قائمة بأهم مواصفات الشفاط
كتبت: شروق نبيل
شفاطات الهواء من الأجهزة الصغيرة واللي موجودة في كل بيت، وكتير جدًا من الناس بيبتكر أي طريقة يركب بيها شفطا هواء، سواء في المطبخ أو الحمّام. ووجود الشفاط مهم لإنه بينقي وينضف ويزيل أي روايح كريهة من المكان الموجود فيه، ولإنه كتير ينفع يشتغل كمروحة تبرد المكان وتجيب هواء بارد أو جديد في المكان الموجود فيه.
هنتعرف من خلال ياقوطة في المقال ده على أهم أنواع وأشكال الشفاطات، وهنتعرف على أهم الحاجات اللي مهم نخليها في بالنا واحنا بنشتري شفاط جديد. مش كده وبس، من خلال ياقوطة تقدر تشوف وتعرف أحسن الأسعار للشفاطات المختلفة، ولو عجبك موديل منهم وعاوز تشتريه تقدر من خلالان تعرف أحسن الأسعار ليه وكمان تقارن بينهم. وتقدر كمان تطلبه وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أنواع الشفاطات هي الشفاط المنزلي التقليدي وشفاط البوتاجاز البلت إن للمطابخ الحديثة
الشفاطات التقليدية
- الشفاط المنزلي المربع مناسب للحمامات والمطابخ.
- لازم تعرف أبعاد الشفاط اللي هتشتريه عشان تحدد أبعاد المكان اللي هيركب فيه، ويكون مظبوط على قده وما يكونش فيه أي فتحات حواليه ممكن تدخل أي أتربة أو حشرات.
- يفضل تعمل فتحة للشفاط على مكان مفتوح خالص غير المسقط عشان الهواء الفاسد يطلع بره خالص، وما يكونش سبب لأذى الجيران.
- مستوى صوت الشفاط بيتقاس بوحدة اسمها sone، لو الشفاط مستواه ٢ أو قل هيبقى هادي لكن لو المستوى بيوصل ل ٤ هيبقى مزعج.
- لو عايز نوع هادي جدًا مابيعملش أي صوت، اختار شفاط بمستوى 0.3 sones.
- الحمامات والمطابخ الصغيرة بتحاج قوة بتتراوح ما بين ٥٠ و١٠٠ قدم مربع في الدقيقة ولو مساحة مطبخك أو حمامك كبيرة هتحتاج قوة أكبر من كده.
الشفاطات الحديثة (بلت إن)
- شفاط البوتاجاز البيلت إن بيتركب في المطبخ فوق البوتاجاز في المطابخ الحديثة.
- لازم تختار المقاس المناسب لبوتاجازك، فلازم يكون نفس مقاس البوتاجاز بالظبط، أو أكبر منه بـ ١٥ سم من كل النواحي.
- لازم تكون المساحة بين الشفاط والبوتاجاز بتتراوج بين ٤٥-٦٠سم
- مستوى الصوت في النوع ده بيكون عالي شوية بيوصل ل ٤.٥ سون
- شفاط البوتاجاز لازم قوته تكون أعلى بكتير من الشفاط التقليدي واللي بتتراوح ما بين ١٦٠-٣٥٠ قدم مكعب في الدقيقة.
وأخيرًا بنفكرك
- لو حابب شفاط حديث بخواص مميزة، فيه أنواع من الشفاطات فيها سينسور بيحس بوجود الأشخاص في المكان وبيشتغل لما تدخل المكان.
- وفيه أنواع فيها سينسور للرطوبة وبتشتغل لوحدها لما الرطوبة تزيد.
- لو بتنسى كتير وعايز تريح نفسك، في شفاطات مطبخ بتديك القدرة إنك تحدد وقت معين الشفاط يشتغل فيه وبيطفي تلقائي بعد ما الوقت يخلص.
- فيه شفاطات للمطابخ مزودة بخاصية التنبيه لما يكون المكان محتاج تنضيف وكمان فيه شفاطات بتزود سرعة العمل تلقائي مع ارتفاع الحرارة والرطوبة.
- فيه كمان شفاطات للمطابخ مزودة بلمبات للإضاءة.
تقدر تشوف أشكال وأنواع الشفاطات التقليدية من هنا.
تقدر تشوف أنواع شفاطات البوتاجاز من هنا.
وممكن تشوف الدليل الذكي لشراء الشفاطات من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.