كتبت: شذا وليد

جسمنا وصحتنا مهمين وغاليين جدًا علينا، ومع اقتراب نهاية فصل الشتاء وانتهاء فترة الكمون في البيت بسبب السقعة محتاجين نبص لنفسنا وجسمنا ونهتم بصحتنا وحياتنا بشكل أكتر من الأول، ولإن كتير مننا بيروّح بيته تعبان بعد يوم شغل مرهق فبنكسل نروح الجيم.

ولإننا في ياقوطة هدفنا الأول هو راحتكم قررنا النهارده نديكم شوية نصايح مهمة للاهتمام والعناية بصحتكم، وجبنالكم كمان مجموعة مقترحة للأجهزة المنزلية اللي هتساعدكم تاخدوا بالكم من جسمكم وصحتكم تكون أفضل.

ولو عجبتك الأجهزة دي وحبيت تشتريهم ممكن تطلبهم عن طريق موقع ياقوطة بكل سهولة ويسر، وكمان المنتج هيوصلك لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نصائح لحياة صحية أكثر في البيت

• من الحاجات اللي هتساعدك تلتزم بهدفك إنك تبدأه مع عيلتك وتواظبوا عليه كلكم. عشان تفضل تفكّر نفسك بالهدف وتشوف تقدمك فيه كل يوم، اكتبهم في مكان واضح على التلاجة مثلاً على المفكرة دي، بأسعار تبدأ من ٣٠ جنيه مصري.
• حاول تقلل من وجود الأطعمة المُعلبة والمحفوظة زي السوسيس والخضروات والفاكهة المُعلبة والأطعمة اللي بتتحَضَر في الميكروويف والشيبسي وغيرهم. الأطعمة دي بيكون فيها نسب عالية من الصوديوم والسكر والدهون بشكل أكبر من احتياجاتك اليومية.
• حاول ما تاكلش قدام اللاب توب أو التليفزيون عشان لمّا بتاكل وانت مش مركّز أو مَلهي بتبقى عُرضة إنك تستهلك كميات أكبر من الأكل.
• مهم قوي إن يبقى فيه في البيت وجبات خفيفة صحية طول الوقت زي الزبادي والجرانولا، الفواكه والمكسرات (بالذات الكاجو واللوز) زبدة الفول السوداني، الحمص والفواكه المُجففة. بس لازم تخلّي بالك من الكميات اللي بتاكلها من الأكلات دي عشان ممكن تجيب نتيجة عكسية لو كلت منهم أكتر من المفروض. ممكن تطلب كل الأكل الصحي اللي انت عايزه من ناتشرز جيفت و جورميه.
• انت عارف إنك ممكن تحرق سعرات حرارية وانت بتعمل شغل البيت! وفقًا لموقع health.com، استخدام المكنسة الكهربائية لمدة ٦٠ دقيقة بيحرق حوالي ٩٠ سعر حراري، وغسل الأطباق لمدة ٦٠ دقيقة بيحرق حوالي ١٠٠ سعر حراري، وتنظيف الحمام بسقفه وأرضيته نتيجته كإنك عملت ٣٥ دقيقة على الـ treadmill، ولو اتمشيت في البيت وانت بتتكلم في التليفون لمدة ٣٥ دقيقة هتحرق حوالي ٩٠ سعر حراري. ممكن تحَرق سعرات حرارية أكتر كمان لو نظفّت أجهزتك المنزلية. شوف المقال ده، “دليل تنظيف الأجهزة المنزلية” عشان تعرف الطريقة الصحيحة لتنظيف كل جهاز.

ممكن برضه تحسب حرقت كام سعر حراري وانت بتعمل شغل البيت باستخدام عداد المشي، بأسعار تبدأ من ٥٠ جنيه مصري.

أجهزة منزلية لحياة صحية أكثر في البيت

ياقوطة بتقترح عليك تشتري واحد أو أكتر من الأجهزة دي لحياة صحية أكثر في البيت.

