قبل ما تدفع فلوس.. اتعرفوا على مميزات وعيوب لاب توب Acer Aspire 3 الجديد من ايسر
كتب: فريق الموقع
عندنا اعتراف مهم لحضراتكم.. إحنا بنحب أجهزة اللاب توب اللي مواصفاتها الفنية قوية.. سرعتها زي الطلقة وقوتها زي الحوت وقدرتها على التحمل زي الفيل.. لكن برضو لازم نفهم أن مش كل أجهزة اللاب توب لازم تبقى جامده تنين! وده ينطبق على لاب توب Acer Aspire 3 اللي بييجي مع مواصفات فنية مش هي أجمد حاجه في العالم. لكن برضو من ناحية تانيه سعر الجهاز مش أغلى حاجه. بالتالي احنا أمام لاب توب عارف الفئة اللي بيستهدفها كويس. هو مش بيستهدف اللاعبين، مش بيستهدف الناس اللي بتعمل مونتاج فيديو. لكن من ناحية تانيه بيستهدف منطقة واسعة من المستخدمين اللي بيتصفحوا السوشيال ميديا مع شوية استخدام لبرامج الأوفيس. ومافيش مشكلة في تشغيل لعبة خفيفة أو الفرجة على فيديوهات. تعالوا نتعرف أكتر على الجهاز
هانتعرف مع ياقوطة على أهم المواصفات الفنية لـ Acer Aspire 3 وأهم مميزاته وعيوبه ولو اللاب عجبك هتقدر تطلبه من خلالنا في ياقوطة ودلوقتي مع شهري، تقدر تشتري أي لاب توب ومستلزماته بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات لابتوب Acer Aspire 3
- العلامة التجارية: ايسر
- رقم الموديل: A315-56-33SX
- اسم الموديل: Aspire 3
- اللون: أسود
- الوزن: 1.9 كيلوجرام
- نظام التشغيل: Windows 11 Home
- المعالج: كور i3
- جيل المعالج: الجيل العاشر
- تفاصيل المعالج: انتل كور i3-1005G1 (1.2 جيجاهرتز، يصل إلى 3.4 جيجاهرتز، ثنائي النواة)
- الذاكرة (رام): 4 جيجابايت
- نوع الرام: دي دي ار 4
- التخزين: 1 تيرابايت اتش دي دي
- معالج الرسومات: معالج رسومات مدمج
- الكاميرا: كاميرا بدقة 0.3 ميجابكسل مع ميكروفون
- البطارية: بطارية ليثيوم أيون 36 وات في الساعة
- عمر البطارية: يصل إلى 9 ساعات
- الطاقة: محول تيار متردد 3 سنون 45 وات
- الحجم الخاص بالشاشة: 15.6 بوصة
- النوع: اتش دي ال سي دي
- بلوتوث: يوجد
- واي فاي: 802.11 ac
- المنافذ:
- منفذ اتش دي ام اي: يوجد
- منفذ يو اس بي 3.0 : يوجد
- منفذ يو اس بي 2.0: يوجد
مميزات لابتوب Acer Aspire 3
- كقيمة مقابل سعر يعتبر Acer Aspire 3 جهاز ممتاز بييجي مع مواصفات فنية قوية مقابل سعر جيد. ولا يمكن نفصل السعر عن المواصفات الفنية بمعنى أننا ماينفعش نتوقع مواصفات جبارة مع سعر زي ده.
- الجهاز بييجي مع مجموعة منافذ بتناسب كل سيناريوهات توصيل الجهاز بأجهزة تانيه
- وزن الجهاز Acer Aspire 3 خفيف نسبيا وده يخليه مناسب للناس اللي عاوزه تتنقل من مكان لمكان بسرعة أو للبنات مثلا
- مساحة تخزين الجهاز ممتازة وتنفع للناس اللي عاوزه تخزن ملفات فيديو بجودة عالية أو غيرها من الملفات الكبيرة
- حجم الشاشة مثالي للناس اللي عاوزه تتفرج على مقاطع فيديو بشكل كتير. لأن الحجم مش ضخم قوي فا يتعب المستخدم ومش صغير قوي فا ماحدش يشوف عليه حاجه
- الجهاز Acer Aspire 3 بييجي مع نسخة ويندوز أصلية وده بيوفر على المستخدم اما شراء نسحة بمقابل اضافي أو تحميل نسخة (مضروبة) اونلاين لكن بييجي معاها مشاكل وحاجات كتير ناقصه
- عمر بطارية الجهاز Acer Aspire 3 ممتاز وقادر على العمل لفترة زمنية طويلة منغير ما يحتاج يتشحن تاني
عيوب لابتوب Acer Aspire 3
- مع الضعط على الجهاز Acer Aspire 3 في الشغل بترتفع درجة حرارته بشكل كبير. يا تقلل الاستخدام التقيل يا تستعمل وسائل تبريد زي المروحة الخارجية
- مساحة الرامات تعتبر قليلة وكنا نتوقع تكون أكبر
- معالج الجهاز Acer Aspire 3 مش الأحدث ولا الأسرع. ولو كان استخدامك تقيل في عالم الكمبيوتر ننصحك تبحث عن البديل
- كاميرا الجهاز ضعيفة ومش بتقدم أداء كويس حتى لمجرد عمل مكالمات الفيديو الهاتفية
- على الرغم من المساحة الكبيرة للهارد درايف، لكنه مش بيدعم تقنيات النقل السريع للملفات. بالتالي الناس اللي بتنقل بيانات كتير هاتضطر تستنى وقت أطول
الخلاصة
وفي النهاية.. جهاز Acer Aspire 3 يعتبر جهاز ممتاز للناس اللي عاوزه لابتوب لتصفح الانترنت ومشاهدة بعض الفيديوهات وشغل خفيف على برامج الأوفيس. لكن في المقابل الجهاز مش هايكون كويس للناس اللي عاوزه تشتغل في مونتاج الصور أو الفيديو أو تشغيل الالعاب الثقيلة. وده مفهوم حتى من السعر اللي بييجي بيه.
اتعرف على عروض أسعار لابتوب Acer Aspire 3 من هنا.
اتعرف على عروض أسعار مختلف لابتوبات Acerالمتوفرة على ياقوطة من هنا.
اتعرف على عروض أسعار مختلف أسعار أجهزة اللاب توب المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.