مراجعة مواصفات وأسعار ريسيفر ستار نت
كتبت: أمنية عزمي
ماركة ستار نت في أجهزة الريسيفر بتعتبر من الأنواع اللي بتتميز بمواصفاتها وبتعيش عمر طويل، بيتضمن مستشعر IR خارجي، وبيفتح قنوات بي أوت كيو لمدة سنة وسنة للسيرفر العادي IP TV، بيتميز بعرض الصورة بدقة Full HD 1080 بكسل وبالتالي بتحصل على صورة رائعة على شاشة تليفزيونك بشرط انه يكون بيدعم نفس الدقة أو أعلى، متعدد المداخل وسهل توصيله بأي شاشة أو يو إس بي، سهل التركيب والقائمة سهلة في استخدامها، وحجمه صغير مش بياخد حيز من المكان.
هنتكلم بالتفصيل مع ياقوطة عن أهم مواصفات ومميزات وعيوب جهاز ريسيفر ستار نت ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- نوع المعرف الخارجي: غير متاح.
- الرقم المصنعي: s7
- الرقم المميز للسلعة: 2724795637361
- العلامة التجارية: ستار نت.
- معرف المنتج الخارجي: 111111
المميزات
- بيتميز بمخرج صورة رائعة كاملة الجودة بدقة 1080 بكسل Full HD وبتكون ميزة رائعة للتليفزيونات اللي بتدعم نفس الدقة.
- متعدد المداخل، مزود بمدخلين يو إس بي للعرض والتسجيل، Display IR، ومدخل AV.
- يعمل بنظام IPTV اللي بيغنيك تماما عن تركيب طبق الاستقبال وتستقبل القنوات عن طريق الإنترنت وتشاهد كافة القنوات العالمية والعربية بوضوح وجودة عالية.
- بيفتح عدد كبير من القنوات المشفرة بيوصل عددها ل 350 قناة منهم القنوات العربية الرياضية وغيرها من القنوات العربية والأجنبية لمدة 6 شهور للاشتراك.
- بعد انتهاء الفترة المجانية لفتح القنوات بتقدر تشترك في 1000 قناة.
- عنده القدرة على تخزين عدد ضخم من القنوات بيصل ل 9000 قناة.
- فيه إمكانية ترتيب القنوات في قائمة المفضلة وده بيسهلك تجمع كل القنوات اللي بتحبها وتلاقيها في مكان واحد.
- استقباله سريع لأوامر الريموت.
- قوائم الجهاز انسيابية وسهلة في التعامل وسريع في التنقل بين القنوات وبين الأقمار.
- سلس في البحث عن القنوات الجديدة وفي تحديثاته بعض القنوات وبرامجها.
- ميزة اشتراك شيرنج مجاني لمدة سنة.
- الجهاز بيقدم لغات عرض متعددة منها اللغة العربية.
- مزود بريموت كنترول وبيعمل على أكتر من ريموت أبرزهم Timer.
- مزود بكابل hd.
العيوب
- بيسخن بعد فترة قليلة من الاستخدام لأنه غير مزود بفتحات تهوية بشكل كافي.
- مفيهوش واي فاي.
- السوفت وير محتاج يتعمل له تحديث كل فترة لأن الجهاز بيتقل.
تجربة المستخدم
- ريسيفر جيد جدا ومش بيهنج وقنواته كتير وسريع في تنقلاته ولما عملت له تحديث بقى يفتح قنوات على النايل سات والهوت بيرد، في منافذ كتير وصورته جودتها عالية جدا خصوصا ان الشاشة عندي نفس الدقة فل اتش دي والحقيقة فارق جدا، عندي بقاله اكتر من سنتين وبعمل له تحديث كل فترة وسهل في استعمال القوائم وحجمه صغير، يمكن الحاجة الوحيدة انه بيسخن مع الاستخدام فترة طويلة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
أمنية عزمي، بكتب من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.