كتب: خالد عاصم

تحضير اللانش بوكس من المهام اليومية اللي ممكن تكون صعبة على كتير من الأمهات. بس باستخدام الأدوات والأجهزة المناسبة مش بس هتكون عملية سهلة دي كمان هتكون ممتعة وسريعة ومثالية، وده اللي هنساعدك عليه في المقم ده لأننا هنتكلم عن أكتر الأجهزة المهمة في عملية تحضير اللانش بوكس واللي هتخلي العملية دي سهلة وممتعة وسريعة جدًا وكمان هتنوع العناصر الموجودة في اللانش بوكس عشان نهتم بغذاء وصحة أولادنا.

ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أدوات وأجهزة تحضير اللانش بوكس المثالي بسرعة

خلاط ٥٠٠ وات ١٫٥ لتر مع ٢ مطحنة من تورنيدو

الخلاط هو للي هيساعدك على تحضير المشروبات والعصاير بسرعة ومن بين الخلاطات المتوفرة على ياقوطة خلاط تورنيدو بقوة ٥٠٠ وات واللي بيجي بدورق خلاط سعة ١٫٥ لتر ومعاه ٢ مطحنة، الخلاط من الخلاطات الاقتصادية الشهيرة واللي حققت مبيعات قوية وده لانه بيتميز بسعر مقبول جدًا مع إمكانيات مقبولة زي قوته وزي وجود مطحنتين تقدر تستخدم في حاجات كتير وكمان بفضل الدورق الكبير سعة لتر ونص واللي بيتميز بإنه غير قابل للكسر، والخلاط بيوفر سرعتين للخلط مع إمكانية التشغيل بالنبضات

اتعرف على عروض أسعار خلاط تورنيدو ٥٠٠ وات من هنا.

خلاط يدوي مالتي كويك ٧ من براون

الخلاطات اليدوية مميزة جدًا ومن الأدوات الضرورية في عملية تحضير اللانش بوكس المثالي وده لإنها بتتضمن مجموعة مختلفة من الأدوات زي الخلاط نفسه والمفرمة ومضرب البيض وغيرها من الحاجات اللي هتساعد على تحضير الأكل والمشروبات بسرعة، ومن أبرز الخلاطات دي خلاط مالتي كويك ٧ اليدوي من براون اللي بيتميز بإنه خلاط وممكن يستخدم كاداة تقطيع وعجن وتفتيت وتمزيق وتشريح وكمان خفق، يعني هيساعدك تعمل العصاير والحلويات وكمان خفق اللبن عشان المشروبات الساخنة، ده بالإضافة لمجموعة كبيرة من الإمكانيات اللي بيوفرها الخلاط اللي بيتميز بقوة وصلابة وأداء متميز.

اتعرف على عروض أسعار الخلاط اليدوي مالتي كويك ٧ من براون من هنا.

صانع الساندويتشات والوافل وشواية بلاك اند ديكر

الجهاز ده رغم حجمه الصغير إلا إنه عبقري ووجوده مهم جدًا في بيتك، فجهاز صانع الساندويتشات والوافل والشواية من بلاك اند ديكر، يعتبر تلات أجهزة في جهاز واحد بقوة ٧٥٠ وات مع تميزه بلوحات غير قابلة للالتصاق عشان سهولة الاستخدام من غير أي مشاكل، وكمان بتقدر تتحكم في درجة الحرارة من خلال ثرموستات دقيق. وده معناه إنك تقدري تعملي ساندوتشات الولاد في دقايق وكمان يتعملهم وافل عشان التحلية وكل ده في وقت قياسي وبخطوات بسيطة جدًا.

اتعرف على عروض أسعار مختلف أجهزة صانع السندويتشات على ياقوطة من هنا.

كاتيل Sonai SH-3742 من سوناي

عشان كباية الشاي بلبن الصبح أو لو بتفضل إن ولادك ياخدوا معاهم مشروب سخن في كوب حراري صغير مثلًا، فلازم يكون فيه كاتيل، وبتقدملنا شركة سوناي كاتيل ممتاز وبسعر مثالي، الكاتيل سعة ١٫٧ لتر ومصنوع من الزجاج يعني من السهل جدًا اكتشاف إذا كان فيه شوائب في المياه وكمان ده بيخليه سهل التنضيف جدًا.

اتعرف على عروض أسعار كاتيل Sonai SH-3742 من هنا.