1. العصارة

سيبك من المشروبات الغازية والعصائر المُعلبة لأن بيكون فيهم كميات مهولة من السكر والسعرات الحرارية. خليك في العصائر الطازة الفريش. فيه نوعين من العصارات؛ أول نوع هو عصّارة الطرد المركزي centrifugal، اللي هي بتمتص العصير عن طريق إنها تفضل تلِف الفاكهة بعدين البذر بيكون في مكان لوحده والعصير بيكون منفصل عنه وجاهز للشرب. النوع التاني هو العصّارة مستخلصة العصائر masticating، اللي هي بتعصر وتسحق الفاكهة من خلال أنبوب عامودي. النوع الأول سعره أقل وأسهل في الاستخدام ووزنها خفيف وأدائها سريع. مش بتعرف تسحق الخضروات الورقية زي العصارة مستخلصة العصائر وبتعمل صوت عالي أثناء التشغيل. في العموم، العصارة مستخلصة العصائر أكتر فعالية ومناسبة للناس اللي بتحب تعمل عصائر كتير ومش بتعمل صوت أثناء التشغيل، بس أدائها مش سريع زي عصّارة الطرد المركزي.

ممكن تشوف عصارة الطرد المركزي من هنا، بأسعار تبدأ من ١٩٩ جنيه مصري.

لو بتفضّل عصائر الحمضيات (الليمون والبرتقال وغيره) بس، تقدر تشوف عصّارة حمضيات من هنا، بأسعار تبدأ من ١٥٩ جنيه مصري.

2. حلة الطهي بالبخار

الطهي بالبخار بيحفظ شكل ولون الأكل وبيحافظ على العناصر الغذائية اللي فيه وبيوفر كهرباء أثناء الطبخ ومش بيحتاج أي زيت، عشان كده يُعتَبَر طريقة صحية للطبخ. حلة الطهي بالبخار هتخليك تطبخ خضروات وفراخ ولحوم وأسماك. لما تيجي تشتري حلة الطهي بالبخار، ما تجيبش اللي الوعاء بتاعها مصنوع من البلاستيك عشان ممكن تطلق مواد سامة وتحتفظ بالبكتيريا لما تتعرض لدرجات حرارة عالية وده مش كويس طبعًا لصحتك وصحة عيلتك. اختار الاستانلس استيل أحسن. فكّر برضه في استهلاك الكهرباء مقارنةً بوقت الطبخ، عشان الطبخ بالبخار بيطوّل وقت الطهي لكن بيستهلك كهرباء أقل. لو عايز عملية الطبخ تبقى أسرع، اختار حلة بتستهلك كهرباء أكتر (بس خلّي بالك من الفاتورة). حاجة تانية تفكّر فيها هي حجم الحلة وده هيعتمد على عدد أفراد عيلتك ومعدل استخدامك للحلة.

تقدر تشوف حلل طهي بالبخار من هنا، بأسعار تبدأ من ١٠٨٩ جنيه مصري.

لو عايز حلة طهي بالبخار للأرز بالذات، ممكن تشوف المقالة دي، “كل ما تريد معرفته عن طباخ الأرز من كينوود” عشان تعرف مزاياه وعيوبه. ممكن تشوف موديلات مختلفة من حلة طهي الأرز من هنا، بأسعار تبدأ من ٢٩٩ جنيه مصري.

3. قاطعة الخضروات

قاطعة الخضروات هتساعدك تعمل سلطة أو طاجن بسرعة وسهولة. أغلب أنواع القاطعات ممكن تقطع كل الخضروات، من ضمنهم الخضروات الناشفة شوية زي البصل والبطاطس. في أنواع كمان ممكن تقطّع فواكه وجبن ولحوم. بس مش هتنفعك لو عايز تقطّع بأشكال معينة. نوع مختلف من قاطعة الخضروات هي القاطعة اللولبية spiral slicer واللي بتستخدم لتقطيع الطعام لشرائح. بس هيبقى استخدامها صعب مع الجزر مثلاً. لو عايز أداة تقدر تعمل وظائف أكتر، ممكن تجيب قاطعة حجمها أكبر، اللي هي ممكن تقطع وتُبشر بأشكال مختلفة عشان بييجي معاها قاطعات مختلفة. اختيار القاطعة المناسبة يعتمد على ميزانيتك واحتياجاتك. بغض النظر عن القاطعة اللي هتشتريها، خلّي بالك من الشفرات عشان بتبقى حادة جدًا.

