كتبت: نيدهي زالافاديا شاه ويارا الحميلي

تعرف إن المياه ممكن تمنع وتعالج لغاية ١٦ مرض من ضمنهم التهاب المفاصل والإمساك وارتفاع ضغط الدم وحتى اضطرابات النوم؟ وطبعًا كل ما المياه كانت أنقى، كل ما التأثير كان أعمق.

لما بنفكر في المياه النقية اليومين دول، أهم الخيارات اللي بتيجي في بالنا موزّعات المياه. هي مش بتُعتبر مجرد آلة لتوصيل المياه، الموزّعات هي أجهزة لتنقية، تبريد وتدفئة المياه.

لإننا عارفين أهمية المياه النقية لصحتك وأطفالك، جهّزنا لك مراجعة كاملة لأنواع ومزايا وعيوب موزّعات الماء وإيه الحاجات اللي لازم تحطها في اعتبارك لما تشتري واحد منهم وكمان قائمة بأهم الموزّعات في السوق المصرية. ولو عجبك موديل منهم تقدر تعرف أحسن الأسعار ليه وتطلبه كمان عن طريق ياقوطة وهيكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

موزعات المياه ليها أنواع كتيرة وكل واحد فيهم ليه مميزات مختلفة. انت محتاج تختار اللي بيناسب احتياجاتك وقبل ده لازم تبقى حاطط في اعتبارك إن مش كل موزعات المياه مبردات مياه. دلوقتي ممكن نبدأ.

١- موزّع المياه تحميل علوي

النوع ده أكتر نوع شائع ومتاح على نطاق واسع والمفضل من موزعات المياه. في النوع ده قزازة المياه بتتحط مقلوبة فوق موزع المياه. معظم موزعات المياه مصممة عشان توزع المياه الباردة، والسخنة، والمياه اللي بدرجة حرارة الغرفة، ودي الأنسب للأماكن شبه الاستوائية زي مصر.

المميزات

• مياه الشرب بتكون جوه القزازة، وبالتالي، فرص تلوث المياه لا تذكر. وغير كده ممكن تختار نوع المياه (يعني مثلًا: مياه شرب، أو مياه ينابيع، أو مياه معدنية، أو مياه مقطرة، أو نوع تاني).
• الخيار الأمثل للإنشاءات اللي فيها خط إمدادات المياه بعيد جدًا أو مش متوفر أصلًا.
• محمول وسهل إنه يتشال، عشان كده ممكن ننقله بسهولة أي مكان محتاجين نشرب مياه نضيفة فيه.
• عملية تركيب القزازة فيه سهلة جدًا.

العيوب

• عملية شيل القزازة التقيلة عشان تحل محل القزازة الفاضية كل مرة عملية متعبة.
• فيه فرصة إن المياه تتسرب واحنا بنغير القزازة، عشان احنا دايمًا بنقلبها واحنا بنركبها
• لازم دايمًا تحتفظ بمخزون من المياه المعدنية عشان تبدل القزازة أول ما تخلص، وده هيستهلك مساحة زيادة في الأوضة ولازم تفضل دايمًا فاكر إنك تجيب قزايز بدل اللي فضيت.
• عشان تستفيد من خيار التدفئة والتبريد، لازم توصل الموزع بالكهرباء، عشان كده لازم تتأكد إن الموزع محطوط جنب الفيشة.

٢- موزّع المياه تحميل سفلي

النوع ده شعبيته زادت جدًا اليومين دول. لو عندك النوع ده كل اللي عليك تعمله إنك تحط قزازة المياه في الدرج اللي تحت في موزع المياه. المياه بتتشفط للخزان عن طريق مضخة وبتتوزع عن طريق الحنفية. وزي الموزعات اللي بتتحمل من فوق الموزع ده برضه مصمم عشان يوزع المياه السخنة، الساقعة والمياه في درجة حرارة الأوضة.

المميزات

بصرف النظر عن كل الإيجابيات المذكورة للموزعات اللي بتتحمل من فوق، الموزعات اللي بتتحمل من تحت ليها مزايا إضافية.

• بما إن التحميل بيكون تحت، انت مش محتاج تستحمل مجهود إنك تشيل القزازة. وكمان مفيش فرصة للتسريب وقت تغيير القزازة.

العيوب

• زي الموديلات اللي بتتحمل من فوق، لازم دايمًا تحتفظ بمخزون من المياه المعدنية عشان تبدل القزازة أول ما تخلص، وده هيستهلك مساحة زيادة في الأوضة ولازم تفضل دايمًا فاكر إنك تجيب قزايز بدل اللي فضيت.
• عشان تستفيد من خيار التدفئة والتبريد، لازم توّصل الموزع بالكهرباء، عشان كده لازم تتأكد إن الموزع محطوط جنب الفيشة.

