كتبت: منى عوض

هنتعرف من خلال المقال ده على أكتر 7 موبايلات مبيعًا على ياقوطة في بداية سنة 2020. ولو عجبك أي موبايل من اللي هنستعرضهم وحبيت تشتريه تقدر تعرف أحسن سعر ليه وتقدر كمان تطلبه من خلال موقعنا وهيوصل لحد عندك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Oppo Reno 2F

• تصميم الموبايل عصري والكاميرا الأمامية اللي بتنبثق من أعلاه دي بتديله شكل مميز وبتظهر الاستغلال الأمثل للمساحات.
• الموبايل بيتميز بسهولة استخدامه بأصابع الأيد الواحدة.
• شاشة الموبايل AMOLED كابستيف بحجم 6.5 بوصة وأبعاد 19.5:9 ومدعومة بطبقة حماية Corning Gorilla Glass 5، مع العلم أنها بتقدم أداء متميز في مختلف ظروف الإضاءة.
• الموبايل بيعتمد على نظام تشغيل أندرويد باي 9.0 مع واجهة مستخدم ColorOS 6.1.
• الموبايل مدعوم بمعالج ثماني النواة قوي من نوع Mediatek MT6771V Helio P70 مع معالج رسوميات Mali-G72 MP3، بجانب 8 جيجابايت رام و128 جيجابايت للذاكرة الداخلية، وممكن تضيف ميموري خارجي بسعة 256 جيجابايت في منفذ منفصل.
• الكاميرا الخلفية رباعية العدسة بدقة 48 ميجابكسل وفتحة عدسة f/1.7 للعدسة الأساسية، أما العدسة الثانية فبتيجي بدقة 8 ميجابكسل مع فتحة عدسة f/2.2، والثالثة المخصصة لاستشعار العمق دقتها 2 ميجابكسل وفتحة عدسة f/2.4، أما العدسة الرابعة فدقتها 2 ميجابكسل مع فتحة عدسة f/2.4، وكل ده بيجي بجانب فلاش LED.
• الكاميرا الأمامية بتيجي بدقة 16 ميجابكسل وفتحة عدسة f/2.0.
• بطارية غير قابلة للإزالة بسعة 4000 مللي أمبير وبتدعم تقنية الشحن السريع.

ممكن تشوف موبايل Oppo Reno 2F من هنا.

موبايل Xiaomi Redmi Note 8 Pro

• تصميم الموبايل أنيق وهيكله لامع بيديله مظهر جمالي ده بجانب أن ملمسه ناعم وسلس ولكن الهكيل جاذب للبصمات بشكل كبير.
• شاشة الموبايل IPS LCD كابستيف بحجم 6.53 بوصة وأبعاد 19.5:9، مع طبقة حماية إضافية مقاومة للكسر والخدش من نوع Corning Gorilla Glass 5.
• الموبايل بيجي بنظام تشغيل أندرويد باي إصدار 9.0 مع واجهة مستخدم شاومي MIUI 10.
• الموبايل مزود بمعالج MediaTek Helio G90T مع مع معالج رسوميات Mali-G76 MC4 اللي بيوفروا أداء قوي في الاستخدامات المختلفة.
• الموبايل بيجي بـ 6 جيجابايت رام مع ذاكرة داخلية بسعة 64 أو 128 جيجابايت، وكمان ممكن تركيب ميموري خارجي بسعة 256 جيجابايت بس للأسف الميموري دي مش بيكون ليها منفذ مخصص ولكن من الممكن تركيبها مكان شريحة الاتصال الثانية.
• الكاميرا الخلفية رباعية العدسة، الأولى والأساسية دقتها 64 ميجابكسل مع فتحة العدسه f/1.9 والثانية دقتها 8 ميجابكسل مع فتحة عدسة f/2.2، أما العدسة الثالثة اللي بتكون عبارة كاميرا ماكرو بتيجي بدقة 2 ميجابكسل وفتحة عدسة f/2.4، وبالنسبة للرابعة المخصصة لاستشعار العمق فبتيجي بدقة 2 ميجابكسل مع فتحة عدسة f/2.4، بجانب فلاش LED.
• الكاميرا الأمامية دقتها 20 ميجابكسل مع فتحة عدسه f/2.0.
• بطارية غير قابلة للإزالة بسعة 4500 مللي أمبير وبتدعم تقنية الشحن السريع.

