أبرز أنظمة المسرح المنزلي المتوفرة على ياقوطة
كتب: خالد عاصم
صناعة الترفيه دلوقتي هي أهم الصناعات على مستوى العالم، وده مش بس على مستوى صناعة المحتوى لا ده كمان على مستوى صناعة الأجهزة اللي بتساعد على ظهور المحتوى ده بأفضل صورة وصوت ممكنين، فمع تطوير محتوى الفيديو والصوت، بتتطور كمان الأجهزة اللي بتعرض المحتوى ده، فما بتظهر تقنيات جديدة في الفيديو والصوت، بتظهر نفس التقنيات دي في الأجهزة المختلفة زي التليفزيونات والأجهزة اللي بتشغل أقراص البلو راي وطبعًا بتتطور كمان أجهزة وأنظمة المسرح المنزلي اللي بتهتم بقسم مهم جدًا بأقسام عرض المحتوى وهو الصوت.
السوق فيه عدد كبير جدًا من أجهزة المسرح المنزلي المختلفة واللي بتختلف بشكل متباين من حيث التقنيات اللي بتدعمها وعدد سماعاتها وقدراتها الصوتية بالإضافة لعناصر تانية كتير، كمان بتختلف على مستوى البراند والسعر، ده غير الاختلاف الرئيسي أو الخلط اللي بيقع فيه الناس بين أنظمة المسرح المنزلي وأنظمة الصوت متعددة السماعات او الصب ووفر اللي معاه سماعات واللي مش بالضرورة بتقدر تقدم نفس الإمكانيات اللي بيقدمها المسرح المنزلي المتخصص.
من خلال المقال ده هنتعرف على مجموعة من أبرز أنظمة المسرح المنزلي المتوفرة على ياقوطة وهنراعي استعراض أنظمة من فئات سعرية مختلفة ومناسبة لمختلف الاحتياجات. كل الأجهزة اللي هنستعرضها في المقال ده متوفرة على ياقوطة وقت كتابة المقال وهتقدروا تطلبوها من خلالنا وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز أجهزة المسرح المنزلي المتوفرة على ياقوطة
نظام المسرح المنزلي J5550k 5.1 من سامسونج
أول جهاز من أنظمة المسرح المنزلي اللي هنتكلم عنه النهارده هو جهاز سامسونج J5550K واللي بيدعم النظام الصوتي ٥٫١ من خلال تضمنه لسبوفر بالإضافة لأربع سماعات أرضية طويلة وكمان سماعة مركزية، النظام بيتميز بطاقة صوتية قدرها ١٠٠٠ وات وبيدعم إمكانيات صوتية متطورة جدًا، وكمان بيتضمن النظام مشغل أقراص بلو راي بيدعم المحتوى ثلاثي الأبعاد وبيدعم عدد كبير من الصيغ والإمكانيات الصوتية الممتازة.
اتعرف على عروض أسعار نظام المسرح المنزلي J5550K من سامسونج من هنا.
نظام المسرح المنزلي BDV-E6100 من سوني
نظام صوتي متكامل أكتر من رائع بتوفره سوني بيمتاز بقدرة صوتية ١٠٠٠ وات وبيتمتع بأساليب توصيل مختلفة بتخليك تقدر تسمع المزيكا من خلال أي مصدر سواء سلكي أو لاسلكي لأنه بيدعم تقنيات زي NFC وبلوتوث، النظام ٥٫١ مكون من صب ومن سماعة مركزية ومن أربع سماعات طولية عشان تقدر من خلال توزيعها إنك تعيش تجربة صوتية محيطية مذهلة، وكمان معاه جهاز سوني بلو راي المتميز جدًا.
شوف عروض أسعار نظام المسرح المنزلي BDV-E6100 من سوني من هنا.
