كتب: محمد عبد الرحمن

كل واحد فينا بيدور على حاجة مختلفة تميز الموبايل الشخصي بتاعه، لكن مع اختلاف وتنوع الاحتياجات دي كلنا بنتفق على إن الشاشة هي أول وأهم ميزة في الموبايل. ولكل واحد بيدور وبيهتم بشاشة الموبايل بتاعه وعاوز حجمها يكون كبير وواضح بنقدم له موبايل Tecno Phantom 6 Plus اللي بيتميز بشاشة كبيرة بحجم ٦ بوصة، ولإن الشاشة مش كل الموبايل تابعنا في الريفيو ده علشان تعرف أكتر عن مميزات وعيوب الموبايل، ولو عجبك وعاوز تشتريه تقدر تعرف عن طريق ياقوطة أفضل الأسعار للموبايل وتطلبه كمان ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

وممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

تقييم موبايل Tecno Phantom 6 Plus

المواصفات

تصميم الموبايل من المعدن وهنلاقي على الجهة اليمنى للموبايل زرار الباور وزرارين للتحكم في الصوت، والجهة اليسرى هنلاقي منفذ خاص بشريحتي الاتصال والميموري الخارجي، ومن الجهة الأمامية للشاشة هنلاقي سماعة المكالمات وكاميرا سيلفي بفلاش، أما الجهة السفلية للموبايل هنلاقي منفذ سماعات الأذن وميكرفون الموبايل ومنفذ للشحن، ومن الأعلى منفذ لسماعات الأذن، الجهة الخلفية للموبايل هنلاقي كاميرا مزودة بفلاش ومستشعر بصمة الإصبع.

المزايا

• الموبايل مُصمم بالكامل من المعدن.
• الموبايل مزود بميكرفون إضافي مانع للضجيج ومستشعر خاص ببصمة الإصبع.
• الموبايل فيه مدخل USB-C واللي يعتبر الأحدث.

العيوب

• وزن الموبايل تقيل (١٩٦ جرام).
• الموبايل مش بيوفر لمبة إشعارات LED.

تجربة المستخدم

• الموبايل مصمم بالكامل من المعدن وده بيديه شكل جمالي وكمان بيحافظ عليه من الصدمات.
• حجم الموبايل ووزنه تقيل وهيكون حمل عليك لو شيلته في جيبك أو شنطتك الخاصة.
• أداء بصمة الموبايل مقبول جدًا وبتشتغل باللمس ومن خلالها تقدر تلتقط صورك الشخصية والرد على المكالمات ده غير إنها بتأمن الموبايل ودي ميزة كويسة وهتوفر عليك تحميل برامج حماية تانية.
• شركة تكنو وفرت للمستخدم Smart Cover بيحمي الموبايل وبيظهر الوقت.

الشاشة

المزايا

• شاشة الموبايل بحجم كبير (٦ بوصة)، وكثافة بكسلات (١٩٢٠×١٠٨٠) بكسل.
• شاشة الموبايل مزودة بطبقة حماية إضافية ضد الكسر Corning Gorilla Glass 3.

العيوب

• حجم بكسلات الشاشة (٣٦٨) بكسل وتعتبر قليلة شوية مقارنة بمساحة الشاشة.
• رغم ارتفاع سعر الموبايل فهنلاقي طبقة الحماية الموجودة قديمة شوية.
• شاشة الموبايل بتدعم لغاية ٥ بصمات أصابع بس.

تجربة المستخدم

• أبعاد شاشة الموبايل هيكون مستحيل على المستخدم إنه يتعامل معاه بإيد واحدة ولازم يستعمل إيديه الاتنين علشان يوصل لكل أجزاءها.
• ألوان الموبايل مميزة في الإضاءة العادية وجوه البيت، لكن في الإضاءة الخارجية وأشعة الشمس المباشرة وضوح وجمال الألوان هيقل وهتحتاج تعلّي الإضاءة.
• رغم إن الشاشة مزودة بطبقة حماية ضد الكسر لكن تكنو زودت شاشة الموبايل بطبقة حماية بلاستيكية وطبقة حماية إضافية من الزجاج المضاد للبصمات.
• ميزة حلوة من تكنو وهي إنها وفرت على المستخدم شراء كوفر ووفرت ليه Smart Cover بيحمي الموبايل وكمان بيظهر الوقت والتاريخ من خلاله.
• الشاشة مش هتوفر ليك وضع تصغيرها علشان توصل لكل أجزاءها.