ممكن تشوف موبايل Xiaomi Redmi Note 8 Pro من هنا.

موبايل Huawei Y7 Prime 2019

• شاشة الموبايل IPS LCD كابستيف بحجم 6.26 بوصة وأبعاد 19:9، ولكنها بتفتقر لوجود طبقة حماية إضافية.
• الموبايل بيجي بنظام تشغيل أندرويد أوريو 8.1 مع واجهة تشغيل EMUI 8.2.
• الموبايل بيجي بمعالج ثماني النواة Qualcomm SDM450 Snapdragon 450 مع معالج رسوميات Adreno 506، والجدير بالذكر أن المعالج ده بيقدم أداء كويس في الاستخدامات الخفيفة والمتوسطة ولكن الأداء بيكون بطيء في الاستخدامات الكثيفة.
• الموبايل بييجي بـ 3 جيجابايت رام مع 32 جيجابايت للذاكرة الداخلية، ومع إمكانية إضافة ميموري خارجي بسعة 512 جيجابايت.
• الكاميرا الخلفية مزدوجة العدسة، الأولى دقتها 13 ميجابكسل مع فتحة عدسة f/1.8، أما الثانية فدقتها 2 ميجابكسل مع فتحة عدسة f/2.4، وبالنسبة للكاميرا الأمامية فبتيجي بدقة 16 ميجابكسل.
• البطارية غير قابلة للإزالة بسعة 4000 مللي أمبير في الثانية، وبتفتقر للشحن السريع واللاسلكي.

ممكن تشوف موبايل Huawei Y7 Prime 2019 من هنا.

موبايل Samsung Galaxy A20

• الموبايل بيتميز بتصميم عصري وكويس جدًا، وكمان بيتميز بملمس مريح وناعم في كفة الأيد.
• شاشة Super AMOLED كابستف بحجم 6.4 بوصة وأبعاد 19.5:9، ولكنها بدون طبقة حماية.
• الموبايل بيجي بنظام تشغيل أندرويد باي 9.0.
• الموبايل بيجي بمعالج ثماني النواة Exynos 7884 Octa بيقدم أداء كويس في الاستخدامات المختلفة، مع 3 جيجابايت رام و32 جيجابايت للذاكرة الداخلية، وممكن تركيب ميموري خارجي بسعة 512 جيجابايت في منفذ منفصل.
• الكاميرا الخلفية للموبايل مزدوجة العدسة بدقة 13 ميجابكسل مع فتحة عدسة f/1.9 ودقة 5 ميجابكسل مع فتحة عدسة f/2.2، مع فلاش LED، أما الكاميرا الأمامية دقتها 8 ميجابكسل مع فتحة عدسة f/2.0، ولكن كلا الكاميرتين بيفتقروا لوجود مثبت الصورة البصري.
• البطارية غير قابلة للإزالة بسعة 4000 مللي أمبير وبتفتقر لتقنيتي الشحن السريع والشحن اللاسلكي.

ممكن تشوف موبايل Samsung Galaxy A20 من هنا.

موبايل Oppo A5 2020

• شاشة الموبايل IPS LCD كابستيف بحجم 6.5 بوصة وأبعاد 20:9، ومزودة بطبقة حماية إضافية Corning Gorilla Glass 3+.
• الموبايل بيجي بنظام تشغيل أندرويد باي 9.0 مع واجهة مستخدم Color OS 6.1.
• الموبايل مزود بمعالج ثماني النواة Qualcomm SDM665 Snapdragon 665 مع معالج رسوميات Adreno 610.
• الموبايل بيجي بـ 3 و 4 جيجابايت رام مع 64 و 128 جيجابايت للذاكرة الداخلية، مع إمكانية تركيب ميموري خارجي بسعة 256 جيجابايت في منفذ منفصل.
• الكاميرا الخلفية رباعية العدسة، الأولى دقتها 12 ميجابكسل بفتحة عدسة f/1.8، والثانية دقتها 8 ميجابكسل بفتحة عدسة f/2.25، والثالثة دقتها 2 ميجابكسل بفتحة عدسة f/2.4، والرابعة دقتها 2 ميجابكسل بفتحة عدسة f/2.4، مع فلاش LED.
• الكاميرا الأمامية بتيجي بدقة 8 ميجابكسل مع فتحة عدسة f/2.0.
• بطارية الموبايل سعتها 5000 مللي أمبير وبتدعم تقنية الشحن العكسي، ولكنها غير قابلة للإزالة وبتفتقر لتقنيتي الشحن السريع والشحن اللاسلكي.

