كتب: خالد عاصم

لقد كان عامًا مليئًا بالألعاب… مش كده؟ على الرغم من إن سنة ٢٠٢١ ما شهدتش الإعلان عن أسماء وعناوين كبيرة أوي في عالم الألعاب إلا إنها من ناحية تانية شهدت حركة مبيعات كويسة جدًا خصوصًا في الوقت اللي بدأت فيه منصة بلاي ستيشن 5 في العودة للأسواق والانتشار مرة تانية رغم سعرها المرتفع، وده خلق حركة مبيعات ممتازة خصوصًا للألعاب المتوافقة مع منصة الجيل الجديد دي، والنهاردة هنتعرف على أكتر ألعاب بلاي ستيشن مبيعًا على ياقوطة لسنة ٢٠٢١، وقولنا إذا كانت لعبتك المفضلة من بينهم ولا لا.

ولو أي لعبة من الألعاب اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أكتر ألعاب بلاي ستيشن مبيعًا لسنة ٢٠٢١

لعبة FIFA22 من EA Sports

بما إن كتير مننا بيعرفوا البلاي ستيشن أصلًا بألعاب كرة القدم، فطبيعي جدًا تكون لعبة أحدث ألعاب FIFA من بين أكتر ألعاب بلاي ستيشن مبيعًا على ياقوطة لسنة ٢٠٢١، ومع بدء الانتشار المقبول لمنصة بلاي ستيشن ٥ في السوق المصري، قدرت نسخة PS5 من اللعبة دي تحقق انتشار ونجاح كبير، وطبعًا دي اللعبة الغنية عن التعريف واللي مش محتاجة نتكلم عنها كتير.

اتعرف على عروض أسعار لعبة EA Sports FIFA22 من هنا.

لعبة Assassin’s Creed Valhalla من UBISOFT

بتستمر رحلتنا مع السلسلة الشهيرة Assassin’s Creed على منصات بلاي ستيشن ٤ و٥ لحد ما وصلنا لعصر الفايكنج اللي هنعيش فيه مع الحروب الاستثنائية في شمال أوروبا مع مزج رائع بأساطير المنطقة دي من العالم في فترة تاريخية مثيرة جدًا من تاريخ أوروبا واللي على أساسها اتكونت أوروبا بشكلها الحالي، اللعبة بتستمر في تقديم أساليب منوعة ما بين التسلل والمعارك المفتوحة وطبعًا ترقية الأسلحة وغيرها من السمات المعروفة عن السلسلة دي، وطبعًا ما ننساش الرسوميات الأكتر من رائعة.

اتعرف على عروض أسعار لعبة Assassin’s Creed Valhalla من هنا.

لعبة Werewolf: The Apocalypse-Earthblood من Nacon

تالت لعبة في قائمة أكتر ألعاب بلاي ستيشن مبيعًا لسنة ٢٠٢١ على ياقوطة هي لعبة مش مشهورة قوي بس قدرت تحقق أرقام مبيعات كويسة جدًا السنة اللي فاتت، وهي لعبة من ألعاب الأكشن اللي بتنتمي لنوعية أداء الأدوار أو Role-Playing وبتجمع كمان بين المغامرات والقتال، وهي جزء من سلسلة Werewolf: The Apocalypse اللي بدورها تعتبر جزء من عالم الألعاب الضخم Darkness.

اتعرف على عروض أسعار لعبة Werewolf: The Apocalypse-Earthblood من هنا.

لعبة MLB The Show 21 من Sony

لعبة تانية من الألعاب الرياضية بس المرة دي لعبة مش بنمارسها في حياتنا الطبيعية العادي زي الكورة بس واضح إن اللي بيحبوها على البلاي ستيشن طلعوا كتير، اللعبة هي MLB The Show 21 المبنية على دوري البيسبول الأمريكي Major League Baseball.

اتعرف على عروض أسعار لعبة MLB The Show 21 من هنا.

لعبة Sackboy: A Big Adventure من Sony

لعبة المغامرات المسلية الرائعة Sackboy: A Big Adventure من سوني هي آخر لعبة من بين أكتر ألعاب بلاي ستيشن مبيعًا على ياقوطة لسنة ٢٠٢١، واللعبة تعتبر جزء من سلسلة LittleBigPlanet باختلاف إنها ثلاثية الأبعاد بشكل كامل على عكس اللعبة الألعاب اللي فاتت، واللعبة مليانة بالمغامرات الممتعة للكبار والصغر ومتاحة على منصات بلايستيشن ٤ و٥.

اتعرف على عروض أسعار لعبة Sackboy: A Big Adventure من هنا.

اتعرف على عروض أسعار كل ما يخص ألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.