كتب: خالد عاصم

لو اشتريت موبايل جديد أو عايز تغير شكل موبايلك الحالي أو تحافظ عليه أو تستخدمه بشكل مختلف، يبقى أفضل حل هو الملحقات والاكسسوارات، لأن ملحقات الموبايل هي الإضافة اللى بتحمي موبايلك أو تديله شكل جديد أو تخليك تقدر تستخدمه أفضل استخدام ممكن، وعشان كده ومن خلال المقال ده هنتكلم عن مجموعة من أهم وأبرز ملحقات الموبايل الأساسية وهنتعرف على تنوعها ومختلف عروض أسعارها، وكل الملحقات دي واكثر منها هتلاقيها متوفرة على ياقوطة وهتقدر تطلبها من خلالنا وتوصلك لحد باب البيت أو مكان ماتحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أهم وأفضل ملحقات الموبايل المتوفرة على ياقوطة

شاشات الحماية (اسكرينة)

شاشة الحماية والمعروفة باسم سكرينة هي أول حاجة لازم تهتم بيها من بين ملحقات الموبايل الجديد اللي اشتريته أو لحماية الموبايل اللي لسه معاك وعايز يعيش معاك شوية أكتر، لان شاشة الموبايل هي أكتر حاجة ممكن تتأثر بالعوامل المحيطة وأسهل عنصر في الشاشة ممكن يتعرض للضرر، حتى لو كان موبايلك محمي بطبقة حماية كورنينج جوريلا جلاس فلسا هيكون عرضة للكسر في حالة إنه وقع منك أو اتخبط.

بيتوفر على موقع ياقوطة عدد كبير جدًا من شاشات الحماية أو الاسكرينات المناسبة لعدد كبير جدًا من الموبايلات واللي بتتنوع من حيث النوع والقوة ومستوى الحماية وطبعًا السعر، ومن بين شاشات الحماية أو الاسكرينات دي المجموعة اللي هنستعرضها دلوقتي واللي جزء كبير منها متوافر لعدد كبير من موبايلات اندرويد وايفون.

تعتبر شركة آرمور من الشركات المعروفة على مستوى شاشات الحماية أو الاسكرينات المصنوعة من الزجاج المقوى واللي بتوفر حماية ممتازة لموبايلك، وبيتوفر منها سكرينات لعدد كبير جدًا من الموبايلات، وتعتبر من الاسكرينات اللي سعرها عالي شوية بس اللي بتتميز بإمكانيات حماية ممتازة وقوية.

اتعرف على عروض أسعار شاشات الحماية من ارمور لمختلف الموبايلات من هنا.

بتتوفر كمان مجموعة كبيرة من شاشات الحماية اللي بتقدمها شركات ممتازة زي نيلكن واس بي اس وغيرها من الشركات اللي بتقدم لاصقات أو شاشات حماية ممتازة، وأهم نصيحة هي إنك تشتري الحاجة المضمونة وماتبصش بس للسعر المنخفض في أي حاجة متعلقة بحماية موبايلك.

اتعرف على عروض أسعار مختلف أنواع شاشات الحماية (الاسكرينة) المتوفرة على ياقوطة من هنا.

الجرابات

الجرابات هي تاني حاجة من ملحقات الموبايل اللي ممكن تشتريها سواء كان ضهر الموبايل معمول من الزجاج وبيكون قابل للكسر بسهولة أو معمول من البلاستيك وبيكون قابل للخدش بسهولة، أو حبيت تشتري اكسسوار يقدر يخليك تغير شكل موبايلك كل فترة باللي يتناسب مع أسلوبك وذوقك من خلال عنصر مش بيكون غالي أوي في أغلب الظروف، وبتتنوع انواع الجرابات بين المصنوعة من البلاستيك الصلب أو السليكون، ومنها اللي بيدي شكل مختلف بتصاميم كتير جدًا ومتنوعة، ومنها اللي بيوفر حماية قصوى للموبايل وبيحوله من مجرد موبايل عادي لموبايل يقدر يتحمل ظروف استخدام قاسية جدًا، وبتتوفر على ياقوطة مجموعة كبيرة ومختلفة من الجرابات، اخترنالكم منها مجموعة توضح الاختلافات بينها وبين بعضها.

زي ما لاحظنا بتتنوع أنواع الجرابات بشكل كبير جدًا وبتتوفر على موقع ياقوطة مختلف الأنواع المناسبة لكل الموبايلات.

اتعرف على عروض أسعار مختلف جروبات الموبايلات المتوفرة على ياقوطة من هنا.

الباور بنك

بطاريات الموبايل سعتها بتزيد كل يوم، ودلوقتي بقى رقم ٤٠٠٠ ميللي أمبير في الساعة عادي جدًا ووصلت موبايلات لحد ٥٠٠٠ ميللي أمبير في الساعة كمان، لكن على الرغم من زيادة سعات البطاريات إلا إن الاحتياج للباور بنك بقى أهم من أي وقت تاني، لأن مع الزيادة دي زادت إمكانيات الموبايلات وزادت قدرة الإمكانيات دي على استهلاك البطارية وخصوصًا مع مستخدم غاوي ألعاب أو مشاهدة مقاطع فيديو باستمرار أو حتى بيستخدم مواقع وتطبيقات التواصل الاجتماعي باستمرار، وعشان كده الباور بنك بقى من أهم ملحقات الموبايل اللي لازم تهتم بيها.

باور بنك ممتاز من Promate سعته ١٠٠٠٠ ميللي أمبير في الساع  وبيدعم الشحن السريع لجهازين في نفس الوقت، وبيتمتع الباور بنك بحماية ضد الشحن الزائد عشا يحافظ على مبويالك وعلى صحة وعمر البطارية.

شوف عروض أسعار مختلف أنواع باور بانك Promate من هنا.

بتميز شاومي بتقديمها لعدد من أنواع الباور بنك الممتازة زي الباور بنك ده اللي سعته ١٠٠٠٠ ميللي أمبير في الساعة واللي بيتميز بدعم تقنية الشحن السريع واللي بيتميز كمان بتصميم مدمج ونحافة متميزة جدًا.

شوف عروض أسعار الباور بنك من شاومي من هنا.

شركة ريماكس كمان بتتميز بتقديمها لمجموعة كبيرة من ملحقات الموبايل اللي من بينها باور بنك بيتميز بسعة ضخمة جدًا ٣٠٠٠٠ ميللي امبير في الساعة وبيقدر يشحن لحد أربع أجهزة في نفس الوقت.

شوف عروض أسعار باور بنك ريماكس من هنا.

بالإضافة للي اتكلمنا عنه من ملحقات الموبايل فيه ملحقات تانية أساسية زي السماعات مثلًا واللي اتكلمنا عنها كتير في مقالات سابقة تقدروا تشوفوها على موقع ياقوطة، وكمان فيه عدد كبير من الملحقات الفرعية والاكسسوارات المتوفرة بتنوع هائل وعدد كبير على الموقع.

اتعرف على عروض أسعار مختلف ملحقات الموبايل المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.