كتبت: منى عوض

الشنطة من أهم الأدوات المدرسية بالنسبة لابنك أو بنتك، واختيارها شئ مش سهل على الإطلاق لأنها لازم يكون فيها مواصفات معينة تتناسب مع الطفل ومع المرحلة التعليمية اللي داخلها.

ولأننا يهمنا راحتك وراحة أسرتك، ياقوطة هتقولك إزاي تختار شنطة المدرسة الأفضل وهنستعرض معاك أفضل الشنط المتوفرة، ولو عجبتك أي واحدة منهم تقدر تطلبها من خلالنا وهتوصلك في أسرع وقت ممكن.

بنفكرك إنك ممكن تشتري شنطة المدرسة من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

معايير اختيار شنطة المدرسة الأنسب

• الطفل لازم يكون مقتنع بشكل الشنطة اللي شايلها على ضهره بالتالي يفضل إشراكه في الاختيار.
• ضروري يكون حجم الشنطة وتصميمها مناسب ومريح مع حجم وطول الطفل ومع الحاجات اللي بياخدها معاه بشكل يومي كمان.
• يُفضل اختيار شنط شكلها مناسب للمرحلة العمرية والتعليمية لابنك أو بنتك.
• تأكد من إن خامات صنع الشنطة قوية وجودتها عالية عشان تتحمل كمية الكُتب والكشاكيل والأدوات اللي الطفل بياخدها طول العام الدراسي.
• يُفضل الشنطة تكون مليانة جيوب ومتقسمة عشان تقدر تنظم فيها أي أدوات ومستلزمات الطفل بياخدها معاه المدرسة.
• يُفضل اختيار شنط بألوان غامقة عشان متتبهدلش بسرعة من الأتربة.
• حاول تكون إيد الشنطة عريضة عشان تخفف الحمل على ضهر الطفل وماتسببش ليه أي آلالام.
• تأكد من إن الشنطة سهلة الفتح والقفل عشان ابنك أو بنتك يكونوا قادرين على استخدامها بسهولة.
• يُفضل اختيار الشنط المصنوعة من القماش القوي والابتعاد عن الجلد لأنه ممكن يقشر أو يبوظ بسرعة من الطفل.

أفضل شنط المدرسة على ياقوطة

شنطة ضهر ترولي للمدرسة

شنطة شكلها لطيف وبتتميز برسومات جذابة للأطفال وحجمها كويس، وبيجي معاها مقلمة ولانش بوكس، وتقدر تشيل منها الترولي بحيث إن الطفل يستخدمها على ضهره على طول أو يجرها في إيده.

بالرغم من أن الشنطة دي قد تبدو عملية ومريحة إلا أنها ممكن تكون متعبة للأطفال في مرحلة الحضانة والابتدائي لأنها تقيلة لوحدها من غير الأدوات المدرسة فما بالك بقى لما تملاها، دا بجانب صعوبة حملها في إيد الطفل لما يكون طالع سلم، وكمان العجل بتاع بعض أنواعها بيتكسر بسرعة مع الحركة واللعب والتنطيط.

شوف عروض شنط الضهر الترولي للمدرسة المختلفة المتوفرة على ياقوطة من هنا.

شنطة مدرسية ماركة Bz

شنطة ألوانها كويسة ومتداخلة بشكل شيك وتنفع لاستخدامات كتير زي المدرسه والنادي والسفر وما إلى ذلك وتنفع للأطفال في المراحل التعليمية الابتدائية والإعدادية مثلاً، فهي بتحتوي على سوست مختلفة عشان تنظم الحاجة فيها بالشكل اللي يناسبك، وكمان مريحة لأنها مبطنة من الضهر وخامات صنعها قوية بحيث إنها تقدر تتحمل الكُتب والكشاكيل والأدوات المدرسية المختلفة اللي ابنك أو بنتك بياخدوها معاهم للمدرسة.

شوف عروض الشنط المدرسية ماركة Bz المختلفة المتوفرة على ياقوطة من هنا.

شنطة مدرسة برسومات ثلاثية الأبعاد

الشنط اللي بتتميز برسوم ثلاثية الأبعاد عادةً بتكون جذابة جدًا للأطفال في مرحلة الحضانة والابتدائي خاصة لو كان عليها رسوم أو أشكال كارتونية هما بيحبوها.

الشنطة دي بقى خامات صنعها قوية وممتازة ومبطنة بحيث إنها تكون مريحة على ضهر الطفل، وحجمها 17 بوصة يعني مناسبة للأطفال بداية من سن خمسة أعوام وحجمها كويس بحيث تشيل كل المستلزمات المدرسية للطفل، وكمان الإيد بتاعتها عريضة ومبطنة بحيث إنها تكون مريحة على كتف الطفل.

الشنطة بتيجي بجيبين كبار بسوسته بحيث إنك تقسم فيها المستلزمات المدرسية بشكل يسهل على الطفل الوصول إليها، بجانب وجود مقلمة وزجاجة مياه.

شوف عروض الشنط المدرسية برسومات ثلاثية الأبعاد المختلفة المتوفرة على ياقوطة من هنا.

شنطة مدرسية مقاومة للمياه من مينترا

شنطة ظهر خفيفة وخامات صنعها كويسة ومضادة للمياه ومبطنة بحيث إنها تكون مريحة على الضهر وأكتافها كمان مريحة، بس الشنطة دي مش هتكون مناسبة للاستخدامات التقيلة يعني آخرها حاجات خفيفة كدا بالتالي ممكن تكون مناسبة لابنك أو بنتك اللي في المرحلة الثانوية أو الجامعة، أو ممكن أي طفل ياخدها في الدروس أو تمارين النادي مثلاً.

شوف عروض الشنط المدرسية مقاومة للمياه من مينترا المختلفة المتوفرة على ياقوطة من هنا.

شنطة ظهر مدرسية للأطفال على شكل دونتس

شنطة ظهر على شكل دونتس شكلها مبهج للأطفال في المرحلة التمهيدية للحضانة، وهي صغيرة جدًا أخرها يتحط فيها كراسة وسندوتشات مثلاً.

شوف عروض شنط الظهر المدرسية للأطفال على شكل دونتس المختلفة المتوفرة على ياقوطة من هنا.

شنطة ظهر مدرسية من دي – هايبرد

شنطة ظهر مصنوعة من خامات قوية وتصميمها الداخلي واسع بحيث إنها تشيل حاجات كتير فهي بتيجي بأربع جيوب مختلفة الأحجام بحيث إن ابنك أو بنتك يستخدموها ويكونوا مرتاحين، وهي مناسبة لمن هم في المرحلة الثانوية والجامعة.

شوف عروض شنط الظهر المدرسية من دي – هايبرد المختلفة المتوفرة على ياقوطة من هنا.

شوف عروض شنط المدرسة المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.