نظام المسرح المنزلي LHD 457 من LG
العملاق التالت من عمالقة الأنظمة الصوتية وأنظمة المسرح المنزلي هو LG اللي بتقدم نظام صوتي ممتاز ٥٫١ مكون من صب وسماعة مركزية وأربع سماعات طولية عشان تستمتع بانظمة صوت دولبي ديجيتال وDTS كأنك في السينما بالظبط، النظام بيتمتع كمان بمشغل بلو راي سلكي متطور جدًا وبيدعم عدد كبير من الأنظمة الصوتية والبصرية.
اتعرف على عروض أسعار نظام المسرح المنزلي LHD 457 من LG من هنا.
نظام المسرح المنزلي HKTS 16BQ من هارمان كاردون
شركة هارمان كاردون واحدة من أكبر الشركات المتخصصة في مجال الصوتيات وبتقدم مجموعة أكتر من ممتازة من مختلف أنواع السماعات والأنظمة الصوتية وأنظمة المسرح المنزلي، وماتخليش شكل السماعات الصغيرة دي يخدعك لأنها قادرة على تقديم إمكانيات صوتية متميزة جدًا وبتدعم تقنيات صوتية محيطية مختلف، وبيقدر يقدم صوت واقعي جدًا، النظام بس بيعيبه إنه مش بيجي معاه مشغل بلو راي.
شوف عروض أسعار نظام المسرح المنزلي HKTS 16BQ من هارمان كاردون من هنا.
نظام المسرح المنزلي CINEMA 610AM من JBL
أي حد اتعامل مع أي حاجة ليها علاقة بالصوتيات والسماعات يعرف أيه حجم شركة JBL والتقنيات اللي بتقدر تقدمها في مختلف منتجاتها الصوتية بما فيها أنظمة المسرح المنزلي واللي من بينها النظام ده اللي بيقدر ينقلك للسينما في دقايق هي المدة اللي هتحتاجها عشان تظبط النظام وتحط كل حاجة في مكانها سواء سماعات أو توصيلات، النظام بيتكون من صب ووفر بقوة ٦٠ وات وبتقنيات صوت بيس ممتازة، أما السماعات الستالايت فعندها قدرة غير عادية على توصيل كل تفصيله موجودة في الصوت وده طبعًا مدعوم بسماعة مركزية بتساعد على تقديم صوت محيطي استثنائي.
شوف عروض أسعار نظام المسرح المنزلي CINEMA 610AM من JBL من هنا.
نظام المسرح المنزلي YHT-1840 من ياماها
بتقدم شركة ياماها واحد من أبرز أجهزة المسرح المنزلي في الفئة السعرية دي واللي بيوفر نظام صوتي متكامل مكون من صب وأربع سماعات ستالايت وسماعة مركزية وكمان جهاز استقبال ممتاز عالي الجودة وقابل للتحكم عن بعد عن طريق الريموت كنترول، النظام رغم صغر حجمه إلا أنه بيقدر يقدم قوة صوت بتوصل لحد ١٠٠٠ وات ده غير إنه مدعوم بمجموعة كبيرة من التقنيات الصوتية المتطورة.
شوف عروض أسعار المسرح المنزلي YHT-1840 من ياماها من هنا.
نظام المسرح المنزلي DAV-DZ350 من سوني
بسعر مثالي بتقدم سوني واحد من أفضل الأنظمة الصوتية المدمجة المتوفرة في الفئة دي واللي بتقدم إمكانيات ممكن متكونش موجودة في بعض الفئات السعرية لأعلى كمان، النظام بيتكون من نظام صوتي ٥٫١ مكون من صب وأربع ساعات ستالايت بالإضافة لسماعة مركزية وكمان معاه مستقبل صوت وفيديو بلوتوث وبيقدر يشغل أسطوانات DVD بعدد كبير من الصيغ، النظام بيتميز بقدرة صوتية مذهلة وبيدعم مجموعة كبيرة ومختلفة من تقنيات الصوت المحيطي.
شوف عروض أسعار نظام المسرح المنزلي DAV-DZ350 من سوني من هنا.
اتعرف على عروض أسعار مختلف أجهزة المسرح المنزلي المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.