كتب: محمد عبد الرحمن

بنلاقي كتير من الشركات الكبيرة اللي بتسعى دايمًا للتميز بإمكانيات موبايلاتها العالية بتنزل موبايل جديدة بإمكانيات وسعر مناسبين كل فترة علشان ترضي عملائها وتحافظ على مكانتها وسط الشركات المنافسة.

ومن الشركات دي شركة لينوفو، واللي قدمت لينا موبايل Moto E4 Plus اللي بييجي ببطارية بتكفّي لغاية يومين كاملين، وفي الريفيو ده هنتعرف أكتر على مزايا وعيوب الموبايل.

مش كده وبس، عن طريق ياقوطة تقدر تعرف أحسن الأسعار للموبايل ده، ولو عجبك تقدر تطلبه من خلالنا وهيكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل Moto E4 Plus

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

وصف الموبايل

• ضهر الموبايل قابل للإزالة.
• الجهة اليمنى للموبايل هنلاقي زراير الصوت، وزرار الباور.
• الجهة الشمال للموبايل موجود فيها منفذ لشريحتين الاتصال، ومكان منفصل للميموري الخارجي (تحت غطاء الموبايل).
• الجهة العليا للموبايل هنلاقي منفذ لسماعات الأذن.
• الجهة السفلية للموبايل هنلاقي ميكروفون المكالمات، ومنفذ الشحن، وسماعة الموبايل الخارجية.
• شاشة الموبايل فيها كاميرا سيلفي، وفيه زرار مدمج لبصمة الإصبع، وكمان لمبة إشعارات.
• ضهر الموبايل فيه كاميرا وفلاش أحادي، ميكروفون إضافي مانع للضجيج وكمان السماعات الخارجية للموبايل.

الشاشة

المزايا

• شاشة الموبايل IPS بحجم ٥٫٥ بوصة، ودقة وضوح ١٢٨٠×٧٢٠ بكسل، وكثافة بكسلات ٢٦٧ بكسل.
• شاشة الموبايل مزودة بطبقة حماية إضافية ضد الكسر Corning Gorilla Glass 3.

العيوب

• دقة وضوح وألوان الشاشة ليست الأفضل بين المنافسين.
• شاشة الموبايل بتيجي بدقة عرض HD فقط.

تجربة المستخدم

• شاشة الموبايل مزودة بحساس بيخليها الشاشة تنوّر بمجرد ما يوصل إشعار، أو بمجرد ما المستخدم يمسك الموبايل.
• زوايا الرؤية والوضوح مقبولين في ظروف الإضاءة المختلفة.
• دقة وضوح وسطوح ألوان الشاشة قليلين حتى مع رفع درجة الإضاءة للحد الأقصى.
• لمبة إشعارات الموبايل بتنور بلونين الأخضر والأحمر.

الأداء

المزايا

• معالج رباعي النواة من Mediatek MT6737 ومعالج رسومي بسرعة تردد ١٫٣ جيجاهرتز، ومعالج رسومي Mali-T720.
• ممكن تضيف ميموري خارجي للموبايل بسعة توصل لـ ١٢٨ جيجابت، وميموري بسعة ٣ جيجا رام.
• الموبايل بيشغل شريحتين اتصال وميموري خارجي في نفس الوقت.
• الموبايل بيدعم تقنية الاتصال للجيل الرابع، وتشغيل راديو FM ومستشعر والبصمة والـ NFC.

العيوب

• أداء البروسيسور مش الأفضل وسط المنافسين ليه خصوصًا في نفس الفئة السعرية.
• الميموري الداخلي للموبايل ١٦ جيجابايت ودي سعة تعتبر مش مرضية لكتير من المستخدمين دلوقتي.
• الموبايل مش بيدعم مستشعري البوصلة والجيروسكوب.

تجربة المستخدم

• أداء الموبايل مقبول في فتح والتنقل بين أكتر من برنامج وتطبيق في نفس الوقت.
• رغم إن الموبايل بييجي برام ٣ جيجابايت ودي سعة كبيرة، فهنلاحظ وجود تهنيج وبطء في الاستجابة للبرامج والألعاب اللي الجرافيك بتاعها عالي.
• أداء بصمة الموبايل سريع ومش هنلاحظ أي بطء في الاستجابة، رغم إن شاشة الموبايل بتاخد وقت (نصف ثانية تقريبًا) علشان تستجيب للبصمة.
• زراير التنقل بالموبايل موجودة جوه الشاشة وممكن المستخدم يستغنى عن وجودها ويلغيها ويتنقل ويتحكم في الموبايل عن طريق البصمة.
• جي بي إس الموبايل بياخد تقريبًا ٤ ثواني علشان يستجيب ويحدد موقعك.
• الميموري المتبقية للمستخدم هي ٩ جيجابايت ودي سعة مرضية ومقبولة.
• مكان سماعة الموبايل من السهل كتمها وعدم سماعها لإنها موجودة في الجزء السفلي للموبايل من ناحية الشمال وده بيسهل كتمه عند ممارسة الألعاب أو الاستماع لأي ملف فيديو.

الكاميرا

المزايا

• كاميرا الموبايل الخلفية بتيجي بقوة ١٣ ميجابكسل، ومزودة بفلاش أحادي.
• سيلفي الموبايل بييجي بقوة ٥ ميجابكسل، ومزود بفلاش أحادي.

العيوب

• الكاميرا بتصور فيديو بدقة ٧٢٠ بكسل/ثانية.

تجربة المستخدم

• دقة عرض وتصوير الكاميرا الخلفية بالموبايل مش الأفضل وتفاصيلها بتكون قليلة.
• سيلفي الموبايل بتقدم صور مقبولة في ظروف الإضاءة النهارية، وبتقل جودة الصور دي في الإضاءة الداخلية والليلية.
• في العموم أداء الكاميرا مقبول لكتير من المستخدمين اللي الكاميرا مش اهتمامهم الأول.

البطارية

المزايا

• الموبايل بييجي ببطارية قوية بسعة ٥٠٠٠ مللي أمبير.
• بطارية الموبايل بتدعم بطارية الشحن السريع.

العيوب

• ما تقدرش تغير البطارية بنفسك.

تجربة المستخدم

• بطارية الموبايل بتكفي معاك أكتر من يوم من الاستعمال المتوسط والشاق.
• البطارية بتتشحن في وقت طويل شوية واللي بيوصل لـ ٣ ساعات مع الشاحن الموجود مع الموبايل.
• البطارية بتكفي مع المستخدم لغاية ٩ ساعات إنترنت للجيل الرابع، و١٤ ساعة شبكة واي فاي.

شوف موبايل Moto E4 Plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.