كتبت: نيدهي زالافاديا شاه ويارا الحميلي

بغض النظر عن المكان اللي عايشين فيه، الكرة الأرضية أصبحت كتلة ساخنة من النار، والصيف بقى حر جدًا. وبما إن الصيف دخل وكل اللي بنبقى محتاجينه نسمة هوا، الحل الأمثل في الحالة دي هو  مكيف الهواء . وجود التكييف في حياتنا بقى حاجة أساسية، سواء في البيت، المكتب، المحلات التجارية أو أي مكان تاني. متهيألي إننا مش ممكن نتخيل حياتنا من غير تكييف.

عشان كده لما نقرر نشتري جهاز تكييف جديد لازم نحط في اعتبارنا شوية حاجات قبل ما نقرر هنجيب أنهي نوع، ولازم نبقى عارفين كويس أنواع التكييفات المختلفة ومواصفاتها قبل ما ناخد قرار الشراء. في المقال ده، ياقوطة بتقدم دليل شامل لكل اللي يحبوا يشتروا أو يعرفوا كل حاجة عن مكيّفات الهواء.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أنواع مكيّفات الهواء

• التكييف المحمول.
• التكييف الشباك.
• التكييف الاسبليت.
• التكييف المزود بتكنولوجيا عاكس الهواء.
• التكييف بنظام العكس.

التكييف المحمول

التكييف ده زي ما بيوحي اسمه، بيتميز بالمرونة لكنه مش خفيف. على الرغم من إن وحدات التكييف المحمولة ليها إيجابيات ومش بتحتاج مكان ثابت، نقله من مكان لمكان عملية صعبة جدًا لإن وزنه تقيل. عشان كده ممكن تبقى فكرة كويسة إنك تجيب تكييف بعجل لو هتحركه كتير. مكيّفات الهواء مثالية في حالة إن الغرفة مفيهاش مكان على الشباك أو الحيطة، لكن مش فعالة في حالة الأماكن المفتوحة. مشكلة التكييفات دي إن سعتها من ٥٠٠٠ إلى ١٥٥٠٠ وحدة حرارية/الساعة، وسعرها عالي زائد إنها بتستهلك كهرباء كتير وبتعمل أصوات عالية.

الوحدات المحمولة  بتشتغل عن طريق تكثيف الهواء اللي جوا الغرفة وليهم نوعين:

المكيّف بنظام الخراطيم

بيتم حرق الهوا السخن عن طريق الخرطوم للشباك أو أي منفذ آخر. لازم نتأكد إن الشباك متوافق مع التكييف.

المكيّف بنظام التبخر الذاتي

في النظام ده، الهواء السخن بيتكثف، وبعدين الماء المكثف بيُعاد تدويره إلى الهواء. مكيّف هواء التبخر الذاتي بيقلل الحاجة لاستنزاف المياه اللي اتجمعت عشان الرطوبة.

التكييف الشباك

التكييفات دي بتتثبت في الشباك أو في الحيطة الداخلية.  الوحدات دي بتبرد وبتكيّف الهواء اللي جوه الغرفة وبتضخ الهوا السخن بره الغرفة. سعتهم بتتراوح ما بين ٥٠٠٠ لـ ١٢٥٠٠ وحدة حرارية/ساعة أو أكترعلى حسب الحجم. دلوقتي التكييفات دي بتيجي مع كل الملحقات المطلوبة لتركيبها، لكن لازم تتأكد إن الشبابيك اللي عندك والأسلاك مناسبة لتثبيت الوحدات لإن لو كانوا مختلفين هتحتاج حد يظبطلك الأسلاك.

التكييف الاسبليت

الوحدات دي بتنقسم لجزأين منفصلين. في وحدة داخلية بتتركب على الحيطة في الغرفة ووحدة خارجية بتتخلص من الحرارة. الوحدات دي تعتبر أكثر هدوءً عشان الجزء اللي بيطلع صوت بيكون خارج الغرفة. الوحدات دي بتكون أغلى من التكييف الشباك لكنها بتبرد أحسن.

تكييف الهواء بنظام العاكس

في المكيّفات العادية اللي ذكرناها فوق، لما الوحدة بتبقى في وضع التشغيل، الضاغط «compressor» بيكون في نظام التشغيل أو الإيقاف على حسب الحرارة المظبوطة. تكنولوجيا العاكس ممكن تزوّد أو تنقّص سرعة الكومبرسور بدلًا من إغلاقه وممكن تحافظ على درجة حرارة معينة، وده بيحسّن من كفاءة المكيّف.

