كتبت: منى عوض

التابلت بيُعتبر واحد من الأجهزة المهمة بالنسبة للناس اللي بتحب تتنقل باللاب توب واللي ممكن يجيلها شغل في أي لحظة وكمان مهم بالنسبة لبعض محبي مشاهدة الأفلام ومقاطع الفيديو ولعب الألعاب على الموبايل.

عشان كده مقال النهاردة هيكون عبارة عن مقارنة شاملة هتقدر تساعدك في تحديد أنهي أفضل جهاز تابلت Huawei MatePad Pro ولا  Samsung Galaxy Tab S6 ولا Apple iPad Pro 11، ولو عجبك أي جهاز منهم وحبيت تشتريه تقدر تعرف أحسن سعر ليه وتقدر كمان تطلبه من خلالنا في ياقوطة وهيوصل لحد عندك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

التصميم

• المعدن هو المادة الأساسية اللي مصنوع منها الثلاثة أجهزة وده عشان يكون التابلت متين أثناء الاستخدام.
• بس في العموم تصميم كل تابلت منهم مميز ومختلف عن التاني يعني هتلاقي إن تابلت Huawei MatePad Pro حديث الطراز وأكثرهم تميزًا لأنه بيُعتبر أول تابلت يجيي بثقب أعلى الشاشة بمعنى إن شاشته بتدعم تقنية O-infinity اللي بتدل على إن الكاميرا الأمامية بتيجي في شكل ثقب أعلى الشاشة.
• أما تصميم تابلت Samsung Galaxy Tab S6 وآي باد Apple iPad Pro 11 فهو متقارب جدًا يعني هتلاقي إن الاختلاف الوحيد بينهم في الأبعاد والوزن وكمان مكان المنافذ المختلفة.
• ومن الواضح لينا إن تصميم تابلت هواوي هو اللي يكسب لأنه متماشي تمامًا مع التصميمات العصرية للهواتف المحمولة، ولكن ده شيء لا يعيب تابلت سامسونج و أبل لأنهم مميزين أيضًا.

الشاشة

• تابلت Huawei MatePad Pro مدعوم بشاشة IPS LCD كابستيف بحجم 10.8 بوصة ودقة FHD وجودة 1600 ×  2560 بكسل وكثافة بكسلات 280 نقطة في بوصة.
• أما شاشة تابلت Samsung Galaxy Tab S6 فبتيجي من نوع Super AMOLED كابستيف وبحجم 10.5 بوصة ودرجة وضوح 1600 × 2560 بكسل وكثافة بكسلات 287 بكسل في البوصة.
• آي باد Apple iPad Pro 11 مزود بشاشة LED-backlit IPS LCD كابستيف بحجم 11 بوصة ودقة FHD وجودة 1668 × 2388 بكسل وكثافة بكسلات 256 نقطة في البوصة.
• وفي العموم شاشات تابلت هواوي وسامسونج بيفتقروا لوجود طبقة حماية إضافية ضد الكسر والخدش، أما شاشة أبل فمزودة بطبقة زجاجية مقاومة للخدش وليس الكسر.
• شاشة أبل ممكن تكون بتتفوق على شاشتي هواوي وسامسونج من حيث الحجم، ولكنها مش بتتفوق من حيث الأداء ولكن شاشة سامسونج هي اللي بتتفوق من حيث الألوان ودقتها ودرجة السطوع وده لأن شاشات Super AMOLED عادة بتكون أفضل وأكثر جودة من شاشات IPS LCD.

الأداء

• تابلت Huawei MatePad Pro بيجي بأحدث نظام تشغيل وهو أندرويد 10.0 مع واجهة مستخدم EMUI 10.0، أما تابلت Samsung Galaxy Tab S6 بيجي بنظام تشغيل أندرويد باي إصدار 9.0 مع واجهة مستخدم One UI، وبالنسبة لتابلت Apple iPad Pro 11 فبيجي بنظام تشغيل iOS 12.
• وبالنسبة للمعالجات، فتابلت هواوي بيجي بمعالج ثماني النواة HiSilicon Kirin 990 مع معالج رسوميات Mali-G76 MP16، أما تابلت سامسونج فبيجي بمعالج ثماني النواه Qualcomm SDM855 Snapdragon 855 مع معالج رسوميات Adreno 640، أما تابلت أبل فبيجي بمعالج Apple A12X Bionic مع معالج رسوميات سباعي النواه Apple GPU.
• أما فيما يخص سعة التخزين، فهتلاقي إن تابلت هواوي بيجي بـ 6 أو 8 جيجابايت رام مع ذاكرة داخلية بسعة 128 أو 256 أو 512 جيجابايت، ومع إمكانية إضافة ميموري خارجي بسعة 256 جيجابايت، أما تابلت سامسونج فبيجي بـ 6 أو 8 جيجابايت رام مع 128 أو 256 جيجابايت للذاكرة الداخلية، ومع إمكانية إضافة ميموري خارجي بسعة تصل إلى 1 تيرابايت.
• وبالنسبة لآي باد أبل، فبيجي بـ 4 أو 6 جيجابايت رام مع ذاكرة داخلية بسعة 64 أو 256 أو 512 جيجابايت أو 1 تيرابايت ولكنه مفيهوش منفذ لتركيب ميموري خارجي.
• أما بالنسبة لنظام حماية التابلت، فهتلاقي إن تابلت سامسونج وأبل مزودين بمستشعر بصمة إصبع على عكس تابلت هواوي اللي بيفتقر للميزة دي.
• وفي العموم الثلاثة أجهزة بيقدموا أداء متشابه إلى حد كبير يعني هتقدر تستخدم أي تابلت فيهم وتستمتع باستخدامه ومش هتواجه مشاكل في شتى الاستخدامات سواء بقى تصفح شبكات الإنترنت أو التنقل بين التطبيقات أو لعب الألعاب المختلفة. وإن كانت الأفضلية لآي باد أبل.

