الدليل الحصري لشراء التليفزيون العصري
كتب: محمد حمدي
على الرغم من إن كل بيت في مصر لازم يكون فيه تليفزيون أو أكتر، بس التطور التكنولوجي خلّى الرغبة في تحديث التلفزيونات القديمة ضرورة مهمة جدًا، سواء لاستقبال بث القنوات الحديثة بتقنيات HD المختلفة، أو حتى لتشغيل الأدوات الحديثة زي الفلاشات والهارد ديسك، واللي بيكون عليها الصور الشخصية وملفات الفيديو أو مكتبات كاملة للأفلام.
علشان كده هنقدم لكم في ياقوطة دليل جديد ومتميز لشراء الـ Smart TV، وممكن ترجعوا للمقال ده اللي قدمنا فيه بعض النصائح، لكن حسينا إنه قد يكون متخصص شوية، فحبينا نجيبلكم معلومات مختلفة وشرح أبسط. ممكن كمان عن طريق ياقوطة تشوفوا وتقارنوا بين المنتجات المعروضة وتعرفوا أفضل سعر ليها، ولو عجبكم تليفزيون منهم ممكن تطلبوه وهيكون عندكم في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
ليه تشتري تليفزيون جديد؟
زي ما قولنا في مقدمة المقال، الدنيا بتتطور طول الوقت، والتليفزيونات القديمة مش بتقدم نفس نقاء الصورة، خصوصًا مع انطلاق معظم قنوات الساتلايت دلوقتي بتقنية الدقة العالية HD. كمان مع تطور الزمن وانتشار التليفونات الذكية، بقى فيه ضرورة لمشاهدة الصور والفيديوهات من الموبايل للتلفزيون مباشرة، وده مش هيحصل غير بوجود تلفزيون حديث.
وأهم ما في الموضوع هو إن التلفزيونات الحديثة ينفع تعرض من خلالها أفلام ومسلسلات من يوتيوب مباشرة، أو حتى تستعملها للدخول على الإنترنت وعرض البرامج المفضلة ليك من غير ملل الإعلانات، يعني بيتفتح قدامك عالم من الترفيه والمتعة بلا حدود.
التليفزيون الأغلى
بعد رحلة بحث قصيرة لقينا إن أغلى تليفزيون في مصر كان تليفزيون LG Smart ٥٥ بوصة، لكن لما استطلعنا رأي الزبائن في متاجر البيع، قالولنا إن التليفزيون مش هيكون اختيارهم الأول وقت الشراء، لارتفاع تمنه طبعًا، ولأن الإمكانيات اللي فيه مش على قائمة أولوياتهم أثناء عملية الشراء.
القائمين على البيع في متجر بي تك أكدوا لنا إن بعض الموديلات الغالية من التليفزيونات الذكية تقيلة شويه في بيعها، وكتير من الناس بتتفرج عليها من باب الضحك على السعر، لكن ده ما يمنعش إن بعض المستخدمين بيفضلوا شراء أفضل وأغلى الأنواع خاصةً في السلع اللي زي التليفزيون، علشان بيعيش معاهم العمر كله تقريبًا.
آراء المشترين
سألنا الأستاذ «طلعت»، واحد من هواة متابعة كل جديد في عالم التليفزيونات، عن رأيه في منتجات LG، فقال لنا إنه واجه تجربة سيئة جدًا مع التليفزيون الذكي اللي اشتراه مؤخرًا، واللي اكتشف بعد فترة من الاستعمال ارتفاع حرارة الجهاز بشكل غير طبيعي. الأمر اللي أجبره على إرجاع التليفزيون واستبداله، لكنه أشاد بالمعاملة المحترمة وخدمة العملاء السريعة والمهذبة من LG.
بينما مدام «ميري»، اللي قابلناها وهي بتختار أجهزة كهربائية منها التليفزيون لاقتراب جواز بنتها، قالت لنا إنها من فترة طويلة وهي معتمدة بشكل أساسي على الأجهزة الكهربائية من LG سواء كانت تكييف أو ميكروويف أو طبعًا التليفزيونات. وأكدت لنا إن الشعار المميز لـ LG بقى بالنسبة لها زي ختم الجودة، بسبب تجاربها السابقة مع كل منتجات LG وخصوصًا التليفزيونات.
التليفزيون الأرخص
كملنا رحلتنا مرة تانية وعرفنا إن تليفزيون توشيبا ٢٤ بوصة يُعتبر من أرخص التلفزيونات المتاحة في السوق. التليفزيون عليه الطلب نتيجة سعره المميز، وإنه من ماركة محترمة زي توشيبا.
أستاذ «مدحت»، واحد من اللي اشتروا التليفزيون، لما اتكلمنا معاه شوية قال لنا إن السعر هو اللي جذبه لشراء التليفزيون، وإنه محتاج تليفزيون صغير لأوضة النوم، ومش هيلاقي أحسن من توشيبا المشهورة بقوة منتجاتها وضمانها الحقيقي.
أما ابن أستاذ «مدحت»، فقال لنا إنه بيفضل التليفزيونات الأحدث والأقوى، علشان يقدر يشغل عليها الهارد ديسك 2 تيرا اللي معاه، واللي بيخزن عليه أفلام كتير بيحملها أونلاين ويتفرج عليها في وقت فراغه. علشان كده هو بيفضل شراء تلفزيون أحدث من LG أو Samsung.