نظام عكس مكيف الهواء

على عكس مكيّفات التبريد فقط، الوحدات دي ممكن كمان استخدامها في التدفئة. التكييفات دي بتكون مثالية في الأماكن اللي الجو فيها بيكون سخن جدًا أو ساقع جدًا في أوقات مختلفة من السنة. والخيار ده بيكلّف أكتر لكن مناسب جدًا لطبيعة الجو في مصر.

إيه هي الحاجات اللي لازم نراعيها قبل ما نشتري مكيّف هواء؟

بما إننا بقى عندنا خبرة دلوقتي في الأنواع المختلفة من التكييفات، هنناقش المزايا اللي لازم تكون موجودة لما نفكر نشتري تكييف.

حجم ونوع الغرفة

أهم شيء لازم يتحط في الاعتبار هو حجم الغرفة اللي بنشتريلها التكييف. تحديد حجم الغرفة بيكون بضرب طول الغرفة في عرضها (الطول×العرض). بنحتاج ٢٠ وحدة حرارية/قدم مربع. وبرضه لازم نحط في اعتبارنا طول الغرفة، كل ما كان الطول أكبر، كل ما كنّا في حاجة إلى تكييف قدرته أعلى. وبرضه لازم نحط في اعتبارنا تهوية ونوع الغرفة.

ليه مهم جدًا إن مكيف الهواء يكون عنده قدرة مناسبة؟ لو كانت قدرة المكيّف غير كافية، مش هيقدر يبرّد بالشكل المطلوب. وده هيخلّي التكييف كل شوية يقطع وهيزوّد فاتورة الكهرباء ومش هيحقق البرودة المطلوبة للمستخدم.

وفيما يلي الصيغة العامة المستخدمة لحساب قدرة التكييف:

سعة التبريد المقدرة المطلوبة = C1 + C2  (وحدة حرارية/ساعة).

حيث أن C1 = حجم الغرفة بالقدم المكعب (الطول×العرض×الارتفاع) ×٦.

وC2 = العدد التقديري للأشخاص في الغرفة ×٥٠٠ وحدة حرارية/ساعة.

الوحدة الحرارية/ساعة تشير إلى كمية الحرارة اللي يمكن استخراجها من الغرفة. وعمومًا الـ ١ حصان قادر على إزالة ٩٠٠٠ وحدة حرارية/ساعة من الحرارة.

الشركات المصنعة بتقدم سعات مختلفة للغرف باختلافها أحجامها. وبالرغم من إن في حواسب اَلية بندخلّها أبعاد الغرفة تطلّعلنا سعة التكييف المناسب، لكن من الأفضل إنك ترجع للشركة اللي هتشتري منها، عشان في اعتبارات أخرى لاختيار التكييف غير أبعاد الغرفة زي التهوية وتعرض الغرفة للشمس. الغرف اللي بتتعرض للشمس بتحتاج سعة أكبر. وبرضه عنصر مهم هو نوع الغرفة، إن كانت غرفة نوم أو معيشة أو مطبخ وده بيختلف في السعة المطلوبة.

تقييم كفاءة الطاقة

لاحظت إن فواتير الكهرباء بتعلى في الصيف بسبب التكييف؟ دلوقتي عرفت ليه؟

تقييم كفاءة الطاقة بيقرر كفاءة وحدتك. التقارير بتقول إن ٤٥٪ من استهلاك الطاقة في القطاعات السكنية والتجارية في مصر سببه المكيّفات. تقييم كفاءة الطاقة بيدل على عدد الوحدات الحرارية في الساعة المستخدمة لكل وات من الطاقة. وكل ما ارتفع تقييم كفاءة الطاقة، كل ما ارتفعت كفاءة المكيّف وكل ما استخدم طاقة أقل، فلازم دايمًا نبص على ملصق تقييم كفاءة الطاقة على المكيّفات. المكيّفات اللي تقييم كفاءة الطاقة عندها أعلى هتكون تكلفتها أعلى لكن هتوفر كهرباء وطاقة، فعلى المدى البعيد نقدر نقول إن تكلفتها أقل.

الضوضاء

الدَوشة اللي بتعملها المكيّفات ممكن تأثر على المحادثات بتاعتنا أو على راحتنا في النوم أو على أي نشاط تاني بنقوم بيه. عشان كده لازم نركّز في صوت التكييف خاصةً لو هيتم استخدامه في غرف خاصة زي غرف النوم. التكييف الاسبليت هو الأكثر هدوءً عشان الكومبرسور بيكون بره الغرفة.

