كتب: خالد عاصم

دراسات كتير ظهرت الفترة اللي فاتت أكدت إن التعامل مع الشاشات في وقت مبكر للأطفال مش بيكون مضر لو حصل باعتدال وكنشاط واحد من بين أنشطة كتير بيعملها الطفل على مدار يومه. ده غير كمان إن لو الطفل بيعيش حياة طبيعية وفيها اختلاط بالناس بشكل كويس، فإن التعامل مع فيديوهات يوتيوب مثلًا خلال فترة معينة في اليوم هيساعد الطفل على إنه يطور من حصيلة الكلمات وطريقة النطق، خصوصًا مع الفيديوهات التعليمية المخصصة للأطفال وخصوصًا لو بنتكلم على لغة تانية مع اللغة العربية اللي هيتعملها من تعامله مع كل اللي حوليه.

ومن بين أجهزة التابلت المخصصة للأطفال اللي ممكن توفر لطفلك بديل وسيلة تعلم وترفيه رخيصة، تابلت Mtouch M1 Kids اللي هنتعرف عليه بالتفصيل في المقال ده.

ولو التابلت عجبك وحبيت تشتريه فعلًا، هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولا فوائد ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Mtouch M1 Kids

بيعتمد تابلت Mtouch M1 Kids على شاشة بقطر ٧ بوصة بمعدل عريض معتاد لأجهزة التابلت، وده بيخليه مناسب للأطفال أكتر بكتير من أجهزة الموبايل بكل تأكيد سواء من حيث القطر اللي مش متوفر في الموبايلات ولا من حيث المعدل الطويل بتاع الموبايلات واللي بيخلي الرؤية صعبة ومش مريحة أوي للأطفال، والشاشة بتدعم جودة HD Plus ودي ميزة كويسة هتخلي الرؤية مريحة أكتر وممتعة. وعشان يكون مناسب أكتر للأطفال، فتصميم التابلت معمول بأكتر طريقة تناسب استخدام الأطفال فالجهاز مش رفيع أوي بس خفيف جدًا وده هبيخليهم يمسكوه ويحكموا إيديهم عليه من غير مشكلة، وكمان قطره مش كبير زي ما عرفنا في تفاصيل الشاشة ده غير إن الحواف المحيطة بالشاشة كبيرة عشان إيديهم متلمسش الشاشة كتير وبالتالي يفصلوا أو يغيروا الحاجة اللي مشغلينها من غير قصد، والجهاز مصنوع من البلاستيك ويقدر لحد كبير إنه يتحمل الخبطات والصدمات الخفيفة.

التابلت بيعتمد على معالج رباعي النواة، وهو مش محتاج إنه يقدم أداء قوي لأن استخدامه الرئيسي هيكون في الإنترنت بس، والتابلت بيتوصل بالإنترنت عن طريق الواي-فاي بس ومش بيقبل بطاقات SIM بس بيتضمن في نفس الوقت سماعة بطبيعة الحال وميكروفون كمان وده عشان الأولاد يقدروا يتوصلوا من خلال مكالمات الإنترنت معاك لو مش موجود معاهم أو يكلموا أصحابهم، لانه على الرغم من ضعف الأداء العام للتابلت إلا إنه ممكن يشغل تطبيقات تواصل كتير في نسخها المخففة زي واتساب وغيرها، وكمان التابلت مناسب جدًا للألعاب الخفيفة المناسبة للأطفال من الأعمار الصغيرة، والتابلت ذاكرته الداخلية سعتها ٨ جيجابايت يعني تقدر تخزن عليه ألعاب خفيفة أو أفلام للأطفال، أما الرامات فسعتها ١ جيجابايت رام.

تابلت Mtouch M1 Max بييجي بكاميرتين واحدة خلفية والتانية أمامية والاتنين بدقة ٣ ميجا بيكسل يعني مناسبين لمكالمات الفيديو بشكل رئيسي، والتابلت بيدعم الاتصال عن طريق بلوتوث يعني يقدر يتوصل بالسماعات الخارجية أو الملحقات المختلفة التانية، والتابلت فيه بطارية سعتها ٣٠٠٠ ميللي أمبير في الساعة ودي مناسبة جدًا لاستخدام الأطفال خصوصًا إننا لازم منخليش التابلت في إيديهم طول الوقت، أما الشحن فمن خلال منفذ microUSB.

ولأنه مخصص للأطفال في كل تفصيله، فعلبة التابلت نفسها مبهجة جدًا ليهم من بره ومن جوا، فعلبة التابلت من الكرتون وعليها رسومات مرحة جدًا ليهم، ولما بتفتح العلبة بتكتشف مجموعة كبيرة من الهدايا للأطفال زي ستيكرات تتلزق على ضهر التابلت ومجموعة أقلام ونضاره لعبة وغيرها من الهدايا اللي أولادنا هيفرحوا بيها.

لازم نشير كمان لضرورة الحرص شوية في التعامل مع التابلت، لأن كتير من المستخدمين اشتكوا من بعض المشاكل اللي بتظهر في التابلت بعد فترة بسيطة، وده على الأغلب بيكون بسبب تشغيل التابلت لساعات طويلة أو بسبب خبطات بيتعرض لها ولازم ناخد بالنا إنه مش مخصص للأستخدام المكثف على الإطلاق.

اتعرف على عروض أسعار تابلت Mtouch M1 Kids من هنا.

اتعرف على عروض أسعار مختلف أجهزة Mtouch من هنا.

اتعرف على عروض أسعار مختلف أجهزة التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.