ميكروويف زانوسي ٢٠ لتر بشواية

أهمية الميكروويف في تحضير اللانش بوكس متعددة، فهومهم لفك أي حاجة مجمدة ممكن تكون اتعملت من فترة ومحتاجة تفكيها عشان تتحط في اللانش بوكس، وكمان عشان التسخين ده غير إن فيه كتير من الناس بتقدر تستخدمه في الطهي، وبنقدملكم في القائمة النهاردة ميكروويف ممتاز من زانوسي سعة ٢٠ لتر بيمتاز بهيكل معمول من المعدن اللي مش بيعكس درجة حرارة الميكروويف الداخلية، وبيستخدم في فك التلج أو التسخين وبرامجه المتعددة بتساعد على إعداد الأكل بطرق مختلفة، وبفضل الشواية المدمجة فيه تقدر كمان تستخدم في أشكال مختلفة من شوي أنواع متنوعة من الأكل.

اتعرف على عروض أسعار موديلات ميكروويف زانوسي من هنا.

قلاية هوائية EY201815 الصحية من تيفال

لو ولادك بيحبوا البطاطس المحمرة وميقدروش يستغنوا عنها فممكن تقدمهالهم بس بطريقة صحية، ومش بس البطاطس دي حاجات كتير جدًا صحية ممكن تتعمل من خلال القلاية الهوائية لاعتمادها على الهوا السخن فبتتميز بإنها بتوفر أكل صحي بأقل نسبة دهون ممكنة وكمان ممكن تستخدمها في الشوي والتحميص والخبز زي ما طبعًا تقدر تستخدمها في القلي، سعة القلاية دي ٤٫٢ لتر يعني ١٫٢ كيلو جرام وبتقدر توصل لدرجة حرارة من ٨٠ لحد ٢٠٠ درجة مئوية وكمان فيها ميقاتي لحد ٦٠ دقيقة.

اتعرف على عروض أسعار قلاية تيفال EY201815 من هنا.

محضر الطعام متعدد الوظائف بقوة ١٠٠٠ وات من جاك

محضر الطعام المثالي وواحد من أبرز منتجات شركة جاك في السوق المصري، المحضر متعدد الوظائف بوظائف بتوصل لحد ٣٥ وظيفة زي المطحنة والخلاط والقاطع المتناوب وقاطع الشرائح والعجان ومضرب البيض وغيرهم، المحضر بيتميز بمحرك من النحاس بقوة ١٠٠٠ وات والدورق بسعة ١٫٧٥ لتر. ومن خلال المجموعة الممتازة دي هتسهل عليكي كل حاجة تقريبًا في تحضير اللانش بوكس المثالي والسريع.

اتعرف على عروض أسعار مختلف أجهزة تحضير الطعام من جاك من هنا.

ماكينة صنع الزبادي من سوناي ٨ أكواب

كتير من الاهالي بيفضلوا يكون فيه زبادي من ضمن مكونات اللانش بوكس وده للميزات الكتير اللي نعرفها للزبادي، ولان أسعاره ارتفعت خال الفترة اللي فاتت، فماكينة صنع الزبادي هي البديل المثالي، ومع ماكينة صنع الزبادي من سوناي هتقدر تعمل ٨ كبايات زبادي في المرة الواحدة، باستخدام مكونات طبيعية كلها تحت إيدك وتقدر تحصل عليها في أي وقت، الماكينة كمان سهلة الاستخدام والتنضيف.

اتعرف على عروض أسعار ماكينة صنع الزبادي من سوناي من هنا.

ماكينة صنع الآيس كريم ديزيرت فروزن

ليه مندلعش ولادنا شوية ونخلي معاهم حاجة زي الأيس كريم طعمها حلو وبتعتمد على الفاكهة بس يعني من غير استخدام لبن زيادة أو استخدام سكر، يعني فاكهة بس بطعمها الطبيعي وفوايدها الكتير من يغير أي ضرر على أطفالنا، فمن خلال الماكينة المتطورة دي ممكن نعمل الآيس كريم في البيت بكل بساطة من خلال الفاكهة المجمدة اللي بتحولها الماكينة دي لكريمة غنية وكثيفة وزي طعم الأيس كريم وكمان طبيعية أكتر.

اتعرف على عروض أسعار ماكينة صناعة الأيس كريم ديزيرت فروزن من هنا.

اتعرف على عروض أسعار مختلف مستلزمات وأدوات وأجهزة المطبخ من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.