كتب: خالد عاصم

زي ما كل حاجة في حياتنا اتطورت وتعاملنا مع كل حاجة حوالينا اختلف، كمان الدراسة اتطورت وطرق المذاكرة اختلفت، فمبقاش الاعتماد بس على الكتب سواء كتب المدرسة أو الخارجية، لا ده بقى فيه دروس أونلاين وكتب بتيجي على سيديهات وطرق تانية كتير مواكبة للعصر ومتطلباته، وده اللي بيخلي أجهزة زي اللابتوبات ضرورية جدًا للدراسة ومهمة جدًا للطلبة.

ومع ارتفاع الأسعار الكبير اللي حصل الفترة اللي فاتت، ممكن تكون أسعار الأجهزة اترحلت شوية للأغلى، وده ممكن يمثل صعوبة على أولياء الأمور في اختيار اللابتوبات المناسبة على مستوى المواصفات والسعر، وعشان كده احنا هنساعدكم، وهنوفرلكم مجموعة من الأجهزة المتنوعة على مستوى المواصفات وعلى مستوى السعر واللي هتكون مناسبة لمختلف المراحل الدراسة.

ففي المقال ده هنتكلم عن مجموعة اللابتوبات المناسبة للطلبة وخصوصًا في مراحل المدرسة واللي بيحتاجوا أجهزة بإمكانيات مناسبة لاحتياجاتهم وتكون بأسعار مناسبة وكمان يقدروا يستخدموها في الترفيه في أوقات فراغهم وراحتهم، ولو أي جهاز عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مجموعة من اللابتوبات المناسبة لطلبة المدارس

لابتوب RCA Atlas 10 Pro المتحول

الجهاز ده من الأجهزة المتحولة المثالية للطلبة في السنوات الأولى من الدراسة وبيعتمد الجهاز على بروسيور رباعي النواة وعلى رامات ١ جيجابايت رام أما شاشته فبقطر ١٠٫١ بوصة قابلة للمس وبجودة HD Plus، والذاكرة الداخلية للجهاز سعتها ٣٢ جيجابايت وممكن تزودها مباشرة من خلال كروت الميموري، الجهاز فيه GPS وكاميرا أمامية وكاميرا خلفية كمان وبطاريته بتقدر تشتغل لحد ٦ ساعات في مرة الشحن الكاملة الواحدة.

اتعرف على عروض أسعار لابتوب وتابلت Rac Atlas 10 Pro من هنا.

لابتوب Asus E410MA-BV185T

لابتوب مميز من اسوس من أبرز مميزاته إنه بيعتمد على ذاكرة داخلية من فئة SSD اللي بتتميز بسرعتها الفائقة وهي سعة ١٢٨ جيجابايت، أما الذاكرة العشوائية فسعتها ٤ جيجابات رام، أما شاشة اللابتوب فقطرها ١٤ بوصة بجودة HD، وبيعتمد اللابتوب على معالج انتل سيليرون بكارت فيجا Intel UHD، واللابتوب بييجي بنظام تشغيل ويندوز ١٠.

اتعرف على عروض أسعار لابتوب Asus E410MA-BV185T من هنا.

لابتوب Dell Inspiron 15-3583

لو انت من محبي نظام تشغيل Ubuntu يبقى اللابتوب ده المثالي بالنسبة ليك لأنه بيقدر يقدم أفضل أداء ممكن لنظام التشغيل ده باعتماده على لابتوب Intel Celeron 4205U المدعوم بذاكرة عشوائية سعتها ٤ جيجابايت رام بذاكرة داخلية سعتها ٥٠٠ جيجابايت أما كارت الفيجا فهو Intel HD 610، واللابتوب بالحجم الكبير بشاشة قطرها ١٥٫٦ بوصة.

اتعرف على عروض أسعار لابتوب Dell Inspiron 15-3583 من هنا.

لابتوب Levovo E41-45

لابتوب Lenovo E4-45 بشاشة ١٤ بوصة واللي بيعتمد على معالج AMD 6-7350B المدعوم بأربعة جيجابايت رام وبهارد سعته ١ تيرابايت وبكارت فيجا مدمج Intel UHD، ومعاه نسخة مرخصة من نظام تشغيل ويندوز ١٠.

اتعرف على عروض أسعار لابتوب Lenovo E41-45 من هنا.

لابتوب Lenovo IdeaPad 15ADA05

لابتوب IdeaPad 15ADA05 من لينوفو بيجي بشاشة ١٥٫٦ بوصة بجودة HD وبيعتمد على بروسيسور AMD 3020E، اللابتوب بيجي برامات ٤ جيجابايت رام وبذاكرة داخلية سعتها ١ تيرابايت أما كارت الفيجا فمدمج في المعالج ومن AMD برضه، الجهاز مناسب جدًا للطلبة والناس اللي بتحتاج لابتوب في شغلها على الأوفيس أو الإنترنت، بس مش بييجي بنظام تشغيل ويندوز.

اتعرف على عروض أسعار لابتوب Lenovo IdeaPad 15ADA05 من هنا.

لابتوب Acer Aspire 3 A315

واحد من اللابتوبات المميزة جدًا في فئتها السعرية والمناسبة طبقًا للطلبة من مختلف المراحل الدراسية وخصوصًا ما قبل الجامعية، اللاتبوب تصميمه وألوانه جذابه جدًا وبيعتمد على شاشة كبيرة بقطر ١٥٫٦ بوصة، وبيعتمد على معالج Intel Core i3 الجيل العاشر والمدعوم برامات سعتها ٤ جيجابايت رام وفيه هارد كبير سعته ١ تيرابايت، وبيتميز بإمكانيات متنوعة ممتازة وبييجي بنظام تشغيل ويندوز ١٠.

اتعرف على عروض أسعار لابتوب Acer Aspire 3 A315 من هنا.

لابتوب Lenovo V14

من بين لابتوبات الطلبة الممتازة في الفئة السعرية دي لابتوبات لينوفو V14 اللي بيتميز بشاشة بقطر ١٤ بوصة وبيعتمد على المعالج المركزي AMD 3020e بكارت فيجا AMD وبيعتمد على ذاكرة عشوائية سعتها ٤ جيجابايت رام باكرة داخلية ضخمة سعتها ١ تيرابايت، مشكلة اللابتوب الوحيدة انه مش بييجي معاه نظام تشغيل يعني هتحتاج لرخصة نظام تشغيل.

اتعرف على عروض أسعار لابتوب Lenovo V14 من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.