كتب يوسف هارفي، ترجمة دينا أمير

الامتحانات قربت ودايمًا مع الضغط والقلق والجو الحر بنقول هنذاكر قبل الامتحان بكام ساعة ونفضل لآخر وقت تايهين! بس للأسف ده مبيضمنلناش النتيجة اللى بنتمناها؛ لأن العقل مش هيقدر يستوعب كم المعلومات الرهيب فجأة. عشان كده ياقوطة بتقدم لك 14 نصيحة تساعدك تذاكر أحسن للامتحانات.

1. اعرف الوقت اللي محتاجه لكل مادة

لازم أكون عارف حسب قدراتي كل مادة هتاخد منى وقت أد ايه وأوفر 10 دقايق اريح دماغى فيهم كل ساعتين مذاكرة؛ عشان تقدر تركز فممكن تتمشى أو تعمل تمرين بسيط شوية. طبعًا الأسهل إنك تذاكر فى آخر لحظة لكن ده ممكن يضيع مجهودك كله لأنه مش مضمون أنك تلحق تحصل كم المعلومات.

قد يعجبك أيضًأ:  أهم 10 أدوات للرياضة المنزلية

2. اختار مكان مناسب للمذاكرة

المكان مهم جدًا لتحصيل المعلومات لازم مكان المذاكرة يكون مفيهوش تشتيت، يعنى مفيش مذاكرة أدام التليفزيون ولو على المكان نفسه مش مهم قد ما المهم تكون أنت عارف تركز فيه كويس. لازم يكون عندك كرسى مريح وممكن موسيقى هادية وضروري إضاءة مريحة ودرجة الحرارة تكون كويسة. لو البلاى ستايشن والتلفزيون والموبيل مش جنبك والإضاءة كويسة يبقى أنت مستعد تذاكر.

شوف مكاتب و كراسى هنا.

3. اتكلم مع نفسك وأنت بتذاكر

اتكلم مع نفسك وقول الكلمات بصوت عالى عشان ده هيزيد من تركيزك و بكدا تفتكر المعلومات أسهل لأنك بكدا  بتعتمد على أكتر من حاسة فى نفس الوقت، بالرغم أنها ممكن تبان فكرة مجنونة بس هتساعدك كتير.

4. شارك معلوماتك مع الآخرين

لو خلصت مثلًا مسألة 15 صفحة وحاسس أنك بدأت تنسى يبقى ممكن تكلم حد من صحابك تشرحه له؛ لأن شرحك هيساعدك تحتفظ بالمعلومة وتكون فاهمها كويس فصعب تنساها.

5. اربط المعلومات ببعضها

اقعد مع نفسك واعمل خريطة لأفكارك ومعلوماتك وحاول تخلق خريطة فى عقلك عشان المعلومات تفضل ثابتة و متتلخبطش، وطبعًا من الأساليب الهايلة أن تعمل كده بورقة وقلم عشان تعرف ترتب معلوماتك وأفكارك من الأول وتكون عارف ازاي تعبر عنها فى صورة مكتوبة، لأن ساعات كتير بتكون فاهم الفكرة بس مش عارف تكتبها ازاي.

شوف دفتر ملاحظات هنا.

6. ملاحظاتك لازم تكون مكتوبة بطريقة واضحة

لو حسيت أن ربنا فتح عليك وفجأة بقيت فاهم كل حاجة ومن السرعة كتبت كل المعلومات بشكل مش واضح وخطك مش مفهوم و عليها بقع شاى و بواقى أكل! بعدها استحالة تعرف تقرأ اللي كتبته أو تراجع منها أي حاجة، لازم ملاحظاتك تكون واضحة ومرتبة بدل ما يضيع مجهودك ووقتك.

