كتبت: شذا وليد

مع ارتفاع نسبة التلوث في الهواء اللي بنتنفسه كل يوم، بنلاقي نفسنا بندوّر على الهواء النقي في بيوتنا. لكن هيبقى غلط لو افترضنا إن الهواء اللي بنتنفسه في بيتنا على طول نقي. في الواقع، التلوث في الأماكن المغلقة ممكن يبقى بسبب المواد الكيماوية في المُنظفات ودهان الحائط ومواد البناء والتراب وغيرهم كتير. الكيماويات والملوثات دي بتبقى موجودة في الهواء وعلى الملابس والأثاث، ده غير إن المشكلة بتزيد مع سوء التهوية وعدم التنظيف. من أكثر الطرق فعالية لمحاربة التلوث في الأماكن المغلقة هو شراء مُنقي الهواء. في المقال ده، ياقوطة هتديك فكرة عن منقيات الهواء وأنواعها المختلفة ومزايا وعيوب كل نوع.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

إيه هو منقي الهواء؟

منقي الهواء هو جهاز بيزيل الملوثات من الهواء. بيبقى مفيد جدًا بالذات للناس اللي عندها حساسية عشان بيخلّي الهواء ملائم أكتر لتنفس صحي. منقي الهواء أساسي للناس المدخنة واللي عندها حيوانات أليفة أو أطفال عشان بيزيل الدخان ووبر الحيوانات من الهواء.

أنواع مُنقيات الهواء

قبل ما تشتري منقي هواء، مهم قوي تبقى عارف أنواعه المختلفة والفوارق بينهم عشان تقدر تشتري أنسب حاجة لاحتياجاتك وميزانيتك. وهنا ييجي دور ياقوطة اللي بتقدملك دليل مفصّل عن منقيات الهواء.

1. جهاز الأيونات السالبة Negative Ionizer

جهاز الأيونات السالبة بيقوم بشحن الملوثات في الهواء بشحنة سالبة. عشان الأضداد تتجاذَب، الملوثات اللي مشحونة بشحنة سالبة بتلتصق بالأسطح ذات الشحنة الموجبة زي الأرضيات والأثاث. أي حد عنده النوع ده من منقي الهواء لازم ينضف بيته كويس بشكل دوري عشان يزيل الملوثات من البيت. في موديلات بيبقى فيها مكان لتخزين الملوثات المشحونة عشان تبقى أسهل في التنضيف بَدَل ما تبقى منتشرة في الغرفة.

المميزات

• يزيل الملوثات الدقيقة.
• ما بيعملش صوت مزعج وهو شغال.
• سعره معقول.
• سهل التنظيف.
• يزيل الدخان (وده مفيد للناس اللي بتدخن في البيت).

العيوب

• بعض الموديلات بتُصدر غاز الأوزون أثناء التشغيل وده بيبقى ضار للرئتين.
• محتاج تنظّف الغرفة بشكل منتظم عشان تزيل الجزيئات المشحونة الموجودة على الأثاث والأرضيات.
• لا يزيل حبوب اللقاح والتراب.

تقدر تشوف أجهزة الأيونات السالبة من هنا، بأسعار تبدأ من 540 جنيه مصري.

2.فلتر HEPA الهوائي

يعتبر فلتر HEPA الهوائي واللي معناه High Efficiency Particulate Air وهو أكثر نوع شائع لمنقيات الهواء. النوع ده يقدر يحبس حتى 99.97% من الملوثات. النوع ده من الفلاتر بيحبس الملوثات في شبكة دقيقة.

المميزات

• الملوثات بتفضل في الجهاز نفسه ومش بتطلع بره.
• بيقدر يزيل التراب وحبوب اللقاح والفطريات وأنواع تانية من الملوثات.
• بيحبس وبر الحيوانات الأليفة والشعر.

العيوب

• مش فعال قوي في إزالة الروائح.
• تغيير الفلتر كل فترة بيبقى مُكلّف شوية.

تقدر تشوف فلتر HEPA من هنا، بأسعار تبدأ من 5,207 جنيه مصري.