ممكن تشوف قاطعات خضروات من هنا، بأسعار تبدأ من ٣٩ جنيه مصري.

ممكن تشوف قاطعات لولبية من هنا، بأسعار تبدأ من ١٤٨ جنيه مصري.

ممكن برضه تشوف النايسر دايسر nicer dicer اللي بتقطع الأكل بأشكال وأحجام مختلفة، بأسعار تبدأ من ١٠٠ جنيه مصري.

4. المقلاة الهوائية أو القلاية بدون زيت

القلاية بدون زيت عملت طفرة في طريقة أكلنا للأكل المقلي. زي ما كلنا أكيد عارفين، الأكل المقلي فيه نسبة دهون أعلى وبيزود معدل الإصابة بالسمنة والكوليسترول. لكن القلاية بدون زيت خلتنا نعرف نستمتع بطعم وقرمشة الأكل المقلي من غير الأضرار الصحية. القلاية دي بتستهلك من ٧٠ إلى ٨٠٪ نسبة زيت أقل من طريقة القلي العادية. مش بتعمل أي فوضى أو توقّع زيت مثلاً. القلاية كمان أسهل في التنظيف. ممكن تستخدم القلاية في مهام كتير زي القلي والخبز والشوي لو عرفت تظبط درجة الحرارة ووقت الطهي بس ده بيختلف حَسَب الموديل برضه. في أغلب الأوقات، القلاية بدون زيت مش بتطبخ كميات كبيرة والأكل بياخد وقت عشان يستوي. وانت بتستخدم القلاية بدون زيت، ما تحطش فيها كميات كبيرة مرة واحدة عشان الأكل يستوي كويس ولازم تقلّب الأكل كل ١٠ دقائق عشان يستوي بشكل متساوي.

ملحوظة: حُط طبقة خفيفة من الزيت على الأكل عشان ما يلزقش.

تقدر تشوف تشكيلة متنوعة من القلايات بدون زيت من هنا، بأسعار تبدأ من ٢٠٨٥ جنيه مصري.

عشان تعرف أكثر عن القلايات بدون زيت، تقدر تشوف المقالة دي.

5. ماكينة صُنع الزبادي

يعتبر الزبادي واحد من أكثر الوجبات الخفيفة الصحية. الزبادي يحتوي على بكتيريا صحية اسمها بروبيوتيك probiotics واللي جسمك بيحتاجها. بيساعد برضه في الهضم وبيحتوي على نسبة معقولة من الكالسيوم وبيساعد في منع هشاشة العظام. إيه رأيك لو عملت الزبادي في البيت؟ الزبادي البيتي سعره أقل من اللي بتجيبه من السوبر ماركت وكمان مش بيكون فيه المواد الحافظة زي الزبادي المُعلّب.

المقادير والطريقة

كل اللي هتحتاجه هو لبن وزبادي طازة. الكمية هتعتمد على عدد الأفراد اللي هياكلوا. لو استخدمت زبادي كامل الدسم هيخلّي الزبادي البيتي أسمك. أول حاجة تسخّن اللبن في حلة، بعدين قبل ما يغلي شيل الحلة من على النار وخليها تبرَد لحد ما توصل لحوالي ٤٣ درجة مئوية. في وعاء منفصل، قم بخلط الزبادي و ١,٥-٢ كوب بس من اللبن الدافئ وقلبه لحد ما يبقى سلس وبعدين صُب الخليط في حلة اللبن واخلطهم كويس. حُط الخليط الجديد ده في أكواب ماكينة صنع الزبادي. ممكن تظبُط درجة الحرارة والوقت على حَسَب عايز الزبادي يكون سميك قد إيه. عشان يبقى طعمه حلو، ممكن تحُط عليه جرانولا أو فراولة أو توت.

ممكن تشوف موديلات مختلفة من ماكينة صنع الزبادي هنا، بأسعار تبدأ من ٢٧٩ جنيه مصري.