تخطيط الغرفة

لازم نشوف ترتيب العفش في الغرفة ومكان الترتيب قبل ما ناخد قرار الشراء. لو بتفكر تشتري تكييف شباك، لازم يتحط بحيث إن التكييف يطلّع الهوا في اتجاه مركز الغرفة. معظم التكييفات فيها اختيار إن الهوا يطلع وينزل، لو التكييف مش هيوجّه الهوا في مركز الغرفة لازم نتأكد إنه بيوجّه الهوا لليمين والشمال كمان.

الفلاتر

مهم جدًا إن يكون التكييف معاه فلاتر جودتها عالية بحيث إنها تنقّي الجو وتساعد إن الهوا يفضل نضيف جوه الغرفة. دلوقتي في تكييفات فيها فلاتر مضادة للبكتيريا. وبرضه لازم نختار الفلاتر اللي نقدر ننضفها بسهولة.

سرعات المروحة

المروحة بتاعة التكييف بتُستخدم في توزيع الهواء على الغرفة. المفروض ندوّر على الموديلات اللي فيها سرعات متعددة للمروحة من منخفضة إلى مرتفعة بحيث يقدر التكييف يبرّد الغرفة بسرعة. عن طريق تغيير سرعة المروحة ممكن تتحكم في تدفق الهواء ودرجة الحرارة.

الضمان والخدمة

الضمان الأول بيُعتبر ميزة إضافية لما نشتري المكيّفات الغالية. واختيار الماركات اللي سمعتها كويسة وعندها مراكز خدمة معناها إن الصيانة هتبقى سهلة في المستقبل.

مزايا حديثة

بصرف النظر عن المزايا التقليدية اللي فوق، في مزايا جديدة في التكييفات هدفها زيادة الراحة زي:

• خيار برمجة عداد الوقت

دلوقتي التكييفات بتيجي بخيار عداد الوقت، اللي ممكن يكون مفيد لما تكون عايز التكييف يقفل بعد فترة معينة أو لما تكون مثلًا بتنسى التكييف مفتوح وتسيب الغرفة. كل اللي مطلوب منك إنك تبرمج التكييف على الوقت اللي عايزه يفتح أو يقفل فيه.

• العرض الرقمي على الوحدة

العرض الرقمي على مكيّف الهواء ميزة جيدة، بحيث إنها بتُتيح للشخص معرفة درجة الحرارة أو تحديدها أو تحديد أي خصائص تانية.

• منظم الحرارة

الترموستات أو منظم الحرارة بيساعد في تحديد درجة الحرارة والاحتفاظ بيها وده بيزوّد كفاءة التكييف.

• التبريد الذكي

مكيّفات الهواء دلوقتي بقت متصلة بالتكنولوجيا أكتر، بحيث إن ممكن الشخص يسيطر على المكيّف من الموبايل وممكن توصل التكييف بوحدات التكييف التانية الموجودة في البيت.

• جهاز استشعار الحضور البشري

في تكييفات معينة ممكن تستشعر وجود الإنسان في الغرفة وتوجّه الهواء ليه.

• وظيفة مزيل الرطوبة/التجفيف

الخيار ده مفيد جدًا في الأماكن اللي مناخها رطب، وبرضه ممكن استخدامه في تجفيف الملابس في الغرفة.

• السوينج

معظم المكيّفات فيها نظام بيوجّه الهواء في مكان معين، في بعض التكييفات بيتم توجيه الهواء فوق وتحت وبعضها فيه بالإضافة لكده نظام بيوجه الهواء يمين وشمال كمان.

• الوضع الاقتصادي/نظام النوم

بعض المكيّفات فيها وضع اقتصادي وده بيكون مفيد جدًا خصوصًا أثناء النوم.

• وظيفة التربو

الوظيفة دي بتساعد على تبريد أو تدفئة الغرفة بأسرع وقت من خلال تشغيل أقصى سرعة للمروحة.

دلوقتي بعد ما عرفنا إيه الحاجات اللي لازم ناخد بالنا منها واحنا بنشتري تكييف، خلّينا نشوف أنواع التكييفات الأكثر شعبية في مصر.

التكييفات اللي فوق هي النماذج الشعبية المختارة وفيه غيرها متاح في مصر. ممكن تشوف أنواع تانية من التكييفات من هنا. 

من الضروري جدًا اختيار المكيّف اللي يناسب احتياجاتك، اشتري التكييف المناسب واتغلّب على حرارة الصيف.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.