٣- موزّعات المياه بدون زجاجة/نقطة الاستخدام

النوع ده من الموزعات بيستخدم المياه من خطوط المياه مباشرةً، وبعدين بينقيها بتكنولوجيا الفلترة/التنقية، وأخيرًا بيوزعها كمياه شرب نقية. الأنواع دي مكلفة أكتر من النوع اللي بيتحمل في قزايز.

المميزات

• مزودة بتكنولوجيات مختلفة لتنقية المياه وفلترتها، وبالتالي بيضمن إن المياه دايمًا تفضل نضيفة ونقية.
• على الرغم من إن الموزع ده أغلى نوع، ولكن بيوفر فلوس على المدى البعيد، عشان القسم الأكبر من الفلوس بيتدفع في الأول لتوصيل خطوط السباكة، بالذات إن النوع ده مش بيتطلب تغيير القزايز بشكل مستمر.
• فيهم خيار المياه الساقعة، والسخنة، واللي بدرجة حرارة الأوضة.

العيوب

• الموزع ده معمول للأماكن اللي فيها المياه قريبة من المكان اللي هيتركب فيه موزع المياه.
• بما إن النوع ده بيستخدم المياه مباشرة من ماسورة المياه، لازم المكان يكون فيه مصدر للمياه متجدد.
• على الرغم من إن الموضوع ده صعب إنه يحصل، في فرصة إن يحصل تلوث في مواسير المياه.
• الموضوع ده بيتطلب وصلة كهربائية للتبريد والتدفئة.
• النوع ده بيحتاج يبقى متوصل بالكهرباء.

٤- موزّع المياه الحائطي

زي ما الاسم بيوحي، وحدات توزيع المياه في النوع ده بيتم تركيبها على الحيطة ومش على الأرض. ممكن نسميه النموذج المصغر لموزعات المياه بنظام نقطة الاستخدام. الموزعات دي مرتبطة مباشرة بمواسير المياه، بيتم توفير المياه مباشرةً في الموزع وتصفيتها وبعدين بتنزل.

المميزات

• بما إن الوحدة بتتعلق على الحيطة، فهي مابتشغلش أي مساحة على الأرض.
• مش محتاج تشيل همّ إنك تغير المياه اللي في الخزان كل شوية، عشان الموزع متوصل بخطوط الإمدادات مباشرة.
• بيوفر الفلوس اللي ممكن تتصرف على القزايز.

العيوب

• بما إن المياه بتيجي مباشرةً من خطوط السباكة، فيه فرصة وإن كانت نادرة لحدوث تلوث.
• النوع ده مثالي للأماكن اللي فيها خطوط سباكة، وتقدر بسهولة فيها تركب الوحدة بيها. والمشكلة برضه إن فيه حاجة لمصدر متجدد للمياه.

٥- الموزّع اللي بيتحط فوق الرف

مع إن النوع ده شعبيته أقل، فهو مثالي جدًا للأماكن الضيقة اللي مفيهاش مكان على الأرض أو على الحيطة. الموديل ده بيتحط على الرف. وفيه منه نوعين: أول نوع بيحتاج إننا نركب القزايز الصغيرة فوق الوحدة، والنوع التاني متصل مباشرةَ بخط المياه اللي بيتم خلاله تصفية المياه وفلترتها.

المميزات

• حجمه صغير قوي، وبالتالي بيحتل مساحة أقل بكتير ومظهره أنيق جدًا.
• معظم الماركات بيبقى فيهم تقنية مدمجة لتنقية المياه.
• فيه خاصية المياه الساخنة، والباردة والمياه بدرجة حرارة الأوضة.
• اللي فيه خاصية تحميل القزازة مثالي جدًا للاستخدام في الهواء الطلق، زي الفسح العائلية الصغيرة.

العيوب

• الموزعات دي مناسبة جدًا للأسر الصغيرة عشان الخزانات بتاعتها حجمها صغير.
• على الرغم من إن حجمها صغير، فهي بتحتاج اتصال كهربائي عشان تشغل وظائف التدفئة والتبريد.

دلوقتي بعد ما اتعرفنا على أنواع موزعات المياه المختلفة، خلينا نشوف النقط اللي لازم نحطها في اعتبارنا واحنا بنشتري موزع مياه.