6. الشوّاية

الشوي يعتبر من أكثر الطرق الصحية للطهي. الشوي بيخلّي الأكل يتخلص من الدهون الزيادة فالأكل هيبقى أخف وأكتر صحة وكمان بيفضل مُحتفظ بعناصره الغذائية. يُنصَح إنك تجيب شواية إليكترونية أو بالغاز مش بالفحم لأنهم أسهل في التنظيف والأكل بيستوي بسرعة. الشوي على الفحم ممكن يخلّي الأكل يبقى فيه مواد معينة مرتبطة بأضرار صحية، لكنها بتدي طعم للأكل حلو جدًا غير أي نوع شواية تانية. وانت بتشتري شواية، فكّر في الحجم اللي انت عايزه على حَسَب هتستخدمها قد إيه ومقدار الأكل اللي هتعمله بيها. الاستانلس استيل أحسن حاجة ممكن تجيبها. حاول تشتري شواية بمُنظم الحرارة عشان تقدر تتابع طهي الأكل من غير ما تضطر تفتح وتقفل كل شوية في الشواية.

ممكن تشوف أنواع مختلفة من الشوايات هنا، بأسعار تبدأ من ٥٧٩ جنيه مصري. هتحتاج بعض الأدوات مع الشواية زي ملقط الطبخ و  قفازات الطبخ.

ممكن تقرأ أكتر عن مزايا وعيوب شواية كينوود من هنا.

7. عِلَب الطعام

عِلَب الطعام بتنفع في حاجات كتيرة قوي. ممكن تستخدمهم لحفظ الأكل المطهي أو بواقي أكل اليوم اللي قبله عشان تاكله بعدين أو تاخد أكلك معاك الشغل أو تحُط فيهم الفطار لأطفالك وهم رايحين المدرسة. بيوفروا عليك فلوس تقدر تاكل الأكل المتبقي ومش لازم تطبخ تاني من أول وجديد وهتخلّي الأكل طازج. هتلاقي منهم أشكال وأحجام مختلفة حَسَب احتياجك.

وانت بتختار عِلَب الطعام، أحسن حاجة تختارها هي الزجاج عشان مش بيتفاعل مع الأكل وسهل التنظيف وتقدر تحُطه في غسالة الأطباق والميكروويف. بس العِلَب الزجاجية بتبقى أغلى ومش هيبقوا مناسبين للناس المشغولة اللي بتتحرك كتير عشان وزنهم تقيل شوية، ده غير إنها بتتكسر بسهولة طبعًا. لو هتشتري عِلَب طعام بلاستيك، اختار اللي عليهم أرقام ١، ٢، ٤، أو ٥ عشان دول يُعتبروا أأمن حاجة. أنواع البلاستيك اللي بتحتوي على مادة ال BPA أو الفثالات phthalates بتسبب اختلال في الهرمونات واللي ليها تأثير سلبي على وظائف الجسم. لو العِلَب البلاستيك اتخدشت بلاش تستخدمها. وما تحطهاش في الميكروويف إلا لو مكتوب عليها غير كده. اتأكد إن أغطية العِلَب مش بتسرب ومُحكمة الغلق، ده برضه هيساعد على حفظ طَعم الأكل. اتأكد إن العِلَب ممكن تتحط في الفريزر.

تقدر تشوف علب طعام بلاستيك من هنا، بأسعار تبدأ من ٩٩ جنيه مصري.

تقدر تشوف علب طعام زجاجية من هنا، بأسعار تبدأ من ٨٢ جنيه مصري.

8. صانع الفشار

الفشار هو واحد من الوجبات الخفيفة الصحية. ممكن تديه لأولادك بدل الشيبسي والشوكولاتة، لأن دول بيبقوا مليانين سكريات وسعرات حرارية ملهاش لازمة. الفشار بيملى معدتك ويحسسك بالشبع، ده غير إنه مليان ألياف وحبوب كاملة مفيدة لجسمك.  حاول تبعد عن الفشار اللي بيتحضر في الميكروويف عشان بيبقى فيه مواد حافظة وزيوت غير صحية. الفشار اللي بيبقى بالكراميل أو الشوكولاتة أو الجبن بيحتوي على سعرات حرارية كتير. خليك في الفشار المملح وممكن تحُط عليه شوية زبدة صغيرة عشان تديله طعم.

