المقارنة الكاملة بين أنواع المكاوي البخارية وأبرز أنواعها على ياقوطة
كتب: خالد عاصم
لو عمرك تقريبًا فوق ٣٥ سنة فأنت على الأغلب شوفت أبرز لحظات تطور مكواة الملابس وشوف كانت فين ووصلت فين. وطبعًا احنا مش بنتكلم عن أول أشكال المكواة واللي كان بيتم تسخينها من خلال مصدر تسخين مستقل زي النار مثلًا لأن دي أكيد ماشفنهاش، بس بنتكلم عن المكاوي الجافة واللي كانت بتعتمد على لوح معدني بيتم تسخينه من خلل مصدر كهربائي بتكون المكواة متوصلة بيه، ودي المكاوي الكلاسيكية اللي شوفناها زمان واستخدمها بعضنا فعلًا قبل ظهور عصر المكواة البخار أو Steam Iron واللي بقى معتاد وجودها في بيوتنا، وبعدها ظهرت كمان المكوا الأحدث وهي المكواة الستاند وده اسمها المعتاد ما بينها، أما اسمها العلمي فهو مكواة البخار المضغوط أو Pressurized Steam Generator Iron وده الشكل الأحدث حاليًا للمكواة.
وطبعًا مع تنوع الموديلات أو الأشكال من أي منتج بتزيد الحيرة لما بنفكر نشتري المنتج ده، وفي حالتنا دي هنبقى محتارين في الاختيار ما بين المكواة البخار العادية وبين مكواة الستاند أو البخار المضغوط، وممكن بعد ما نستقر على نوع منهم مانبقاش عارفين إيه الأفضل أو الأنسب من بين الموديلات المختلفة اللي بتوفرها العديد من الشركات. بس بعد ما تقرا المقال ده مش هيكون فيه وجود لأي حيرة لأننا هنعرفك الفرق ما بين النوعين دول من المكاوي بالتفصيل، وكمان هنعرفك على أبرز أنواعهم في السوق المصري على ياقوطة.
ولو أي مكواة من اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المقارنة التفصيلية بين أنواع المكاوي البخارية
المكواة البخارية Steam Iron
المكواة البخار ودي الأوسع انتشارًا في البيوت حاليًا تعتبر تطور مباشر للمكواة الجافة، فهي برضه بتعتمد على تسخين لوح من المعدن وبتعتمد كمان على الضغط المباشر من المستخدم وإن كان بشكل أقل لانها بالإضافة للطريقة الكلاسيكية دي فهي فيها فتحات في اللوح المعدني ده بتقوم بنفخ البخار الساخن، والبخار هنا بيقوم بعملية تنعيم للخيوط المكونة لكل قماش وده بيسهل من عملية الفرد والقضاء على الكشكشة أو الكسور.
وبعض أنواع المكاوي دي بتتضمن خاصية اسمها Steam Boost ودي بتخليك تقدر تطلع دفعة بخار قوية وكثيفة مرة واحدة عشان تساعد على فرد المناطق اللي صعب فردها في القماش، وبفضل إنها بتعتمد على الطريقتين الجافة واللي بالبخار مع إمكانية فصل البخار وإيقافه، فالنوع ده من المكاوي بيتميز بإنه ممكن استخدامه مع كل أنواع الأقمشة سواء اللي بيتطلب كي جاف أو لا، وكمان استخدام البخار مع اللوح المعدني السخن بيسهل من عملية الكي بشكل كبير جدًا، وبتعتمد المكاوي دي على خزان صغير جواها بيتم مليه بالمياه ومنه بتستخرج المكواة البخار.
مكواة الستاند/مكواة البخار المضغوط Pressurized Steam Generator Iron
ودي النوع الأحدث واللي بدأ هو كمان ينتشر بقوة في البيوت كمنافس رئيسي وقوي لمكواة البخار العادية. وبتتسمى كمان Germent Steamer وده المسمى المعروف للمكواة البخارية اللي بتعتمد على ستاند، وفي كل أنواع المكاوي دي بدون استثناء، فالفكرة فيها هي الاستغناء تمامًا عن اللوح المعدني اللي في المكاوي التانية، وكمان الاعتماد على خزان مياه خارجي بيتم تسخين المياه اللي فيه لإنتاج كمية كبيرة من البخار الساخن جدًا واللي بيمر في أنبوبه أو خرطوم عشان يوصل لرأس المكواة اللي بتخرج البخار في القماش فيتم كيه بسهولة.