• المساحة المتوفرة

من أهم الحاجات اللي لازم نراعيها توافر مساحة عشان نحط الجهاز فيها. لو فيه مساحة كافية على الأرض ممكن نختار الموزعات اللي بتتحمل من فوق/تحت أو موزعات نقطة الاستخدام. ولو مفيش مساحة كفاية على الأرض ممكن تشتري الموزع الحائطي أو الموزعات اللي بتتحط على الرف.

• درجة حرارة المياه

حاجة مهمة جدَا إننا نحدد إيه الغرض من شراء الموزع. لو انت متعود تشرب مياه في درجة حرارة الأوضة، الموزعات الطبيعية اللي مفيهاش أي خواص تبريد أو تدفئة هتبقى مناسبة ليك، لكن لو بتحب تسخن وتسقع المياه فده له تمنه. مثلا هتحتاج تضمن إن فيه كهرباء متوصلة للمكان اللي الموزع محطوط فيه.

• خط المياه المباشر ولا القزايز

لو كنت بتخطط إنك تركب موزع المياه في مكان فيه إمداد مباشر ومصدر مياه متجددة، يبقى الأحسن إنك تشتري النوع اللي مش بيستخدم قزايز. لو مش كده، الأحسن تختار النوع اللي بيستخدم القزايز.

• فيه خاصية التصفية/التنقية ولا لأ

موديلات موزعات المياه بتاعة اليومين دول بيبقى مدمج فيها فلتر لتنقية وتصفية المياه. فيه أنواع كتيرة للتكنولوجيا المستخدمة في الموزعات زي مثلًا: التناضح العكسي، فلاتر مياه الكربون وغيرها. لازم تختار التكنولوجيا المناسبة بناءً على الاحتياجات بتاعتك.

• التكلفة

دي نقطة مهمة جدًا. المفروض إنك تقرر ميزانيتك الأول وبعدين تشوف الموديلات المختلفة المتاحة. وده هيساعدك تقلل الخيارات وتختار من الباقي في حدود الميزانية اللي انت مخصصها للشراء.

• قابلية النقل

لازم نحط في اعتبارنا الحجم وقابلية النقل بالذات لو هنستخدم الموزع في كذا حاجة (زي مثلًا: الاستخدام في البيت والفسح وغيره). لو كنت عارف إنك هتحتاج تنقل موزع المياه كتير، يبقى هات موزع يكون صغير في الحجم وخفيف.

• حجم الخزان

بالنسبة للموزعات اللي بتيجي مع خزان، لازم ناخد في اعتبارنا حجم الخزان، عشان الحجم لازم يكون متناسب مع عدد الناس اللي بيستخدموا الخزان.

• استهلاك الطاقة

على الرغم من إنها تفصيلة بسيطة، لكن مهم جدًا إننا نركز في تفاصيل استهلاك الطاقة، لو مش عايز ينتهي بيك المطاف لإنك تدفع فواتير كهرباء عالية نتيجة لاستخدامك خاصية التبريد/التسخين.

• مخرج الموزع/الحنفية

يستحسن إنك تختار موديل يكون فيه درج تحت الحنفية عشان تتجنب أي فوضى ممكن تحصل حوالين الموزع بسبب تسرب المياه. برضه لازم يكون في مسافة كافية ما بين حنفية الموزع وصينية التنقيط عشان تسمح إنك تملى الكوبايات أو القزايز. بالإضافة لده، لازم يكون شكل الحنفية بيسمح بإن المياه تنتقل بشكل سلس من الموزع للقزازة/ الكوباية.

• مرفق قفل الأطفال

لو كان في أطفال صغيرين، يبقى لازم يكون اختيار الموزع يكون بيسمح بتجنب إن حاجة تتدلق أو المياه تتهدر. خاصية قفل الأطفال هتحمي طفلك من الإصابة بسبب المياه السخنة أو الساقعة زيادة عن اللزوم.

• الصيانة

دايمًا اختار الموديلات اللي صيانتها سهلة وتنضيفها سهل، عشان تسهل عليك الحياة.

هنعرض عليك بعض النماذج من موزعات المياه اللي شعبيتها عالية في مصر

موزع مياه Bergen WD 410 LA (موزع علوي)

المواصفات

• المياه الساخنة والباردة مع قفل السلامة في الحنفية الساخنة للحماية.
• طريقة التبريد: ضاغط التبريد.
• قوة التدفئة: ٥٠٠ وات.
• قوة التبريد: ٨٥-١٠٠ وات.
• سعة التدفئة: ≥٩٠، ٥ لتر/ساعة.
• سعة التبريد: ≤١٠، ٢ لتر/ساعة.
• الدائرة الكهربائية مع الصمامات.
• ١٠٠٪ خزانات الفولاذ المقاوم للصدأ.
• فريون R- 134 A.
• كابينة تخزين: لا يوجد.

