كتب: محمد عبدالرحمن

تربع شركة ساموسنج على عرش شركات الموبايلات بيخلي ناس كتيرة تسأل يا ترى سامسونج لسه عندها جديد تقدمه للمستخدمين بتوعها.

وسامسونج جاوبت عليهم بطرحها لموبايل Samsung J7 Pro واللي حقق مبيعات كبيرة جدًا من وقت طرحه في الأسواق ولغاية دلوقتي. وهنتعرف أكتر على مميزاته وعيوبه على ياقوطة، وتقدر كمان تعرف أحسن الأسعار للموبايل وتطلبه من خلالنا ويوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل Samsung J7 Pro

وممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

وصف الموبايل

• الموبايل مصمم من المعدن.
• الجهة اليمنى للموبايل هنلاقي زراير الصوت، وزرار الباور، وسماعات الموبايل.
• الجهة الشمال للموبايل موجود فيها منفذ لشريحتين الاتصال، ومنفذ منفصل للميموري الخارجي.
• الجهة العليا للموبايل هنلاقي منفذ لسماعات الأذن.
• الجهة السفلية للموبايل هنلاقي ميكرفون المكالمات، ومنفذ الشحن، وسماعة الموبايل الخارجية.
• شاشة الموبايل فيها كاميرا سيلفي، وفيه زرار الـ Home واللي فيه مستشعر بصمة الإصبع كمان.
• ضهر الموبايل فيه كاميرا وفلاش أحادي.

الشاشة

المزايا

• شاشة الموبايل Super Amoled بحجم ٥٫٥ بوصة، ودقة وضوح ١٩٢٠ × ١٠٨٠ بكسل، وكثافة بكسلات ٤٠١ بكسل.
• الشاشة مزودة بتقنية Always On Display الموفرة للطاقة.

العيوب

• شاشة الموبايل مش مزودة بأي طبقة حماية ضد الكسر أو الشرخ.
• الشاشة مش مزودة بلمبة إشعارات LED.

تجربة المستخدم

• شاشة الموبايل حجمها مناسب لهواة القراءة والتصفح ومشاهدة الأفلام.
• ألوان ودقة وضوح الشاشة تعتبر الأفضل في موبايلات الفئة المتوسطة في السعر، وزوايا الرؤية والوضوح كويسة جدًا في ظروف الإضاءة المختلفة، ومش هتلاحظ أي بكسلات في الشاشة.
• عن طريق خاصية Always On Display تقدر تعرض على الشاشة وهي مقفولة التاريخ والوقت ومش هتحتاج تفعل إضاءة الشاشة وبكده هتطول من عمر البطارية معاك.

الأداء

• الموبايل بييجي ببروسيسور ثماني النواة Exynos 7870 Octa بسرعة تردد ١٫٦ جيجاهرتز، مع معالج رسومي Mali-T830 MP1.
• رام الموبايل كبيرة بسعة ٣ جيجابايت، والميموري الداخلي للنسختين الموجودين في مصر بسعتي ١٦ و ٣٢ جيجابايت وممكن تضيف ليه ميموري خارجي بسعة توصل لـ ٢٥٦ جيجابايت.
• الموبايل بيشغل شريحتين اتصال وميموري خارجي في نفس الوقت ومش هتحتاج تستغنى عن شريحة منهم علشان تضيف ميموري خارجي.
• الموبايل بيدعم تقنية الجيروسكوب، والراديو وكمان بيدعم تقنية الـ OTG.

العيوب

• أنوية الموبايل الثمانية مش مقسمة وده بيخليهم يشتغلوا مع بعض عند إجراء أي مهام وظيفية مهما كانت سهلة، وده بيأثر على عمر البطارية على المدى البعيد.

تجربة المستخدم

• واجهة الموبايل خفيفة جدًا والمستخدم هيلاحظ إن سامسونج استغنت عن كتير من البرامج اللي مش مهمة عند كتير من الناس.
• أداء الموبايل قوي، سريع، خفيف في التنقل بين البرامج والتطبيقات المختلفة، والمستخدم مش هيقابل أي صعوبة في الاستعمال اليومي والشاق للموبايل.
• الموبايل خيار مميز لهواة الألعاب ومش هتلاحظ أي تهنيج للموبايل ولا سخونة ملحوظة.
• أداء سماعات الموبايل الخارجية قوي جدًا وده بسبب وجودها في مكان من الصعب كتمه لإنها موجودة على يمين الموبايل فوق زرار الباور.
• واجهة سامسونج بتقدم أكتر من وضع مريح للعين لعشاق القراءة على الموبايل.
• بصمة الموبايل موجودة في الجهة الأمامية من الموبايل وأداءها سريع وبتستجيب من أول مرة وصعب إن المستخدم يلاقي صعوبة معاها.

الكاميرا

المزايا

• الموبايل بيقدم كاميرا خلفية بقوة ١٣ ميجابكسل بفتحة عدسة F1.7 ودي نفس الموجودة في موبايلات مميزة زي Samsung S7، Samsung S8، ومزودة بفلاش أحادي.
• سيلفي الموبايل بييجي بقوة ١٣ ميجابكسل ومزود بفتحة عدسة F1.9 وكمان مزودة بفلاش أحادي.
• الكاميرا بتصور فيديو بدقة ١٠٨٠ بكسل/ ثانية.

العيوب

• كاميرا الموبايل مش بتدعم التصوير بدقة 4K.

تجربة المستخدم

• أداء الكاميرا مميز في التقاط الصور الثابتة والمتحركة، ورغم غياب سيلفي الموبايل لكن الصور السيلفي أفضل من الكاميرا المماثلة بسبب فتحة عدسة الموبايل.

• جودة الصور بتقل في الإضاءة المنخفضة لكن مش كتير وده بسبب عدسة الموبايل.
• سيلفي الموبايل بيقدم صور واضحة التفاصيل حتى في الإضاءة المنخفضة بسبب وجود الفلاش.
• الكاميرا بتقدم أكتر من وضع للتصوير البانوراما، والـ HDR وتتبع الابتسامة، والوضع الجديد اللي بتقدمه سامسونج وهو Social وده قريب من البرنامج الأشهر Snap Chat.

البطارية

المزايا

• بطارية الموبايل قوية وبتيجي بسعة ٣٦٠٠ مللي أمبير.

العيوب

• البطارية مش بتدعم تقنية الشحن السريع.
• ما تقدرش تغير بطارية الموبايل بنفسك.

تجربة المستخدم

• البطارية بتقدم أداء مميز في الاستعمال المتوسط والقوي للبطارية وهتكفي معاك لغاية يوم كامل من الاستخدام ومش هتحتاج تشحنها وانت بره البيت.
• البطارية بتكفي لغاية ٨ ساعات في وضع الـ Screen On ودي مدة مميزة جدًا خصوصًا بين الموبايلات المنافسة.

شوف موبايل Samsung J7 Pro من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.