الكاميرا

• بالنسبة للكاميرا الخلفية، فهتلاقي إن تابلت Huawei MatePad Pro مزود بكاميرا خلفية دقتها 13 ميجابكسل مع فتحة عدسة f/1.8 ومع فلاش LED.
• أما تابلت Samsung Galaxy Tab S6 فبيجي بكاميرا خلفية مزدوجة العدسة بدقة 13 ميجابكسل مع فتحة عدسة f/2.0 ودقة 5 ميجابكسل مع فتحة عدسة f/2.2، ومع فلاش LED.
• وبالنسبة لآي باد Apple iPad Pro 11، فهو بيجي بكاميرا خلفية دقتها 12 ميجابكسل مع فتحة عدسة f/1.8 ومع فلاش LED.
• وعلى الرغم من تفوق كاميرات سامسونج الخلفية من حيث الدقة وفكرة الكاميرات المزدوجة، إلا أن آي باد أبل بيقدم صور أكثر وضوحًا، أما كاميرات هواوي وسامسونج فبتقدم أداء مقارب يعني هتوفرلك القدرة على التقاط صور جودتها كويسة نسبيًا ولكن من الضروري إدراك إن جودة الصور بتنخفض نسبيًا كلما انخفضت درجة الإضاءة.
• أما الكاميرا الأمامية، فتابلت هواوي بيتميز بكاميرا أمامية دقتها 8 ميجابكسل مع فتحة عدسة f/2.0، وبالنسبة لتابلت سامسونج فهو مزود بكاميرا أمامية دقتها 8 ميجابكسل مع فتحة عدسة f/2.0، أما الكاميرا الأمامية لتابلت أبل بتيجي بدقة 7 ميجابكسل مع فتحة عدسة f/2.2.
• وبالنسبة لأداء الكاميرا الأمامية، فهتلاقي أنه متشابه في الثلاثة أجهزة يعني الصور بتكون كويسة نسبيًا في الإضاءة العالية وجودتها بتنخفض بشكل ملحوظ كلما انخفضت درجة الإضاءة.

البطارية

• تابلت Huawei MatePad Pro مزود ببطارية ليثيوم بوليمر غير قابلة للإزالة بسعة 7250 مللي أمبير في الساعة، والبطارية دي بتدعم تقنية الشحن السريع بقوة 40 وات والشحن الاسلكي بقوة 15 وات والشحن العكسي بقوة 7.5 وات، ودي تقنية بتعني أنك تقدر تستخدم الموبايل كباور بانك.
• أما تابلت Samsung Galaxy Tab S6، فهتلاقي أنه مزود ببطارية ليثيوم بوليمير غير قابلة للإزالة بسعة 7040 مللي أمبير في الساعة وبتدعم تقنية الشحن السريع بقوة 15 وات، ولكنها بتفتقر لتقنيتي الشحن اللاسلكي والشحن العكسي.
• وبالنسبة آي باد Apple iPad Pro 11، فبيجي ببطارية ليثيوم بوليمير غير قابلة للإزالة بسعة 7812 مللي أمبير في الساعة، والبطارية دي بتدعم الشحن السريع بقوة 29.37 وات والشحن العكسي أيضًا، ولكنها بتفتقر لتقنية الشحن اللاسلكي.
• ومن الواضح كدا أن بطارية تابلت أبل أفضلهم من حيث السعة، ولكن تابلت هواوي بيتميز ببطارية سعتها كويسة أيضًا وتقنيات الشحن الملحقة بيها أفضل وده بيُعتبر أفضل طبعًا، لأن الفرق في سعة البطارية بين الثلاثة أجهزة مش كبير وفي العموم أي تابلت منهم بيقدر يكمل لحد يومين تقريبًا من الاستخدام الكثيف ولمدة أطول مع الاستخدام الخفيف والمتوسط ودي مدة كويسة جدًا.

ممكن تشوف تابلت Huawei MatePad Pro من هنا.

ممكن تشوف تابلت Samsung Galaxy Tab S6 من هنا.

ممكن تشوف تابلت Apple iPad Pro 11 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.