ممكن تشوف موبايل Oppo A5 2020 من هنا.

موبايل Realme 5 Pro

• الموبايل بلاستيكي الصنع وشكله لطيف جدًا ومريح بين أصابع الأيد الواحدة، ولكن يعيبه أنه مقاوم لرذاذ الماء فقط.
• شاشة IPS LCD كابستيف بحجم 6.3 بوصة وأبعاد 19.5:9، وكمان مزودة بطبقة حماية إضافية Corning Gorilla Glass 3+.
• الموبايل مدعوم بنظام أندرويد باي 9.0 مع واجهة مستخدم ColorOS 6.
• الموبايل مزود بمعالج ثماني النواة Qualcomm SDM712 Snapdragon 712 مع معالج رسوميات من نوع Adreno 616، ومع 4 أو 6 أو 8 جيجابايت رام و 64 أو 128 جيجابايت للذاكرة الداخلية، وممكن إضافة ميموري خارجي بسعة 256 جيجابايت في منفذ منفصل.
• الكاميرا الخلفية رباعية العدسة، بدقة 48 ميجابكسل وفتحة عدسة f/1.8، ودقة 8 ميجابكسل بفتحة عدسة f/2.2، ودقة 2 ميجابكسل مع فتحة عدسة f/2.4، ودقة 2 ميجابكسل مع فتحة عدسة f/2.4، وكمان مزودة بفلاش LED.
• الكاميرا الأمامية دقتها 16 ميجابكسل مع فتحة عدسة f/2.0.
• البطارية غير قابلة للإزالة بسعة 4035 مللي أمبير وبتدعم تقنية الشحن السريع ولكن بتفتقر للشحن اللاسلكي.

ممكن تشوف موبايل Realme 5 Pro من هنا.

موبايل Samsung Galaxy A51

• الموبايل شكله عصري وشيك جدًا وده بفضل فكرة وجود الكاميرا الأمامية ضمن ثقب أعلى الشاشة والإطار اللي موجود فيه الكاميرات الخلفيةم، وكمان تدرجات الألوان في الظهر مميزة وجديدة.
• شاشة الموبايل Super AMOLED كابستيف بأبعاد 20:9، وكمان الشاشة دي مزودة بطبقة حماية Corning Gorilla Glass 3.
• الموبايل مدعوم بنظام تشغيل أندرويد إصدار 10.0 مع واجهة مستخدم One UI 2.
• الموبايل بيجي بمعالج ثماني النواة Exynos 9610 مع معالج رسوميات Mali-G72 MP3 اللي بيقدروا يوفروا للمستخدم أداء قوي في الاستخدامات المختلفة.
• الموبايل بيجي بـ 4 أو 6 جيجابايت رام مع 64 أو 128 جيجابايت للذاكرة الداخلية، وكمان من الممكن إضافة ميموري خارجي في منفذ منفصل.
• الكاميرا الخلفية رباعية العدسة، بدقة 48 ميجابكسل وفتحة عدسة f/2.0 للعدسة الأساسية، والعدسة الثانية بتيجي بدقة 12 ميجابكسل مع فتحة عدسة f/2.2، والثالثة عبارة عن كاميرا ماكرو مخصصة دقتها 5 ميجابكسل مع فتحة عدسة f/2.4، أما الرابعة مخصصة لاستشعار العمق وبتيجي بدقة 5 ميجابكسل مع فتحة عدسة f/2.2، بجانب وجود فلاش LED.
• الكاميرا الأمامية بتيجي بدقة 32 ميجابكسل مع فتحة عدسة f/2.2.
• البطارية غير قابلة للإزالة بسعة 4000 مللى أمبير، وبتدعم الشحن السريع ولكنها بتفتقر لتقنية الشحن اللاسلكي.

ممكن تشوف موبايل Samsung Galaxy A51 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.