أشهر منتجات ATA على ياقوطة
كتبت: منى عوض
مش كل الناس تعرف ماركة ATA لكن خلينا نقول إنها ماركة كويسة جدًا ظهرت من وقت قريب وبتقدم منتجات متنوعة من شاشات وأفران كهربائية ومراوح وما إلى ذلك، هنتكلم في المقال دا عن بعض منتجات ATA الأكثر مبيعًا على ياقوطة، ولو عجبك أي منتج منهم وحبيت تشتريه تقدر تطلبه من خلالنا وهيوصلك في أسرع وقت.
بنفكرك إنك ممكن تشتري منتجات ATA من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
تلفزيون سمارت ATA بحجم 32 بوصة – LE32DN4
شاشة LED بحجم 32 بوصة يعني متوسطة الحجم وتنفع للمساحات الصغيرة، وحوافها رفيعة بحيث إنها توفر تجربة مشاهدة أفضل وتعوض صغر حجمها، وكمان بتيجي بسمك رفيع وقاعدة عريضة وزواياها كويسة بحيث إنها تحافظ على اتزانها.
الشاشة سمارت ودا معناه إمكانية توصيلها بشبكات الإنترنت وفتح التطبيقات المختلفة عليها، وبتيجي بدقة HD ودرجة وضوح 1366 × 720 بكسل ودا معناه ألوان كويسة وتباين كويس للون الأسود، وبتكون مزودة بمنفذ USB ومنفذ HMDI وبمنفذ VGA لكنها لا تضم منفذ RF الخاص بالإيريال الأرضي، وكمان تقدر تتحكم فيها من خلال الريموت كنترول.
والعيب الأكبر في التلفزيون دا فهو أن مدة ضمانه سنة واحدة بس ودي مدة قليلة جدًا.
تقدر تشوف تلفزيون سمارت ATA بحجم 32 بوصة – LE32DN4 من هنا.
فرن ATA بسعة 35 لتر – CB02010102
الفرن عملي وقدرته الكهربائية تبلغ 1600 وات ودا معناه سرعة في الأداء ودقة في التنفيذ، وكمان سعته متوسطة بتصل إلى 35 لتر وبالتالي فهو يكفي الأسر اللي عدد أفرادها قليل أو بمعنى أصح مش هتقدر تسوي أكتر من أكلة في نفس الوقت جواه.
الفرن بيوفر إمكانية التحكم في درجة الحرارة من 100 إلى 250 درجة مئوية، وفيه مؤقت زمني عشان تظبطه زي ما إنت عايز ويقفل بمجرد إنتهاء المدة الزمنية المحددة، دا بجانب إنه بيحتوي على إضاءة داخلية عشان تقدر تراقب الأكل بكل سهولة من غير ما تضطر تفتح الفرن.
تقدر تشوف فرن ATA بسعة 35 لتر – CB02010102 من هنا.
ميكروويف ATA ديجيتال بسعة 20 لتر
ميكروويف حجمه صغير وهينفع للمساحات الصغيرة والمكتب وهكذا، فهو بيجي بسعة 20 لتر والسعة دي مش هتنفع غير مع الأسر اللي عدد أفرادها صغير ومش هتوفرلك إمكانية عمل أكتر من أكلة في نفس الوقت ولا استخدام صواني كبيرة بداخله.
الميكروويف مزود بشاشة ديجيتال وتقدر تتحكم فيه من خلال أزرار مش هتحس إنها أزرار ولا هتحس إنها بتشتغل باللمس هي حاجة كدا بين الاتنين، كمان هتلاقي إن الميكروويف مزود بخاصية إذابة الجليد وفيه تايمر تتحكم فيه زي ما إنت عايز.
تقدر تشوف ميكروويف ATA ديجيتال بسعة 20 لتر من هنا.
مروحة عمودية ATA – C61P5
مروحة ستاند أو عمودية زي ما بيقولوا من ATA هتديك احساس بانتعاش وتدفق الهواء الخارج منها بيكون قوي لأنها بتيجي بحجم كبير 18 بوصة و 5 ريش بلاستيكية حجمها مناسب، وكمان تقدر تتحكم فيها من خلال 3 سرعات مختلفة، وفيها مؤقت زمني كمان عشان تظبطها براحتك، وكمان بتيجي بقاعدة دائرية عريضة بتوفر درجة ثبات عالية.
تقدر تشوف مروحة عمودية ATA – C61P5 من هنا.
شفاط حائط من ATA – SU 25
شفاط صغير بس عملي فهو بيجي بهيكل وشفرات مصنوعة من البلاستيك وبيعمل في الاتجاهين عشان تضمن شفط أقوى لأي روائح أو أبخرة، وبيتميز بوجود شبكة أمامية للحماية من دخول أي حشرات أو فئران وكمان مزود بنافذة أمان خلفية عشان زيادة مستوى الحماية.
الشفاط مش بيُصدر أي ضوضاء أو أصوات عالية طول ما هو شغال، ومش بيحتاج لأي تزييت أو تشحيم وكمان تقدر تشغله لمدة تزيد عن 5000 ساعة عمل، ولو حبيت تنضفه في أي وقت هتلاقي إنه من السهل تفكيكه وتنظيفه وإعادة تركيبه مرة أخرى.
تقدر تشوف شفاط حائط من ATA – SU 25 من هنا.
بوتاجاز مسطح بالغاز 3 شعلة
البوتاجاز المسطح مهم جدًا خاصة لو المساحة عندك صغيرة فهتلاقي إنه عملي وحجمه صغير وبيسعفك جدًا، والبوتاجاز دا من ATA كويس جدًا فهو مصنوع من الأستانلس ستيل المضاد للصدأ واللي هيوفرلك سهولة في التنظيف والعناية بالبوتاجاز وكمان بيجي بحوامل زهر سهلة التنظيف والأواني بتثبت عليها كويس.
البوتاجاز بيعمل بالغاز وبيجي بـ 3 شعلات أحجامهم مختلفة عشان تستخدم أواني مختلفة الأحجام زي ما إنت عايز، والشعلات بتشتغل بتقنية الإشعال الذاتي بالكامل من خلال 3 مفاتيح بلاستيكية ودا عيب، كمان الإشعال الذاتي دا بيبوظ بسرعة ولو حبيت تلجأ لخدمات ما بعد البيع فهتلاقي إن مستواها سئ.
من عيوب البوتاجاز دا إنك هتحس إن تقفيله ضعيف والعيون هتحس فيها بعدم ثبات أو هتحس إن فيها حاجة مش مظبوطة وكمان لونه الأزرق بيبهت ويختفي بمرور الوقت خاصة لو تن تنظيفه بسلك مواعين أو أي مواد خشنة.
تقدر تشوف بوتاجاز مسطح بالغاز من ATA – J-GC401 من هنا.
تقدر تشتري كل اللي إنت عايزه من منتجات ATA اللي إنت محتاجها من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.