يعني المكواة دي مفيهاش خزان داخلي ولا بتعتمد على لوح معدني وبالتالي بتلغي تمامًا فكرة الضغط على القماش، وطبعًا بتتميز المكاوي دي بإنها أقوى وأدق في الكوي وأيًا ما كان نوع القماش. والنوع اللي بيعتمد على ستاند ده فبيتميز كمان بميزة مهمة وهو إنه مش بيحتاج لأي ترابيزة مكواة زي باقي الأنواع اللي اتكلمنا عنها، لأنك بكل بساطة هتعلق الحاجة اللي عايز تكويها على الستاند، وكمان النوع ده مثالي للستاير من غير ما تحتاج تشيلها من مكانها وكمان المفارش والملايات وغيرها، بس النوع ده من المكاوي فيه عيبين أساسيين، أولهم إنه غالي مقارنة بباقي المكاوي، والتاني إنها هتحتاج شوية مجهود لو القمش تقيل ومكسر أوي، بس هتكون مثالية من ناحية تانية للبدل والفساتين مثلًا.
النوع الأنسب
من شكل المقارنة اللي فات نقدر نحدد أي نوع هو المناسب ليك من النوعين دول. فعلى سبيل المثال لو هتستخدم المكواة في كوي الملابس العادية زي البنطلونات أو التشيرتات بشكل أكتر من الأنواع التانية، وكمان عايز توفر ومتعود على استخدام المكواة دي بشكل ريح ليك، فالمكواة البخارية العادية هتكون هي الأنسب.
أما لو ملبسك أغلبها بدل أو قمصان أو دولابِك مليان فساتين، أو كمان حابب إن المكوات تتحرك معاك عشان تكوي المفروشات أو الستاير، وهيكون أريحلك الاستخدام الرأسي للمكواة، ففي الحالة دي هتكون مكواة البخار المضغوط أو الستاند هي الأنسب. ودلوقتي هنتعرف على مجموعة من أبرز المكاوي دي المتوفرة في السوق المصري.
أبرز موديلات المكاوي المختلفة على ياقوطة
مكواة بخار Black&Decker X1550-B5 بقوة ١٦٠٠ وات من بلاك اند ديكر
مكواة بخارية عادية بقوة ١٦٠٠ وات بوزن ١٫٢ كيلو جرام عشان تساعدك على الضغط بقوة على الملابس. المكواة بطبيعة الحال فيها إمكانية تعديل الحرارة والتعديل ما بين استمرار نفخ البخار أو الإخراج اليدوي ليه وبتعتمد على خزان مياه بسعة ٣٠٠ ميللي.
اتعرف على عروض أسعار مكواة بخار Black&Decker X1550-B5 من هنا.
مكواة بخار Panasonic NI-M 250T من بناسونيك
مكواة بخار بقوة ١٥٥٠ وات بخزان مياه بسعة ٢١٠ ميللي بيقدر يطلع بخار متواصل بحجم من ٠ لحد ١٥ جم في الثانية، وبتتميز بإنها بتعتمد على قاعدة مطلية بالتينانيوم المقاوم للخدوش، وكمان فيها نظام منع التكلس.
اتعرف على عروض أسعار مكواة بخار Panasonic NI-M 250T من هنا.
مكواة بخار Tefal EasyGliss من تيفال
بقوة هائلة ٢٧٠٠ وات بتقدر المكواة دي من تيفال بإنها تقدم أداء بخار أعلى من الإصدارات السابقة منها ومن كتير من المكاوي المنافسة، لأنها بتقدر تنتج بخار بحجم لحد ٤٥ جرام في الدقيقة وده أداء مثالي خصوصًا إنه بيخرج بقوة تعادل ٢٢٠ جرام في الدقيقة يعني كل الهدوم هتتكوي تتنعم بأقل مجهود ممكن.
