مجموعة من أفضل البين باج المتوفرة على ياقوطة
كتب: خالد عاصم
قدرت البين باج تحقق انتشار كبير جدًا في السنين اللي فاتت، وقدرت تحقق انتشار خلاها تقريبًا وجد في أغلب البيوت لدرجة إن فيه بيوت بقت بتعمل قعدات كاملة أو بتفرش أوضة بالكامل بس باستخدام البين باج بمختلف أشكالها. ولده أسباب كتير جدًا، أبرزها الراحة اللي بتوفرها البين الباج اللي بتقدر تاخد وضع الجسم بكل أريحية، وكمان لانها بديل مثالي رخيص للفرش العادي لو انت عايز تعمل قعدة عصرية وفي نفس الوقت توفر فلوس كتير، بالإضافة لشكلها العصري وأحجامها المناسبة لأي مساحة في البيت وأنها تقدر تعمل قعدة مستقلة في أي مكان أو ركن في بيتك سواء في الداخل أو الخارج زي البلكونات والجناين.
وتاريخيًا، يعتبر استخدامنا للبين باج بشكل عام مش حاجة جديدة، فبعض المؤرخين بيقولوا إن الموضوع بيعود لمصر القديمة في فترة حوالي ٢٠٠٠ سنة قبل الميلاد، وكانت بتستخدم للعب الألعاب واستخدامات أخرى مختلفة، وكان شكلها الأولي صغير ومصنوع من الجلد وكانت بتتملى بالحبوب الجافة أو الحصى الصغير، ومؤرخين تانيين بيقولوا إنها ظهرت كمان بنفس الشكل تقريبًا وبرضه لغرض الألعاب في بعض قبائل الهنود الحمر، ده غير كمان إنها ظهرت في الصين القديمة كأداة للتدريب على ممارسة بعض الألعاب القتالية.
أما استخدامها كقطعة أثاث فده حصل بعد الفترات دي بكتير، وبترجع تحديدًا لستينات القرن الماضي، وتحديدًا كمان في سنة ١٩٦٨ لما تم تسجيل براءة اختراع لكيس مليان بقطع من الفوم وتم استخدامه ككرسي، ولأنه مكانش ماليان بأي نوع من الحبوب أو بالحشو اللي بيتسخدم دلوقتي، فمنقدرش نقول إن ده كان أول بين باج بس نقدر نقول إن منه ظهر البين باج بشكله اللي عرفه دلوقتي. أما أول بين باج بشكله الحالي فظهر في سنة ١٩٦٩ على إيدين مجموعة من المصممين الإيطاليين، وكان الغرض من تصميمه هو صناعة كرسي مريح بيقدر ياخد شكل الجسم لما حد يقعد عليه، واستخدام فيه الجلد في صناعة الجسم الخارجي.
وبعد ما عرفنا لمحة عن تاريح البين باج وعن تاريخنا الطويل في استخدامها باستخدامات مختلفة، ففي السطور الجاية من المقال ده هنتعرف على مجموعة من أفضل أنواع البين باج المتوفرة في السوق المصرية بمختلف تصاميمها أو المواد المستخدمة في صناعتها.
ولو أي بين باج من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مجموعة من أبرز أنواع البين باج في السوق المصري
بين باج للأطفال مقاومة للماء من بينجوين
البين باج المثالية للأطفال وبمجرد ما بيقدروا يعرفوا إزاي يقعدوا لوحدهم هيقدروا يستخدموها، البين باج بمقاس ٤٨ × ٧٠ سم وبتوفرها بينجوين بألوان كتير جدًا مناسبة لكل الأذواق سواء هتستخدما في غرفة طفلك أو في غريفة المعيشة هتلاقي الألوان اللي بتناسب، وبتتميز كمان بإنها معمولة من مواد مقاومة للمياه يعني هتحافظ على حشوها باستمرار وهيكون تنضيفها سهل جدًا.
اتعرف على عروض أسعار بين باج الأطفال من بينجوين من هنا.
بين باج ريلو للأطفال من ريك راك
لو هيقروا أو هيتفرجوا على التليفزيون أو هيمارسوا ألعاب فيديو فلازم تكن قعدتهم مريحة لأقصى درجة وده اللي بتوفره البين باج دي من شركة ريك راك المشهورة بصناعة مجموعة من أفصل أنواع البين باج في مصر.
اتعرف على عروض أسعار بين بج ريلو للأطفال من ريك راك من هنا.
كوزي بين باج
واحد من أشيك وأجود المنتجات الموجودة على ياقوطة في فئة البين باج هي دي اللي بتتميز بمواد صناعة عالية الجودة جدًا وشيك جدًا في نفس لوقت، والكرسي ده تحديدًا بيتوفر بمجموعة متنوعة من الألوان عشان تناسب أي مكان وأي ديكور سواء داخلي أو خارجي وكمان بتتميز بإن نسيجها مقوم للمياه ومش بيمتص المياه أيدبًا وكمان معالج عشان يقاوم الأشعة فوق لبنفسجية عشان متتأثرش من استخدامها تحت أشعة الشمس لوقت طويل.
اتعرف على عروض أسعار كوزي بين باج من هنا.
بين باج U Bean Bag مقاس لارج من الكتان
تخيل بين باج تجمع ما بين الراحة اللامتناهية وشياكة الكتان، هو ده الل بتقدمه البين باج دي المصنوعة من قماش الكتان عالي الجودة والمعروف طبعًا للكل بأنه من أشيك وفخم أنواع القماش واللي بيضيف لمسة أناقة وشياكة استثنائية لديكور بيتك، والنوع ده بيتوفر بألوان متنوعة ومقاسات مختلفة.
اتعرف على عروض أسعار بين باج U Bean Bag من هنا.
Ringo Singular Bean Bag من ريك راك
بالتصميم الأقرب للمخصصة للألعاب واللي ممكن استخدامها طبعًا في استخدامات تانية مختلفة زي الفرجة على التلفيزيون لساعات كير أو القراية، ومصنوعة من أجود أنواع المواد الملائمة للاستخدام داخل أو خارج البيت.
اتعرف على عروض أسعار بين باج Ringo Singular من ريك راك من هنا.
Razza Bean Bag Chair من ريك راك
بتصميم الكرسي المرتفع وبتتميز بإنها بتدي دعم للضهر والإيدين وبفضل ارتفاعها فتكون مريحة جدًا لرجلك وكمان مريحة للجزء السفلي من الضهر.
اتعرف على عروض أسعار Razza Bean Bag Chair من ريك راك من هنا.
بين باج كاتر بيلر من أريكا
شركة أريك بتوفر مجموعة كبيرة من البين باجز بتصميمات مختلفة ومبتكرة ومنها دي اللي بتصميم منحني عشان توفر أقصى راحة ممكن خصوصًا في القراية وممارسة الألعاب.
اتعرف على عروض أسعار مختلف أنواع البين باج من أريكا من هنا.
اتعرف على عروض أسعار مختلف أنواع البين باج المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.