إيه أخبار Samsung؟
وما ينفعش في رحلتنا دي نتكلم عن التليفزيونات الذكية من غير ما نتكلم عن تليفزيونات ماركة سامسونج، وتُعتبر سامسونج من الشركات الرائدة في مجال صناعة التليفزيونات الذكية، والسوق المصري من أوائل الأسواق اللي استقبلت التليفزيونات الذكية من سامسونج.
ولقينا التلفزيون الأغلى هو سامسونج 4K ٦٥ بوصة ويُعتبر تلفزيون مميز ينفع في الأماكن المفتوحة أو الغرف الضخمة، وبيوفر كمان دقة شاشة متميزة.
أما لو بتدور على تليفزيون رخيص من سامسونج، الحل هو تليفزيون سامسونج ٣٢ بوصة إل إي دي وبإمكانيات مش ضعيفة أبدًا.
ولو محتاج حجم تلفزيون متوسط بين الأحجام اللي فاتت بنرشحلك تلفزيون سامسونج سمارت ٤٨ بوصة المميز بشاشة عرض تحفة.
آراء المشترين
ما كانش ينفع ننهي زيارتنا لقسم سامسونج من غير ما نرجع للسوق مرة تانية ونشوف آراء البائعين والمشترين على حد سواء.
البائعين في بي تك مدحوا لنا في سامسونج، وقالوا لنا إن الشركة قدرت «تربّي زبون» في السوق المصري بسرعة، ومشترين كتير بيسألوا عنها بالاسم. مدام «نهى» قالت لنا إن ابنها اشترى تليفزيون سمارت من سامسونج من حوالي ٣ سنين ولغاية النهارده شغال معاه كويس جدًا، وهى النهارده بتشترى تليفزيون جديد من سامسونج لبيتها، وماعندهاش استعداد تغير ماركة سامسونج بأي ماركة أخرى.
لكن الدكتور «سامح» قال لنا إنه بعد تجربة إل جي وتلفزيوناته الذكية، قرر ما يتعاملش مع سامسونج من جديد، واشتكالنا تحديدًا من مستوى نقاء الألوان في أجهزة سامسونج، واللي لا يُقارن – من وجهة نظره – بمستواها في أجهزة إل جي اللي قدرت تتفوق على سامسونج في النقطة دي.
توشيبا عاملة إيه دلوقتي!
أما محبي شركة توشيبا، واللي قدرت تبني جسور طويلة من الثقة مع المستخدم على مدار وقت طويل، توشيبا مش ناسياهم وبتقدم لهم تشكيلة كبيرة من التليفزيونات الذكية. وعلشان تثبت تميزها، معظم موديلات توشيبا مجهزة بأجهزة ساتلايت داخلية، بتجنب المستخدمين شراء ريسيفر منفصل، لكن أجهزة توشيبا مش كلها مزايا زي ما كنا متوقعين، وده اللي أكده لينا «حسن»، بائع في أحد منافذ بيع بي تك، لما قال لنا إن مفيش إقبال على التليفزيونات ماركة توشيبا زي زمان، وده بسبب وجود أنواع أحدث وأكتر تلبية لطلبات المستخدمين زي إل جي وسامسونج.
نفس الرأي وافقت عليه مدام «يمنى»، واللي أكدت لنا إن عندها غسالة وتكييف وشفاط توشيبا، لكن لو فكرت تشتري تليفزيون ذكي أو لاب توب، هتشتري من سامسونج أو إل جي.
بلاش الصيني
لكن الأمر اللي بينصحنا بيه كل البائعين، هو ما تشتروش الأجهزة الصينية اللي بقت متوفرة في الأسواق خاصةً مع ارتفاع أسعار الدولار، واللي دفع كتير من المستخدمين للتفكير في شراء الأجهزة الصينية الأرخص.
لكن أستاذ «محمد صادق» حكى لنا قصة سيئة جدًا مع جهاز تليفزيون صيني اشتراه في الفترة الأخيرة، والنتيجة كانت توقف التليفزيون عن العمل بعد حوالي ٣ شهور، وعدم وجود ضمان حقيقي للجهاز. وعلى الرغم من انخفاض تمن التليفزيون لكن تمنه كله راح هدر.
ترشيحات ياقوطة
دي ترشيحات ياقوطة لمجموعة مختلفة من التليفزيونات اللي لاقت إعجاب واستحسان مجموعة كبيرة من المشتريين:
شوف تليفزيون توشيبا ٥٥ بوصة برسيفر داخلي وشاشة FHD.
وممكن كمان تشوف تليفزيون سمارت تي سي إل ٥٥ بوصة.
ولإن ميزانية بيتك تهمنا رشحنالك تليفزيون سمارك جاك ٤٣ بوصة بتقنية FHD.
وآخر تليفزيون في قايمتنا هو سامسونج ٣٢ بوصة LED.
ده كان استطلاعنا للسوق مؤخرًا فيما يتعلق بالأجهزة اللي عليها أكبر نسبة سحب، وتعليقات المشترين والبياعين على حد سواء، ونصائحهم وتجاربهم. يا ترى بعد كل ده إيه قراركم بخصوص الشراء؟
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.