3. منقي هواء بتقنية الكربون المنشط Activated Carbon Technology

النوع ده من المنقيات بيستخدم لامتصاص الروائح. الجهاز بيزيل الدخان والأبخرة ويحفظهم جوه الجهاز. بيقدر يزيل الروائح والمواد الكيماوية من المنظفات والفورمالديهايد (نوع من الغازات) وأي ملوثات متطايرة. ده بيخلّي الهواء نقي أكتر، بالذات للناس اللي بتعاني من الربو أو عندهم مشاكل في الجهاز التنفسي.

المميزات

• أكثر نوع فعال في إزالة الروائح.
• مش بيطلّع الملوثات في الهواء.

العيوب

• مش فعال في إزالة التراب وحبوب اللقاح أو أي ملوثات مشابهة.
• الفلتر محتاج يتغير كل شوية.
• مش بيزيل كل أنواع البكتيريا والفيروسات.

تقدر تشوف منقي هواء بتقنية الكربون المنشط من هنا، بأسعار تبدأ من 140 جنيه مصري.

4. منقي هواء يعمل بالأشعة فوق البنفسجية Ultraviolet Air Purifier

النوع ده من المنقيات بيصدر أشعة ضوء فوق البنفسجية للقضاء على الملوثات في الهواء. بيعمل كده عن طريق تفتيت الجزيئات الميكروبية اللي موجودة في الهواء. في موديلات بتصدر غاز الأوزون أثناء التشغيل. اتأكد إن النوع اللي هتجيبه مش بيصدر أوزون عشان الغاز ده ضار لو موجود في الهواء بنسب كبيرة.

المميزات

• فعال في إزالة الفطريات والبكتيريا.
• بيمنع المرض بشكل كبير عشان بيزيل الفيروسات وبعض أنواع البكتيريا.

العيوب

• لا يزيل التراب والمواد المسببة للحساسية.
• لا يزيل الروائح والدخان.
• لازم يُستخدم مع أنواع أخري من منقيات الهواء للحصول على أفضل نتائج.
• اللمبات الخاصة بأشعة الضوء فوق البنفسجية لازم تتغير كل فترة عشان بتفقد فعاليتها مع الوقت.

5. منقي الهواء الإليكتروني

النوع ده مشابه لجهاز الأيونات السالبة لأن الاتنين بيقوموا بشحن الملوثات في الهواء. بس منقي الهواء الإليكتروني بيمتص الملوثات الأول بعدين يشحنها من خلال فلاتر معينة. الملوثات المشحونة بتدخل جوه الجهاز ويمتصها شيء يشبه الطبق مشحون بشحنة مضادة للملوثات. الملوثات بتفضل جوه الجهاز لكن مع جهاز الأيونات السالبة الملوثات بتنتشر في الغرفة تاني.

المميزات

• يزيل الملوثات الدقيقة.
• الفلاتر بتتغير كل 12-6 شهر فمش متعبة ولا بتاخد وقت كبير.

العيوب

• لا يزيل الروائح.

نصائح عامة قبل شراء منقي هواء

• حدد نوع الملوثات اللي عادةً بتبقى موجودة في بيتك. حط في اعتبارك الأفراد اللي عندهم ربو وحيوانك الأليف لو عندك. ده هيساعدك تعرف نوع منقي الهواء المناسب لاحتياجاتك.
• حدد حجم الغرفة اللي هتحط فيها منقي الهواء.
• أتأكد إن منقي الهواء مش هيعمل صوت أثناء التشغيل بالذات لو هتحطه في غرفة النوم عشان هتحتاج هدوء.
• لو ناوي تحرّك منقي الهواء من غرفة لغرفة عشان تقوم بتنقية الغرفة اللي بتقعد فيها بس، اتأكد إن ليه يد أو عجلات تقدر تحركه منها بسهولة.
• لازم منقي الهواء يكون ليه ضمان معقول، لأنه يعتبر استثمار طويل المدي.

تقدر تشتري منقي الهواء المناسب لاحتياجاتك من على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك أبلغنا في تعليق أو من خلال صفحة ياقوطة على فيسبوك.