كتبت: شروق نبيل

فصل الصيف قرّب. ووجود مروحة قوية وتتحمل ساعات شغل كتير أمر مهم. كتير كمان من الناس بتفضّل المروحة عن التكييف لإن السعر بيكون أقل، وكمان لإن المراوح بتكون موفرة لفاتورة الكهرباء.

وعشان ياقوطة بتهتم براحتك وسعادتك، قررنا في المقالة دي نقدملك قائمة صغيرة بكل المواصفات المهمة اللي لازم تاخد بالك منها وانت بتشتري مروحة جديدة. وتقدر كمان تعرف أشهر أنواع وموديلات المراوح الموجودة في السوق. ولو عجبك موديل منهم وعاوز تشتريه تقدر من خلالنا تعرف أحسن الأسعار ليه، وكمان تقارن بينهم وتقدر تطلبها من خلال ياقوطة وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أنواع المراوح متعددة. وفيه منها مراوح السقف، ومراوح السقف المتدارية، ومرواح الحائط، ومراوح ستاند

ماركات المراوح من أشهرها ميانتا، وفريش، وتوشيبا، وتورنيدو

أنواع المراوح

مروحة السقف

• مناسبة ليك لو مش عايز مروحة تاخد مساحة كبيرة، لإنها بتتركب في السقف.

• متوفر منها موديلات بريموت كنترول.

• مش هتقدر تركب نجف لو حاطط مروحة سقف.

• صعب تنضيفها ومحتاجة كهربائي يركبهالك.

شوف مراوح السقف من هنا.

مروحة السقف المتدارية ومراوح الحائط

• مناسبة ليك لو عايز حل عملي ومروحة تاخد مساحة صغيرة.

• مناسبة ليك لو عندك أطفال لإنها آمنة.

• سهلة التنضيف والتركيب.

• تقدر تركب منها ٢ في الغرفة لو المساحة كبيرة.

• مش مناسبة لو هتركب واحدة بس في مكان كبير.

• بتصدر صوت لو شغلتها على أقصى سرعة.

شوف مراوح متدارية من هنا.

مراوح الاستاند

• سهلة التنضيف والتركيب ومش محتاجة كهربائي.

• مناسبة ليك لو عايز حاجة تقدر تنقلها من مكان لمكان بسهولة وتثبت اتجاهها.

• متوفر موديلات بريموت كنترول وتايمر وسرعات متعددة.

• مش مناسبة ليك لو الغرفة صغيرة لإنها بتاخد حيز من الغرفة.

• مش مناسبة ليك لو عندك أطفال.

شوف المراوح الاستاند من هنا.

المساحة

• مراوح السقف مناسبة لمكان أقل من ٢٠ متر مربع عشان تقدر توزع الهواء بكفاءة.

• لو المكان كبير هتحتاج تركب مروحتين حائط أو مروحة ستاند.

• المرواح الساتاند مناسبة لو حابب مروحة تعرف تنقلها من مكان لمكان بسهولة.
• لو عندك أطفال يبقى هات مروحة حائط أو ستاند عشان هيكونوا أمان أكتر.

الديكور

• لو البيت فيه نجف يبقـى اختار مروحة حائط أو مروحة ستاند.

• لو عامل ديكورات على الحيطة يبقى مروة السقف أو الاستاند هتكون مناسبة أكتر.

الريش

• الريش بتكون معدن أو خشب أو بلاستيك وبيكون فيه ٣ أو ٤ ريشة.

• الريش المعدن بتكون أقوى في التهوية لكن بتحمل على الموتور.

السرعة

• مراوح السقف فيها ٥ سرعات.

• مرواح السقف المتدارية فيها ٣ سرعات.

• مرواح الحائط فيها ٣ سرعات.

• مرواح الاستاند فيها ٣ سرعات.

• لو حابب راحة أكتر، في مراوح مزودة بريموت كونترول لظبط السرعة من أي مكان.

استهلاك الكهرباء

• اختار مروحة بتوفر في الاستهلاك للكهرباء، كل نوع ليه قدرة مستهلكة فاختار المناسب بالنسبة لك.

الشكل وقوة الأداء

• اختار اللون المناسب اللي هيليق مع ديكور البيت أو المكتب.

• اختار مروحة قوية الأداء بموتور قوي ومش بيحتاج تزييت أو تشحيم.

الضمان

• اختار مروحة بتوفرلك فترة ضمان طويلة، وخدمة ما بعد البيع تكون كويسة. عشان لو حصل حاجة في الجهاز تقدر تصلحه بسهولة من غير تكلفة.

تقدر تشوف أنواع وموديلات مختلفة من المرواح من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.