كتبت: أمنية عزمي

فيه أجهزة كتير أساسية بنحتاجها في كل بيت وفي أجهزة ناس معينة اللي بتحتاجها علشان كده جمعنا أفضل نوع من كل منتج والأكثر طلبا على ياقوطة وهنتكلم عن كل منتج على حدة، المنتجات هي خفاقة مصفاة تاشا، مكنسة لاسلكية 3G، دفاية كهربائية هوم 1600 وات، مكواة بخار كينوود 2400 وات، أكوا جيت فلتر مياه 5 مراحل، طقم أدوات تصليح منزلية عالية الجودة 50 قطعة من بيرنت، ميزان مطبخ إلكتروني لايكا، تابعنا مع ياقوطة علشان تتعرف عليهم وعلى أحسن سعر لكل منتج، ولو عجبك أي نوع تقدر تطلبه من خلالنا وهيوصلك لحد البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

اكسيلنت هاوس وير ستانلس ستيل خفاقة مصفاة تاشا

خفاقة تاشا من اكسيلنت هاوس من أحسن الأنواع المخصصة للخفق، وبما إن مفيش بيت بيستغنى عن مضرب البيض السلكي لعمل الباشاميل والصوص بأشكاله والكريمات المختلفة وبيسخدم في كل حاجة ليها علاقة بخفق البيض وبالتالي استخدامه بيكون عالي، لكن مش كل الأنواع بتصمد معانا وبنحتاج نغيرها كل فترة، مضرب البيض من اكسيلنت هاوس سعره أعلى من العادي لكن بيدوم معاك عمر طويل لأنه مصنع بالكامل من الفولاذ النقي القوي المقاوم للصدأ، وتصميم اليد من الفولاذ ومغطاة من الجوانب بطبقة من المطاط العازل للحرارة وكمان بتخليك تتحكم فيه بشكل عالي بدون انزلاق، مقاسه 31 سم، سهل التنضيف وقابل للغسل في غسالة الأطباق. عيبه الوحيد ارتفاع سعره عن باقي الأنواع لأن خاماته نقية وبيعيش معاك.

شوف اكسيلنت هاوس وير ستانلس ستيل خفاقة مصفاة تاشا من هنا.

ميزان مطبخ إلكتروني لايكا KS1012

ميزان لايكا الإليكتروني من الأنواع اللي بتوفر وعاء كبير للأغذية المراد وزنها، ميزان دقيق جدا، سعته 3 كجم، مصمم بخامات بلاستيك عالية الجودة بلون أخضر مميز وجميل، فيه وظيفة عدم حساب وزن الوعاء الفارغ (إضافة وزن صفر) ودي ميزتها إنك بتقدر توزن أكتر من مكون مختلف في نفس الوعاء، مزود بشاشة LCD كبيرة رقمية والأرقام واضحة بتبين الوزن بكل دقة ودا ميزته إنك تقدر تستخدمه كمعيار دقيق في الأوزان اللي بتستخدمها للوصفات بالجرام وكمان بيستخدم لقياس السوائل بالمللي أو الأونصة السائلة بوظيفة Acuatronic، بيفصل أتوماتيك بعد الوزن بدقيقة علشان يحافظ عالبطارية، عملي جدا ووزنه خفيف وحجمه صغير ومش بيشغل حيز من المكان. وبتقدر تغسله في غسالة الأطباق (على الرف العلوي).

عيبه انه بيحتاج بطاريات كل فترة ولما البطارية بتضعف مش بيدي الوزن المظبوط.

شوف ميزان مطبخ إلكتروني لايكا KS1012 من هنا

مكنسة دوارة لاسلكية قابلة لإعادة الشحن 3G

مكنسة لاسلكية 3G من الأنواع الهايلة اللي تقدر تعتمد عليها، مميزاتها كتير، بتجمع صفات المكنسة العادية في خفتها والمكنسة الكهربائية في التنضيف والشفط وبتتفوق بحجمها الصغير وإنها لاسلكية، وزنها خفيف وعملية جدا وبتتحرك بسهولة على كل أنواع الأرضيات والسجاد، فيها فرش داخلية بتلف بسرعة 4000 لفة في الدقيقة، والمكنسة نفسها مصممة بليونة عالية تلف 360 درجة بسهولة علشان توصل للأماكن الضيقة، وفيها كمان ميزة إن اليد بتاعتها بتتني علشان تقدر تنضف بها تحت الكنب والترابيزات، ولأنها مقفولة من جزء التنضيف فا بتلم كل حاجة في علبة بلاستيك شفافة ودا يخليك تقدر تستخدمها أي وقت حتى لو عندك ضيوف وحاجة وقعت بتلمها على طول، معاها شاحن كهرباء بتتحط فيه وتفصبها منه وقت الاستخدام وتنضيفها سهل. عيبها إنك مش بتقدر تستخدمها فترات طويلة لأنها بتحتاج تتشحن.

شوف مكنسة دوارة لاسلكية قابلة لإعادة الشحن 3G  من هنا.

