبيرة وبيتحط في أي حتة
- مش بيحتاج لصيانة بشكل المستمر.
- مش بيعتمد على كمية المياه السخنة اللي فيه، وتخلص زي السخان الكهربا، لإن طول ما انت فاتح مية هتوصل ليك سخنة بشكل مستمر.
العيوب
- هيحتاج إنك تعمله مدخنة حفاظًا على سلامة اللي في البيت من الاختناق
- لو مش هيستخدم لوقت طويل هيبقى لازم تقفل المحبس عشان ميسببش أي مشاكل.
- لو ضغط المية قليل مش هيشتغل بالكفاءة المطلوبة.
- مكلف لو معندكش غاز طبيعي وهتستخدم أنابيب الغاز.
- الإشعال بتاع موديلات كتير بيبوظ بعد فترة وبيحتاج يتصلح.
- سعره غالي نسبيًا بالمقارنة بالسخان الكهربائي
سخان غاز تكنوجاز ١٠ لتر
المواصفات
- السعة اللترية: 10 لتر.
- فترة الضمان: 5 سنوات.
- صنع في مصر.
- الرقم المميز للسلعة: TE815HLAIXUENAFAMZ
- اللون: أبيض.
- الموديل: C10.
المميزات
- في مدخنة بتيجي معاه، فبالتالي مش هتضطر تشتريله مدخنة مخصوص.
- بيسخن المياه بسرعة جدًا.
- في زرار خاص لظبط درجة الحرارة في الشتاء والصيف.
- في خاصية التحكم الالكتروني عند فتح وقفل المياه.
- بيشتغل كويس حتى تحت ضغط المياه.
- في إشعال ذاتي ببطاريات 3 فولت.
- في قفل أمان عشان يحمي الأطفال.
العيوب
- لو معندكش غاز طبيعي وبتستخدم الأنابيب ممكن تحس إنه مكلف.
- مفيهوش خاصية الأمان ضد التشغيل المتواصل.
- الإشعال بتاعه مع الوقت بيبوظ وبيحتاج يتعمله صيانة.
- الضمان بييجي على الجسم الخارجي بس ومش بييجي على أي أعطال داخلية، ولو حصل أي عطل داخلي المستخدم اللي بيتحمل تكلفته.
ممكن تشوف سخان تكنوجاز مياه 10 لتر من هنا.
شوف أبرز موديلات سخانات المياه الغاز من هنا.
سخان المياه الكهربائي
المميزات
- في أنواع فيها ترموستات بيحافظ على درجة حرارة المياه زي ما هي.
- مش بيحتاج لضغط مياه معين عشان يشتغل كويس وبيشتغل حتة لو المياه ضعيفة.
العيوب
- لو مش بتستخدمه لفترة طويلة هتضطر تفصله مش بس عشان تحافظ عليه.
- حجمه بيبقى كبير فبيحتاج مكان كافي عشان يتحط فيه.
- بيحمل على فاتورة الكهرباء كتير بالذات كل ما السعة اللترية بتاعته زادت.
- بتحتاج تشغل السخان وتستنى يسخن المياه.
- حجم المياه السخنة المتوفر هيعتمد على سعة خزان السخان فقط.
- بيحتاج صيانة بشكل دوري عشان ترسب الأملاح جوه السخان.
سخان مياه كهربائي Electrostar– ٥٠ لتر
المواصفات
- الرقم المميز للسلعة: EL833HLAGH61NAFAMZ
- اللون: أبيض.
- السعة: 50 لتر.
- الضمان: 5 سنوات.
- الخامة الأساسية: المعدن.
المميزات
- في ترموستات عشان تقدر تتحكم في درجة حرارة المياه.
- مش بيعتمد على ضغط المياه، فمش شرط إن ضغط المياه يكون عالي، بيشتغل كويس حتى لو المياه ضعيفة.
- تصميمه حلو وبيناسب أي مكان يتحط فيه.
- بيغنيك عن استخدام الغاز والأنابيب.
- بيسخن المياه أسرع من أي سخان تاني.
- سعته 50 لتر وده مناسب للأسر الكبيرة.
العيوب
- مش بيعيش كتير.
- استهلاكه للكهرباء عالي وبيأثر على فاتورة الكهرباء.
ممكن تشوف سخان إليكتروستار كهرباء ٥٠ لتر من هنا.
شوف أبرز موديلات سخان المياه الكهربائي من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
يارا الحميلي، أنا أم لطفلين، بكتب عن الأمومة والحياة الأسرية، عشان كده هتلاقوا دايماً في مقالتي عن التجربة الشخصية، يعني بكتب عن الحاجة كأن جربتها فعلاً أو على الأقل اتكلمت ودورت حد استخدمها بالفعل عشان أضمن إن المعلومة تكون فعلاً مظبوطة. مؤمنة جدًا إن مفيش حاجة اسمها الأفضل لطفلك عشان كل طفل مختلف. عشان كده دايمًا مقالاتي هتلاقوا فيها بحث ومقارنة موضوعية عشان تقدروا تحددوا إنتم إيه الأفضل ليكم ولأطفالكم. أنا أم عاملة وعندي شغف بكل ما يخص الطفل. عندي تجارب في الكتابة في صحف زي الأهرام ويكلي، والأهرام الاستراتيجي ومجلة بيبا.