كتبت: ميّ نور

شركة جوجل شهرتها في الموبايلات مش كبيرة بالنسبة للسوق المصري وده له أسباب كتير منها إن الشركة موبايلاتها مش بتنزل السوق المصري كتير، مع إن موبايلات جوجل إمكانياتها كويسة جدًا، بس من وقت للتاني بقينا نشوف موبايلات جوجل بتتباع، وعلشان كده جبنالكم النهارده في ياقوطة موبايل لشركة جوجل نزل سنة ٢٠١٦ وهو من أفضل الموبايلات اللي نزلت وقتها، وبينافس كمان لغاية النهارده، وهو موبايل Google Pixel XL، وهنعرض لكم في المقال مميزاته وعيوبه ومواصفاته، ولو عجبك وعاوز تشتريه، تقدر من خلالنا تعرف أحسن الأسعار ليه وتقارن بينهم وكمان تطلبه، وهيوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

المميزات

• شاشة الموبايل جاية بدقة عالية وهي ١٤٤٠ × ٢٥٦٠ بكسل.
• بطارية الموبايل قوية وجاية بحجم كبير ٣٤٥٠ مللي أمبير.
• الكاميرا الخلفية بتاعة الموبايل دقتها كويسة ١٢٫٣ ميجابكسل، وجاية مع فتحة عدسة f/2.0، وبتقدر تصور مقاطع فيديو بجودة عالية ٢١٦٠ بسرعة ٣٠ لقطة في الثانية.
• كاميرا السيلفي حلوة جدًا، وتقدر تاخد صور كتير تحطها في فيس بوك وسناب شات وأنستجرام.
• الموبايل أداءه سريع وده بسبب ذاكرة الوصول العشوائية اللي حجمها ٤ جيجابايت (رام).
• الموبايل بيدعم تقنية الشحن السريع.
• الشاشة محمية بطبقة حماية من زجاج كورنينج الغوريلا من الإصدار الرابع.

العيوب

• المعالج بتاع الموبايل رباعي النواة والأحسن كان بيبقى ثماني النواة زي كتير من الموبايلات اللي موجودة وقت إصداراه، وده كان هيخلي الأداء أحسن برضه.
• الموبايل مش مقاوم للمياه، ولكنه مقاوم لرذاذ المياه بس.
• الموبايل للأسف مش بيدعم تشغيل كارت ميموري، عشان الشركة مش عاملة منفذ ليه.
• الموبايل مش بيشغل راديو الـ FM.

تجربة المستخدم

• شاشة الموبايل كويسة جدًا وممكن تستخدمها وإنت ماشي في الشارع وهتقدر تعرض الصور بشكل كويس عادي.
• الموبايل بيشتغل بنظام تشغيل أندرويد من إصدار أوريو وده أعلى نظام تشغيل موجود في الأندرويد دلوقتي، وبما إن شركة جوجل هي اللي بتعمل التحديثات علشان كده هنلاقي الموبايل أداءه كويس عن موبايلات كتير بنفس المواصفات.
• البطارية قوية جدًا وتقدر تقعد معاك يوم كامل، ولما الموبايل يخلص شحن ممكن يتشحن بسرعة كبيرة علشان الموبايل جاي مع تقنية الشحن السريع.
• الكاميرا الخلفية بتاعة الموبايل إمكانياتها عالية جدًا وهي جاية بدقة ١٢٫٣ ميجابكسل، وفتحة عدسة f/2.0 وده بيخليها تقدر تاخد صور بجودة عالية وتفاصيل واضحة وألوان تحس إنها طبيعية، ومعروف اهتمام جوجل بالكاميرات بتاعة الموبايلات، كمان كاميرا السيلفي كويسة وممكن تتصور إنت وأصحابك بيها، والموبايل بيصور فيديو بجودة عالية جدًا ٢١٦٠ بكسل.
• مش هتعرف تاخد الموبايل المصيف معاك وإنت مطمن، علشان لو وقع في المياه هيحصله مشاكل كتير، وده بسبب إن الموبايل مقاوم للرذاذ بتاع المياه بس مش للمياه نفسها.
• الشاشة محمية بطبقة من زجاج كورنينج الغوريلا وده يخليه تستحمل شوية لو الموبايل وقع منك.

شوف موبايل Google Pixel XL من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.