أشهر أسطوانات الفيديو جيمز على ياقوطة
كتبت: ميّ نور
مع تطور التكنولوجيا ووسائل الترفيه الإلكترونية، بدأت كتير من الشركات تتجه لصناعة ألعاب الفيديو وأجهزة البلاي ستيشن والإكس بوكس وغيرها، وعشان كده بدأنا نلاحظ انحسار كبير في معدلات شراء الألعاب العادية، وده اللي أدى لأن شركة كبيرة من شركات الألعاب زي Toys R US أعلنت إفلاسها مؤخرًا نتيجة اتجاه كتير من الأطفال والكبار لألعااب الفيديو اللي سيطرت على السوق، ونظرًا للنجاح الكبير اللي بتحققه ألعاب الفيديو، هنقدملكم النهارده مجموعة من أشهر أسطوانات ألعاب الفيديو جيمز في الأسواق، ولو عجبتكوا لعبة وعاوزين تشتروها تقدروا من خلالنا في ياقوطة تعرفوا أحسن الأسعار ليها وتقارنوا بينهم وتطلبوها وهتوصل لغاية عندكم في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
Call of Duty: WWII
في المرتبة الأولى معانا للألعاب الأكثر مبيعًا هنلاقي لعبة Call of Duty: WWII اللي بتاخدنا في جولة استثنائية مشوقة مع أجواء الحرب العالمية التانية بكل أحداثها الواقعية، وبالتحديد في الجزء ده من اللعبة هنرجع لسنة ١٩٤٤ مع بداية جذور الحرب العالمية التانية، واللي هنقدر من خلالها نقوم بمهمات ضد النازية في مختلف المدن الأوروبية وقت الحرب وتتعرف على الأحداث الحقيقية اللي حصلت وقتها، وفي أثناء الرحلة دي بنشوف شحصيات وأحداث حقيقية وفنتازية مع جرافيكس ممتازة من فريق المطورين Sledgehammer Games.
ملحوظة: اللعبة مناسبة لسن ١٨ سنة فما فوق.
شوف لعبة Call of Duty: WWII من هنا.
Overwatch Origins Edition
لو بتحب ألعاب التصويب، لازم Overwatch Origins Edition تكون الخيار الأول ليك، لأنها من أشهر وأنجح ألعاب التصويب على الساحة، واللي قدرت تحقق رقم كبير في معدلات التحميل على متجر البلاي ستيشن الإلكتروني، وده لأنها مش زي أي لعبة تصويب عادية، فهي بتتكون من عدد كبير من الشخصيات المتقسمين لطوائف مختلفة زي المهاجمين والمعدافعين والمدرعين وفريق الدعم، وفي اللعبة بتقوم بجولات ومعارك نم خلال الشخصيات دي واللي بتكون كلها مفتوحة قدامك من بداية اللعبة ومش بتحتاج توصل لليفل عالي عشان تلعب بشخصية فيهم، وطبعًا فيه تنوع في الشخصيات هيخليك عايز تجرب كل واحد فيهم وصدقني مش هتمل منها أبدًا.
ملحوظة: اللعبة مناسبة لسن ١٢ سنة فما فوق.
شوف لعبة Overwatch Origins Edition من هنا.
Tom Clancy’s Ghost Recon Wildlands
إيه رأيك لو تروح في جولة لحواري بوليفيا في أمريكا اللاتينية وتحارب عصابات الكارتيل هناك، وهي دي القصة اللي بتقدمها لعبة التصويب Tom Clancy’s Ghost Recon Wildlands اللي بتيجي في المركز التالت معانا، هتحارب كارتيل سانتا بلانكا اللي بيسيطر على الحكومة في بوليفيا من خلال الرشاوي والتهديدات وبيحولها لأكبر دولة مصدرة للكوكايين في العالم وسط فوضى في الأوضاع الداخلية، وفي نص اللعبة بتحصل أحداث كتيرة مشوقة زي الخلافات اللي بتحصل بين بوليفيا والولايات المتحدة وتفجير سفارتها وقتل بعض رجالتها في بوليفيا، من الآخر حاجة كده شبه مسلسل Narcos لو عارفه، ولو مش عارفه أنصحك تشوفه وتجرب اللعبة معاه.
ملحوظة: اللعبة مناسبة لسن ١٨ سنة فما فوق.
شوف Tom Clancy’s Ghost Recon Wildlands من هنا.
FIFA 18 Legacy Edition
مين فينا ما يسمعش عن لعبة FIFA، في وجهة نظري الخاصة، شايفة أن كرة القدم والألعاب الخاصة بيها زي FIFA و PES كانوا من أكبر العوامل اللي ساهمت في انتشار أجهزة البلاي ستيشن وشهرتها في مصر، ولغاية دلوقتي معظم أجهزة البلاي ستيشن الموجودة عند الناس والمحلات والكافيتريات بتقوم على ألعاب كرة القدم في المقام الأول، لدرجة إني قابلت ناس ماعندهاش فكرة من الأساس إنه البلاي ستيشن فيه ألعاب تانية غير ألعاب كرة القدم، وده إن دل على شيء فيدل على مدى اهتمام المصريين بالكرة، ومدى اهتمام مطوري اللعبة على الاستمرار في تقديم أحسن وأعلى مستوى جرافيكس ممكن يجذب الجمهور ويخليهم يفضلوا متابعين اللعبة على مدار مواسم كتيرة جدًا لغاية دلوقتي ولسنين جاية كتير قدام، كمان اللعبة بقت بتيجي بالنسخة العربي مع أصوات المعلقين المحبوبين للعرب، وده بيساهم في زيادة الشعور بالواقعية أثناء اللعب والارتباط باللعبة أكتر، وغالبا لو إنت جيمر قديم وبتحب الكورة هيكون عندك FIFA 18 وإصداراتها السابقة في مكتبة الألعاب بتاعتك، وغالبًا كمان هتكون مستني الإصدار الجديد بتاعها سواء كان عندك بلاي ستيشن 3 أو بلاي ستيشن 4.
ملحوظة: اللعبة مناسبة لسن ٣ سنين فما فوق.
شوف FIFA 18 Legacy Edition من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.