اتعرف على عروض أسعار مكواة بخار Tefal EasyGliss Plus من هنا.
مكواة بخار Arshia Pro Blue من أرشيا
مكواة من أفضل المكاوي البخارية العادية في السوق لانها بتعتمد على سطح مصنوع من مادة Eloxium اللي بتقدر تعادل درجة الحرارة عشان تتناسب مع الأقمشة المختلفة ده غير إنها بتتمتع بتقنية Arshia Pro Steam اللي بتعمل على حماية نسيج الأقمشة. المكواة قوة ٢٤٠٠ وات بتقدر تخرج بخار بحجم ١٤٠ جرام في الدقيقة بالاعتماد على خزان مياه سعة ٣٠٠ ميللي.
اتعرف على عروض أسعار مكواة Arshia Pro Blue من هنا.
مكواة البخار بخزان منفصل Tornado TSS-2400D من تورنيدو
نموذج من نماذج مكاوي البخار ذات الخزان المنفصل والتصميم المطابق لمكاوي البخار العادي وده النوع اللي ما بين مكاوي البخار والمكاوي الستاند لأنه بيجمع ما بين إمكانيات الاتنين، والمكواة دي بتعتمد على لوح من السيراميك وبتتميز بقدرة ٢٤٠٠ وات وخزان سعة ١٫٨ لتر، يعني تحكم المكواة العادية ولكن بطاقة بخار أقوى ولوقت أطول.
اتعرف على عروض أسعار مكواة بخار Tornado TSS-2400D من هنا.
مكواة بخار عامودية Mienta GS42306A من ميانتا
مكواة بخار عامودية من شركة ميانتا بتتميز بقدرة كهربائية ١٨٠٠ وات وفيها ٦ إعدادات للبخار قابلة للتعديل، والمكواة بتعتمد على خزان سعة ١٫٨ لتر وخرطوم بخار مرن بطول ١٫٥ متر قابل للفصل هو والخزان، وبتقدر المكواة إنها توصيل لدرجة الحرارة المناسبة في ٤٠ ثانية عشان تستمر في تشغيل البخار لمدة ٦٠ دقيقة متواصلة، ولمكواة معه شماعة ملابس وفرشاة للقماش وجوانتي عازل للحرارة ولوحة كي صغيرة ومشبك لكي البنطلونات.
اتعرف على عروض أسعار مكواة بخار عامودية Mienta GS42306A من هنا.
مكواة بخار عامودية Tefal Master 360 Precision من تيفال
مكواة بخار عامودية ممتازة من تيفال بقدرة كهربائية ١٥٠٠ وات وخزان مياه قابل للفصل سعة 2.5 لتر، والمكواة بتحتاج ٤٥ ثانية بس للتسخين وبتقدر تطلع 30 جرام من البخار في الدقيقة لواحدة ولمدة ٨٠ دقيقة مستمرة. وبتتميز المكواة بمجموعة من الملحقات زي الشماعة وفرشاة القماش والبونيه اللي بيضمن توزيع متساوي للبخار وحماية الأقمشة من أي قطرات مياه متبخرتش وغيرها من الإمكانيات الممتازة.
اتعرف على عروض أسعار مكواة البخار العامودية Tefal Master 360 Precision من هنا.
مكواة بخار عامودية Black and Decker GTS2400-B5 من بلاك اند ديكر
مكواة بخار بتعتمد على واحد من أقوى المحركات بقوة ٢٤٠٠ وات عشان يوفر أسرع تسخين وبفضل الخزان سعة ١٫٥ لتر فبتقدر المكواة تشتغل لمدة ٤٥ دقيقة متواصلة، وبتتميز المكواة بست مستويات للتحكم في البخار عشان تناسب كل أنواع الأقمشة وفيها عوامل أمان كتير زي إنها بتقف تلقائي بمجرد ما المياه تخلص وفيها سداد لتصريف الميه المتبقية.
اتعرف على عروض أسعار مكواة البخار العامودية Black and Decker GTS2400-B5 من هنا.
اتعرف على عروض أسعار مختلف المكاوي المتوفرة على ياقوطة من هنا.
اتعرف على عروض أسعار مختلف الأجهزة المنزلية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.