كتبت: أمنية عزمي

واحد من الاختيارات اللي فئة كبيرة بتتجه لشرائها في أوقات الصيف علشان تتغلب على الحر هو مبرد الهواء الصحراوي، وده لأنه بيبرد المكان بشكل سريع وغير مكلف زي التكييفات وممكن تنقله من مكان لمكان بسهولة لأنه سهل الحركة وبالتالي تستخدمه في المكان اللي بتتواجد فيه، لكن يا ترى هل هو فكرته ناجحة لكل الأماكن ولا بيفضل إنه يشتغل في أماكن ليها جو خاص! ده اللي هنعرفه في المراجعة دي مع ياقوطة وهنتكلم فيها عن Symphony مبرد هواء وينتر 185 وات- 56 لتر وهنتعرف على مواصفاته ومميزاته وكمان عيوبه ورأي المستخدم فيه علشان تقدر تكون فكرة كاملة عنه قبل ما تشتري، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: SY984HL009KOCNAFAMZ
• الموديل: Winter

المميزات

• كافي لتبريد مساحة من 20 ل 30 متر وبالتالي بينفع في الأماكن اللي مساحاتها كبيرة.
• حجم سعة الخزان كبيرة 56 لتر ومش هتحتاج معاها تملا الخزان كل شوية.
• تقنية مضخة Dura-pump بتضمن عمر طويل للمضخة في وينتر 56.
• استهلاكه للطاقة الكهربائية حتى 185 وات، وتقدر تشغله على أي محول كهرباء في حال إنقطاع التيار الكهربائي.
• مزود بمروحة قوية بحجم 16 بوصة ب 3 سرعات بتوفر ميزة تدفق الهواء بقوة وتوزيعه في المكان بفضل التأرجح التلقائي اللي بينشر البرودة في المكان.
• بيتمتع بموتور قوي واللي بيديك تبريد سريع للمكان في وقت قليل.
• موزع التدفق البارد بيضمن توزيع قوي ومتساوي للمياه للحصول على درجات تبريد عالية في كل أنحاء المكان.
• تقنية I-Pure بتوفر تنقية الهواء من خلال مروره ب 5 مراحل مرشحات ضد الغبار والرائحة والحساسية والبكتيريا والغسيل.
• مزود بوسائد أسبن ذات 4 جوانب وبتوفر تبريد محسن مع التأرجح العمودي التلقائي.
• مصنع من البلاستيك الحراري القوي اللي بيتحمل وضد الصدأ وسهل التنظيف.
• مش بيشغل مساحة كبيرة وتقدر تحطه في أي مكان بسهولة وتنقله كمان بين الغرف بسهولة.
• مزود ب 3 جهات للتبريد وده بيمنحك تبريد سريع ويغطي كل مكان في الغرفة.
• مزود بحماية من انخفاض مستوى المية وبيصدر إنذار تنبيه عند حد معين علشان ينبهك تزود مستوى المية.
• مثالي جدا للأماكن الجافة وبيمنحها معادلة الرطوبة المطلوبة لجو صحي.
• مزود بأربع عجلات بتسهل حركته ونقله من غرفة لغرفه.
• بيغطي مساحة حتى 113 متر3، ولازم توفر تهوية في المكان عن طريق فتح الشباك أو الباب.
• أداؤه قوي وصوته هادئ وبالتالي تقدر تستخدمه في أوقات النوم بدون إزعاج.

العيوب

• لا يصلح للأجواء اللي فيها رطوبة لأنه هو نفسه بيزود الرطوبة في الجو وزيادتها بتعمل اختناق واحساس عالي بالحرارة.
• بيحتاج لصيانة دائمة دورية زي تغيير الحشوة الداخلية المبطنة علشان تمنع الأملاح والأتربة والروائح الكريهة منه وميكونش مجال لنمو الميكروبات اللي بتزود الحساسية الصدرية.
• بيحتاج غسل حوض المياه باستمرار وتنظيفه من الأتربة والترسبات علشان متكونش وسط لنمو الميكروبات.
• مش بيحتوي على شاشة ديجيتال ولا ريموت.
• المروحة الداخلية بتحتاج فحص وتزييت باستمرار.
• لا يمكن التحكم في درجات حرارته.

خدمة العملاء

• الرقم السريع للخدمة 16001.
• المركز متوفرة في معظم المحافظات.

تجربة المستخدم

• في ناس استخدمته في أماكن صحراوية جافة وكان رأيها انه هايل لأنه بيعلي الرطوبة في المكان بالنسبة لهم لأن الهوا بيكون جاف وان استخدامه حلو جدا في الأماكن المفتوحة.
• في واحدة أعرفها شخصيا بتقول انه حلو جدا وجايباه لغرف الأطفال وتبريده عالي لكن بياخد مجهود ومحتاج تفتح معاه شباك.
• بالنسبة للناس اللي استخدمته في البيوت والأماكن المقفولة قالوا إن الرطوبة بتعلى جدا ودا بيزود الاحساس بالتلزيق في الجو ومحتاج تهوية باستمرار ومتعب في صيانته وتنضيفه وتوفير تلج بكميات كبيرة طول الوقت علشان يدي احساس برودة أعلى.

شوف Symphony مبرد هواء وينتر 185 وات- 56 لتر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.