الأداء

المزايا

• الموبايل بييجي ببروسيسور بعشرة أنوية، ورامات بحجم ٤ جيجا وميموري داخلي بسعة ٦٤ جيجابايت وممكن تضيف ميموري خارجي لغاية ١٢٨ جيجابايت.
• الموبايل بيدعم تشغيل راديو FM، الـ NFC والـ OTG.
• الموبايل بيدعم الاتصال بتقنية الجيل الرابع 4G، وبيدعم تشغيل شريحتين اتصال.
• الموبايل بيوفر ٣ أوضاع لتسجيل الصوتيات.

العيوب

• الموبايل مش بيدعم تشغيل شريحتين وميموري خارجي في نفس الوقت ودي نقطة ضعف كبيرة وخصوصًا إنها كانت متاحة في الإصدار اللي قبل منه.
• الموبايل مش بيدعم تقنية الجيروسكوب ومش بيوفر بوصلة ولا بيحدد الاتجاهات.

تجربة المستخدم

• أداء الموبايل حلو قوي وهيوفر للمستخدم حرية وراحة في التنقل بين التطبيقات المختفة.
• أداء الموبايل مع الألعاب مريح حتى في الألعاب اللي الجرافيك بتاعها عالي، ومش هتحس بسخونة مع الاستعمال المطول ودرجة الحرارية مقبولة. صحيح الألوان مش هتكون الأفضل وسط الموبايلات المنافسة لكن مش هتكون وحشة ومش هتقلل من استمتاعك بيها.
• واجهة تكنو مريحة ومش هتلاقي فيها برامج كتيرة ووفرت ليك مزايا كويسة زي نقرتين على الشاشة فتفتح وتقفل، وعن طريق السحب بتلات أصابع على الشاشة للأسفل تقدر تاخد Screen Shot ، وممكن تخلّي إيدك قدام الشاشة علشان تعمل الموبايل Silent.
• العشرة أنوية متقسمة تلات مراحل للمهام المتوسطة والخفيفة والعالية وده كمان عشان توفر في استهلاك الطاقة.

الكاميرا

المزايا

• الموبايل بييجي بكاميرا خلفية بقوة ٢١ ميجابكسل مزودة بفلاش LED، وسيلفي بقوة ٨ ميجابكسل بزاوية واسعة وفيها فلاش.
• كاميرا الموبايل بتوفر ليك تصوير صور بدقة ٨٠ ميجابكسل.
• كاميرا الموبايل مزودة بطبقة حماية إضافية ضد الخدش والكسر.

العيوب

• كاميرا الموبايل مش بتوفر التصوير بدقة 4K.
• للأسف الكاميرا مش بتوفر وضع التصوير اليدوي واللي بيدي للمستخدم أوضاع وتحكم بشكل أحسن.
• كاميرا الموبايل فيها بروز واضح، ومش بتوفر مثبت بصري.

تجربة المستخدم

• كاميرا الموبايل الخلفية بتوفر صور مميزة في الإضاءة النهارية وأشعة الشمس المباشرة، لكن في الإضاءة الضعيفة هنلاحظ Noise بسيط.
• أحيانًا هنلاحظ في الصور بكسلات في ظروف الإضاءة النهارية ومن غير ما تستعمل زووم.
• لازم وانت تستعمل الكاميرا تثبت إيدك كويس لإنها مش بتوفر مثبت بصري.
• تقدر تصور صورة وتعمل Focus على جزء منها وبعدين تختار التظليل يكون في الجزء الخلفي ولا الأمامي.
• سيلفي الموبايل بيقدم صور مقبولة وتقدر تاخد صور سيلفي مع عدد كبير من أصحابك، لكن الصور هتلاقي فيها Noise واضح في الإضاءة الضعيفة.

البطارية

المزايا

• بطارية بسعة ضخمة ٤٠٥٠ مللي أمبير.
• البطارية بتدعم تقنية الشحن السريع.

العيوب

• بطارية الموبايل ما تقدرش تغيرها بنفسك.

تجربة المستخدم

• بطارية الموبايل بتقدم للمستخدم وضع تشغيل للشاشة مدة كبيرة واللي بتوصل لـ ٧ ساعات.
• بطارية الموبايل بتتشحن شحنة كاملة في ساعتين ونص تقريبًا وده وقت قليل مقارنة بسعة البطارية.

شوف موبايل Tecno Phantom 6 plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.