لما تيجي تشتري ماكينة صنع الفشار، فكّر في حجمها ووقت تحضير الفشار وكمية الحبات اللي ما بتفرقعش (لأن ده بيحصل على طول) وكمية الفشار اللي بتحضرّها وطريقة تحضيره (زيت أو هواء ساخن). الهواء الساخن بيخلّي كل الحبات تفرقع عشان الهواء بيتوزع بالتساوي. لو هتشتري واحدة بالزيت، تأكد إن فيها عصا للتقليب عشان يستوي صح. الماكينات اللي بالهواء الساخن سهلة في التنظيف، بس مش بتخلّي الفشار طعمه حلو زي اللي بالزيت. بس انت ممكن تحُط عليه أي إضافات عشان تديه طعم حلو في الآخر، وده بيخليك مُتحكم أكثر في كمية السعرات الحرارية.

تقدر تشوف ماكينة صنع الفشار من هنا، بأسعار تبدأ من ٥٥ جنيه مصري. 

9. ميكسر السلاطات Salad Mixer

أول ما بنسمع كلمة أكل صحي، أول حاجة بتيجي في بالنا هي السلطة. السلطة مليانة عناصر غذائية كثيرة بيحتاجها جسمك كل يوم زي الألياف ومضادات الأكسدة والبيتا كاروتين وفيتامين سي وغيرهم كتير. لما تاكل طبق سلطة قبل الأكل ده هيخلَيك تشبع وتاكل أقل وبالتالي تخسر بعض الوزن.

السالاد سبينر أداة ممتازة عشان تسهَل عليك عَمَل السلطة في البيت. بَدَل ما تغسل كل خضار لوحده، هتحُط كل مكونات السلطة اللي انت عايزها في السالاد سبينر مع المياه وهم هيتغسلوا كلهم مرة واحدة، وحركة الدروان بتساعد في تنشيفهم بسرعة كمان. ده بيخلّي عملية تحضير السلطة أسهل بكتير. لما تيجي تشتري سالاد سبينر، فكّر في حجمها على حَسَب قد إيه هتعمل سلطة في العموم بالإضافة إلى عدد أفراد أسرتك. مهم إنك تتأكد إن الوعاء الداخلي سهل في الدوران وسهل التنظيف.

ملحوظة: ميكسر السلاطات بتاخد مكان في المطبخ فلازم تتأكد إن عندك مكان ليها.

ممكن تشوف ميكسر السلاطات هنا، بأسعار تبدأ من ٨٨ جنيه مصري.

10. الأجهزة الرياضية

ساعات خلال يومنا المزدحم، بنلاقي إن صعب ننزل نلعب رياضة، لكن مش وانت عندك الأجهزة الرياضية جاهزة في البيت. كده ملكش حجة إنك تكسّل. مش هتحتاج تضيّع وقت في الزحمة من وإلى الجيم. وبالنسبة للأمهات اللي عندهم مسئوليات كتير، ممكن تلعبي رياضة في البيت من غير ما تشيلي هَمّ تسيبي أولادك فين لو نازلة الجيم.

وانت بتشتري جهاز رياضي في البيت، حدد ميزانيتك ونوع التمرين اللي هتبقى عايز تعمله، لأن الأجهزة دي بتبقى غالية (بس تستاهل). فَضّي مكان للجهاز الرياضي من قبلها عشان تعرف تحدد حجم الجهاز اللي هتجيبه. الناس اللي عندها أي إصابة أو مشكلة جسدية، لازم تشوف مع الطبيب الخاص بيك الأول قبل ما تجرّب أي جهاز رياضي تفاديًا لأي مشكلة صحية. الجهاز الرياضي لازم يكون في مكان جيد التهوية ويُستَحسَن يكون بعيد عن الأطفال لتفادي أي إصابات.

عشان تعرف أكتر عن الأجهزة الرياضية اللي ممكن تستخدمها في البيت، ممكن تقرأ المقال ده.

ممكن تشوف أنواع مختلفة من الأجهزة الرياضية من هنا، بأسعار تبدأ من ١٠٠ جنيه مصري.

شاركنا وقول لنا إزاي بتخلَي بيتك مكان صحي أكتر؟

*قد تنفد بعض المنتجات من المتاجر في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج، من فضلك أبلغنا في تعليق أو من خلال صفحة Yaoota.com على فيسبوك.