7. ابحث عن الأجوبة أونلاين

لو عندك امتحان بعد أسبوع وعايز تجيب امتياز يبقى لازم تشوف أكتر من وجهة نظر وأكتر من طريقة حل أونلاين ( استخدم Google)  حتى لو بعضهم طويل أو حتى ممل شوية بالنسبة لك، لكن أكيد فيهم معلومات كتير أساسية وهيساعدوك تجهز ملاحظاتك وتلاقي إجابة لأي سؤال بيجي في بالك.

قد يعجبك أيضًا: تابلت تناسب جميع الميزانيات.

8. أهم الملاحظات

المعلومات المهمة أو اللي بتنساها بسرعة زي التواريخ و الأسماء ممكن تكتبها في –Sticky note – ورق ملاحظات ممكن كمان تربطهم بأحداث عشان تسهل عليك أنك تفتكرهم. لو مش متخيل ازاي تربط أفكار ببعض يبقى جرب ورق الملاحظات الملون وحاول تخصص كل لون لفكرة معينة عشان تسهل عليك أنك تفتكرها.

شوف ورق ملاحظات Sticky notes هنا.

9. خليك منطقي

من المهم أنك تكون منطقي وتفكيرك واضح فبلاش تعقد الأمور وتفكر زيادة عن اللزوم عشان متضيعش وقت ومجهود.

10. الاستراحة

بالتأكيد ده أكتر جزء بنهتم بيه! بعيدًا عن الهزار الاستراحة مهمة جدًا عشان مننساش نفسنا في المذاكرة ونفقد التركيز مع الوقت، فالأحسن اننا نضبط مواعيد المذاكرة ومننساش الاستراحة لأنها هتساعد في تنشيط العقل عشان يقدر يستوعب معلومات جديدة وهي مجرد 10 دقايق كل ساعة أو ساعتين.

شوف منبهات هنا.

11. اسمع موسيقى

طبعًا ده مش مبرر عشان تسمع أغانى أو موسيقى راب مثلًا لأنها هتأثر على تركيزك.. الموسيقى اللى بنتكلم عليها موسيقى كلاسيك وهادية عشان تساعدك تركز وتفتح آفاق جديدة في تفكيرك وتزود من إبداعك وكل ده من غير ما تشتت انتباهك.

قد يعجبك أيضًا: دليل ياقوطة لسماعات الرأس.

12. حل أسئلة كتير

حاول تحل كتير ممكن عن طريق امتحانات قديمة أو نفس الأسئلة بس مع عوامل متغيرة؛ لأن كل ما تكون متعود على الأسئلة وشكلها وتعرف ايه اللي بيجي صعب في كل جزء ده هيساعدك تعرف تذاكر ازاي وتركز على ايه.. بكدا متتخضش من أى سؤال في الامتحان.

13. استخدم تطبيقات الحجب مع المواقع غير الهامة

بعض التطبيقات متوفرة لحجب عمل بعض المواقع لفترة أنت ممكن تحددها عشان تعرف تركز في المذاكرة، ممكن تحجب مواقع زي فيسبوك وتويتر ويوتيوب وطبعًا ممكن ترجع تشغلهم بشكل طبيعي أول ما وقت المذاكرة يخلص.. من التطبيقات اللى ممكن تجربها  تطبيق Self control.

14. التأمل

أثبتت كثير من الدراسات العلمية أن التأمل بيساعد كتير على تقليل الضغط النفسي قبل الامتحان ويزيد من قدرتك على التركيز وتحسين الصحة العامة للجسم.

شوف مراتب للتمرين Yoga mats هنا.

قد يعجبك قراءة: مستلزمات للرجل الرياضي. ، مستلزمات يوم رياضي للسيدات.

بلاش تشد أعصابك عشان أي حاجة ولا حتى الامتحانات وحافظ على هدوئك وهتحل كويس.

اعمل اللي عليك وكافيء نفسك بغض النظر عن النتيجة نفسها لأن لو مشيت على الخطوات دي أكيد هتستحق مكافئة.. دوّر فى ياقوطة على هدية تجبها لنفسك وهتوصلك لحد باب البيت.

بالتوفيق!