دفاية كهربائية هوم، 1600 وات- أسود- CH-5

مع أيام البرد الشديدة ناس كتير بتحتاج دفاية في المكان، ومن الأنواع المفضلة عند معظم الناس هي دفاية  كهربائية هوم ودا لأنها بتعمل على قوة جهد 220/ 240 فولت 50/ 60 هرتز، فيها أربع شمعات و3 مستويات للتدفئة بيتم ضبطهم حسب الرغبة، الجزء الخارجي مصمم بمواد مقاومة للحرارة ومزودة بمقبض بارد علشان تحركها منه بأمان، من مزاياها المهمة إنها مزودة بمفتاح أمان وبتفصل أتوماتيك في حالة سقوطها على الأرض، القاعدة مصمم بأربع عجلات لسهولة التنقل، شكلها أنيق وسعرها مناسب، من عيوب الدفايات الكهربائية إنها بتستهلك كهرباء عالية جدا مع الاستخدام الطويل.

شوف دفاية كهربائية هوم، 1600 وات- أسود- CH-5 من هنا.

مكواة بخار كينوود- 2400 وات- ISPU201PU

مكواة بخار كينوود من أكتر الأنواع المتصدرة مبيعات ياقوطة على مدار 3 سنين، ودا لأنها بقوة 2400 واط يعني بتسخن في وقت قليل جدا، فتحات البخار فيها مميزة بتصميم فريد بيساعد على انتشار البخار اللي بيخرج بقوة 60 جرام في الدقيقة وبالتالي بيسهل كي أصعب أنواع الأقمشة زي الجينز والمفروشات، القاعدة مطلية سيراميك مضادة للإلتصاق بيخليها تنزلق بسهولة عالأقمشة، فيها تقنية منع الترسبات الجيرية والأملاح ودا بيطول عمر مولد البخار، فيها مانع تنقيط أو تسريب، مصممة بطرف مدبب بيسهل كي الأماكن الضيقة حول الأزرار، تحكم في درجات للحرارة حسب نوعية الأقمشة، وقابلة للكي بشكل رأسي ودا بيسهل كتير كي الستائر والبدل، تقدر تستخدمها ل 3 أنظمة: كي جاف أو بالبخار أو بالرذاذ علشان تساعدك تتخلص من التجاعيد الصعبة، السلك الخاص بها طويل ومرن، عيبها ان خزان المية فيها مش شفاف، استهلاكها للكهربا عالي.

شوف مكواة بخار كينوود- 2400 وات- ISPU201PU من هنا.

فلتر مياه أكوا جيت 5 مراحل

فلتر مياه أكوا جيت من الأنواع الممتازة في السوق، تايواني الصنع، سريع وسهل في تركيبه، مكون من خمس مراحل وبيعتبر العدد المثالي للتنقية بدون ضرر، مرحلة أولى بينقي فيها الشوائب الأكبر من 5 ميكرون وبيتم تغيير الشمعة كل 3 شهور، مرحلة تانية بيتم إزالة الكلور فيها عن طريق حبيبات الكربون النشط وبتتغير كل 6 شهور، مرحلة تالتة بيتم إزالة الكلور والمواد العضوية عن طريق الكربون المسمط وبتتغير كل 6 شهور، المرحلة الرابعة بتحسن طعم المياه وبيتم إزالة الروائح منها عن طريق شمعة بوست كربون وبتتغير كل سنة، المرحلة الخامسة بيتم فيها معادلة درجة حموضة المياه وإضافة المعادن المفيدة والضرورية للجسم زي الكالسيوم والماغنسيوم والزنك والبوتاسيوم وبتتغير شمعتها كل سنتين، عيبه إنه بعد فترة بيعمل صوت عالي ودا بيحصل في الفلاتر بشكل عام وبيكون محتاج صيانة الدورية لرمان البلي، وكمان بيحتاج تغير له الشمعات كل فترة ولازم تكون أصلية.

شوف فلتر مياه أكوا جيت 5 مراحل من هنا.

طقم أدوات تصليح منزلية 50 قطعة من بيرنت (BT8042)

لو أنت من الناس اللي بتحب إقتناء أدوات التصليح في بيتها يبقى شوف شنطة العدة المنزلية من بيرنت اللي كل قطعة فيها مصنعة بجودة عالية وبتوفر مجموعة كبيرة من الأداوت اللي ممكن تحتاجها في التصليحات في البيت، الشنطة فيها 50 قطعة عبارة عن عدد من المفكات بكل أشكالها وأحجامها وأنواعها العادة والصليبة بالإضافة لمفك تست كهرباء، وفيها قصافة للسلوك وزرادية ومنشار صغير ومفتاح انجليزي والقصافة الخاصة بأسلاك الكهربا عليها المقاسات ومتر قياس وكشاف نور، جهاز خاص باللحامات وملقاط وجهاز أفوميتر ومجموعة رؤوس مفكات ومجموعة رؤوس للصواميل، الشنطة عملية جدا ومنظمة وبتجمع الأدوات كلها في مكان واحد.. عيبها إن جودة الأدوات فيها مختلفة و في منها صناعتها ضعيفة.

شوف طقم أدوات تصليح منزلية 50 قطعة من بيرنت- BT8042 من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.