المميزات

• منفذ المياه السخنة فيه قفل أمان، وده بيمنع أي حادثة ممكن تحصل بسبب المياه السخنة.

العيوب

• التصميم بتاعه اللي بيتضمن إن القزازة بتتركب من فوق بيخلي المياه تتدلق ساعات وعملية رفع القزايز التقيلة بتبقى مرهقة جدًا.

شوف موزع مياه Bergen WD 410 LA من هنا.

موزع مياه وايت بوينت WPWD 89 CS  بارد وساخن (موزع علوي)

المواصفات

• ماء ساخن وبارد.
• مبرد عشان يحفظ الحاجات ساقعة.
• درجة حرارة المياه السخنة: ٨٥-٩٥ درجة.
• درجة حرارة المياه الباردة: ٥-١٠ درجات.
• خزان الفولاذ المقاوم للصدأ.

المميزات

• خيار التبريد بيسمح إنه يستخدم كتلاجة كويسة.

العيوب

• التصميم بتاعه اللي بيتضمن إن القزازة بتتركب من فوق بيخلي المياه تتدلق ساعات وعملية رفع القزايز التقيلة بتبقى مرهقة جدًا.

شوف موزع مياه وايت بوينت WPWD 89 CS بارد وساخن من هنا.

موزع مياه نستله بيور لايف FW-14BF سخن وبارد (موزع علوي)

المواصفات

• حنفية المياة الباردة والساخنة.
• سعة الخزان: بارد: ٤٫٠ لتر، ساخن: ١٫٢ لتر.
• قوة التدفئة: ٤٢٠ وات.
• قوة التبريد: ١١٠ وات.
• سعة التبريد: ٤٫٥ لتر/ساعة.
• سعة التدفئة: ٤ لتر/ساعة.
• نظام التبريد: ضاغط مع المبردات R134a / عطج.
• صديق للبيئة.
• خزان المواد: الفولاذ المقاوم للصدأ 304 للخزانات الساخنة والباردة.
• قفل السلامة للمياه الساخنة.
• درجة حرارة الماء البارد: ≦ ١٠ درجة مئوية.
• درجة حرارة الماء الساخن: ٨٥-٩٥ درجة مئوية.
• التحكم في درجة الحرارة: نعم، بواسطة الحرارة.
• كابينة التخزين: لا يوجد.
• ثلاجة: لا يوجد.
• علبة التسريب: نعم، بلاستيك، قابل للإزالة.
• تكنولوجيا منخفضة الضوضاء.
• لوحة مضادة للصدأ.
• استهلاك قليل للطاقة.

المميزات

• منفذ المياه السخنة فيه قفل أمان، وده بيمنع أي حادثة ممكن تحصل بسبب المياه السخنة.

العيوب

• التصميم بتاعه اللي بيتضمن إن القزازة بتتركب من فوق بيخلي المياه تتدلق ساعات وعملية رفع القزايز التقيلة بتبقى مرهقة جدًا.

شوف موزع مياه نستله بيور لايف FW-14BF سخن وبارد من هنا.

موزع المياه كارينو TY-LYR71T استانلس ستيل سخن وبارد (تركيب القزازة من أسفل)

المواصفات

• زرار بيانو من فوق.
• كفاءة عالية لضاغط التبريد.
• ٣ خراطيم (بارد – سخن – عادي).
• خزانات المياه الفولاذ المقاوم للصدأ.
• حماية سلامة مزدوجة.

المميزات

• التحميل من أسفل بيخلي الموديل ده سهل في الاستخدام واستبدال الزجاجات.
• الخزان مخفي.
• ٣ خراطيم بتخلي المستخدم يقدر يحصل على مياه في درجة حرارة الأوضة حتى وخاصية السخن/ساقع شغال.
• حماية سلامة مزدوجة.

شوف موزع المياه كارينو TY-LYR71T استانلس ستيل سخن وبارد من هنا.

موزع زانوسي (فوق الرف)

المواصفات

• مياه باردة.
• الأبعاد: ٣١×٣٤×٤٥ (العرض×العمق×الارتفاع).
• الموديل ده ممكن يقف لوحده.
• المادة: بلاستيك.

المميزات

• حجم صغير، استهلاك مساحة أقل، ومناسب جدَا للمساحات الضيقة.

العيوب

• في خيار تبريد بس.
• التبريد بتاعه عادي جدًا.

شوف موزع زانوسي من هنا.

ياقوطة بتتمنى تكون سهلت عليك عملية شراء موزّع المياه.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.