أكتر ٨ أجهزة مبيعًا من أريستون للأجهزة الكهربائية على ياقوطة
كتب: خالد عاصم
تعتبر شركة أريستون واحدة من أعرق الشركات في العالم على مستوى تصنيع وتطوير أجهزة تسخين المياه، وفي خلال السنوات اللي فاتت اتوسعت منتجاتها وخدماتها عشان تقدم مجموعة كبيرة من الأجهزة المنزلية المتنوعة اللي هنتعرف على أبرز المتوفر منها على ياقوطة النهاردة، بعد ما نتعرف باختصار على تاريخ شركة أريستون في العالم.
ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
تاريخ شركة أريستون
سنة ١٩٣٠ أسس المهندس الإيطالي “أريستايد ميرلوني” شركة Industrie Merloni في إيطاليا، وبدأت الشركة في صناعة الموازين واللي مكانش ليها أي علاقة في الأول بالأجهزة المنزلية المتطورة الي بنشوفها دلوقتي، بس في ستينيات القرن الماضي بعد ما وصلت قوة الشركة لحوالي ٦٠٠ موظف بيشتغلوا في خمس مصانع، بدأت الشركة في إنتاج أسطوانات الغاز وسخانات المياه الكهربائية، وهي دي الفترة اللي ظهر فيها براند أريستون وبدأ انتشاره في إيطاليا.
أما سبعينيات القرن لماضي فشهدت سيطرة قوية للشركة في مجال صناعة سخانات المياه الكهربائية في إيطاليا، ومنها بدأت انتشاءها في أسواق غرب أوروبا الكبرى، وفي التمانيات وبعد ما بقت واحدة من أهم الشركات في أوروبا على مستوى السخانات وأجهزة التسخين، بدأت الشركة في تقديم الغلايات للمرة الأولى، أما التسعينات فشهدت بداية وصول الشركة لأوروبا الشرقية وأسيا وقدرت تستحوذ على مصنع من أكبر مصانع الهند المتخصصة في مجال تسخين المياه وفتحت أول مصنع ليها في الهند، وبدأ ظهورها العالمي القوي جدًا، عشان تبدأ سيطرتها على سوق تسخين المياه وتقدر تستحوذ على مجموعة من أكبر الشركات العالمية في المجال ده.
وفي سنة ٢٠٠٩ وبعد استمرار استحواذها على مجموعة من الشركات الضخمة في العالم، اتغير اسم المجموعة عشان يبقى Ariston Thermo وتبقى واحدة من أكبر الشركات في العالم على مستوى أجهزة التسخين وتسخين المياه، وبقت تقدم مجموعة ضخمة ومتنوعة من المنتجات والخدمات والحلول المتكاملة.
أبرز أجهزة أريستون في السوق المصري على ياقوطة
غسالة ملابس تحميل أمامي ٨ كيلو انفرتر
أول منتجات أريستون اللي هنتكلم عنها هي غسالة الملابس الأوتوماتيك بتصميم التحميل الأمامي واللي بتيجي بسعة ٨ كيلو جرام المناسبة جدًا لعيلة من تلات لأربع أفراد، والغسالة بتتميز بتقنيات ممتازة أبرزها اعتمادها على موتور انفرتر اللي بيوفر الطاقة وبيقلل من اهتزاز الغسالة وكمان بيخلي عمر الموتور والغسالة أطول.
اتعرف على عروض أسعار غسالة ملابس أريستون ٨ كيلو انفرتر من هنا.
سخان مياه Pro Eco تيتانيوم بلس ٥٠ لتر
زي ما عرفنا إن أساس تخصص شركة أريستون هو سخانات المياه الكهربائية، وعشان كده تقدر تشتري سخاناتها وانت مغمض لإنك هتحصل على أفضل جودة ممكنة، والسخان ده مثلًا سعة ٥٠ لتر بيتميز بمجموعة من المميزات زي العزل الحرار القوي والقضيب المقوى المصنوع من الماغنسيوم والطبقة العازلة عالية الكفاءة، وكمان اعتماده على مستشعرات NTC الدقيقة لدرجة الحرارة.
اتعرف على عروض أسعار سخان مياه Pro Eco سعة ٥٠ لتر من أريستون من هنا.
شفاط بلت إن ٩٠ سم ستانليس ستيل
شفاط بلت إن مقاس ٩٠ سم مصنوع من الستانليس ستيل بفلاتر مصنوعة من الألومنيوم بيعتمد على موتور واحد وبيقدر يشغل لحد ٣ سرعات.
اتعرف على عروض أسعار شفاط بلت إن ستانليس ستيل من أريستون من هنا.
تلاجة BCB 7030 سعة ٢٨٢ لتر
لو بتدور على تلاجة صغيرة بتصميم مدمج يوفر المساحة، فتلاجة أريستون BCB 7030 هي الأنسب لانها بسعة ٢٨٢ لتر وبتتميز بفريزر سفلي كبير.
اتعرف على عروض أسعار تلاجة BCB 7030 من أريستون من هنا.
سخان المياه الكهربائي Andris RS سعة ٣٠ لتر
بتتميز سخانات المياه الكهربائية صغيرة السعة من أريستون بتصميم مثالي ومدمج وده بيخليها تجمع ما بين الأناقة والعملية لأن حجمها صغير ومس بتاخد مساحة كبيرة، وبيتميز السخان ده بتنظيم مميز للحرارة وبيعتمد على عنصر تسخين نحاسي ومؤشرات ضوئية لدرجة الحرارة، وبفضل تقنية Flexomix بتضمن كفاءة استهاك المياه بشكل مثالي.
اتعرف على عروض أسعار سخان المياه الكهربائي Andris RS سعة ٣٠ لتر من هنا.
مسطح DK 2K iX بلت إن كهربائي ٢ عين
القطعة اللي هتضيف إضافة استثنائية لمطبخك هي المسطح البلت إن من أريستون اللي بيتكون من عينين ممكن التحكم في درجة حرارة كل عين منهم، لمسطح كهربائي واستهلاكه للطاقة كبير بس أقل شوية من كتير من الأجهزة المنافسة، وطبعًا بما إنه بلت إن فلازم يكون في مكان مخصص ليه في المطبخ وهيخلي المكان ده تحفة فنية في المطبخ.
اتعرف على عروض أسعار مسطح DK 2K IX من أريستون من هنا.
سخان غاز ١٠ لتر أنبوبة
زي ما بتقدم سخانات كهربائية ممتازة فهي كمان بتقدم سخانات ممتازة بتشتغل بالغاز، ومنها الغاز ده اللي سعة ١٠ لتر ومصمم للعمل حتى مع ضغط المياه المنخفض وكمان بتشتغل تلقائيًا بمجرد تشغيل المياه وفيها طبعًا مفتاح للتحكم في درجات الحرارة.
اتعرف على عروض أسعار سخان الغاز ١٠ لتر من أريستون من هنا.
غسالة أطباق ١٠ أفراد
غسالة الأطباق المثالية من أريستون اللي بتكفي استهلاك لحد ١٠ أفراد وكل ده بمساحة صغيرة وأبعاد مدمجة جدًا وبتدعم لحد ٧ برامج مختلفة.
تعرف على عروض أسعار عسالة الأطباق 10 أفراد من أريستون من هنا.
اتعرف على عروض أسعار مختلف أجهزة أريستون المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.