كتبت: أمنية عزمي 

الرز مش بيطلع مفلفل معاك! أو لما بتيجي تعمل كمية كبيرة في العزايم بيعجن منك! اللي هينقذك في الموضوع ده هو حلة طهي الأرز الكهربائية من هوم RC-220، هتقدر تعمل فيها كل أنواع الرز وإنت متطمن من النتيجة، ومش مخصصة للرز بس دي كمان تقدر تسوي فيها المحاشي وتسلق فيها مكرونة وتحط خضار سوتيه كمان يستوي على البخار في نفس الوقت، وتقدر كمان تسخن فيها الفراخ. ولو مشغول ممكن تسيب الرز يستوي من غير ما تقف تراقبه وتنجز حاجة تانية، ومفيدة جدًا في العزومات والكميات الكبيرة، لإنها بتساعدك على طبخ الرز بالكمية اللي عايزها في وقت سريع ومن غير مجهود يذكر.

هنتعرف من خلال الريفيو ده على مواصفات ومميزات وعيوب حلة طهي الأرز الأبيض من هوم RC-220 علشان لو عجبتك وحبيت تشتريها تقدر تعرف أحسن الأسعار ليها من ياقوطة وكمان تقارن بينهم وتطلبها وهتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• متعددة الاستخدامات. تقدر تستخدمها في طبخ كل أنواع الرز، وتسوية المحاشي، وسلق المكرونة، وطهي الخضار سوتيه على البخار، وتسخين الفراخ على البخار.
• صحية وسريعة. بتطبخ على البخار وبتحط الرز بالمية والملح بس وإذا حبيت تضيف للرز سمن أو زيت بيكون اختياري. وبتسوي الخضار على البخار وسريعة مش بتاخد وقت وبتطلع الرز مفلفل يعني مش بتعجن مهمًا كانت الكمية خاصة في العزومات.
• مزودة بإناء يوضع فوق الأرز. وده اللي بتقدر تسوي فيه الخضار على البخار أو تسخن فيه الفراخ مثلا.
• حفظ درجة حرارة الأرز بعد الطهي. الحلة بتنقل أتوماتيك من وضع الطهي لوضع التسخين، يعني بعد ما الرز يستوي بتغير حرارتها بحيث إنها تفضل محافظة عليه سخن لمدة ٥ ساعات.
• سعتها ١٫٨ لتر. يعني تقدر تطبخ كمية كبيرة وقت العزومات، لإنها بتاخد لحد 16 كوباية رز.
• مزودة بوعاء مضاد للالتصاق ويمكن خلعه. المادة المصنعة منها مضادة للالتصاق وسهلة التنضيف.
• ملحق بها معلقة وكوب للقياس. المعلقة بنستخدمها علشان ماتجرحش السطح والكوب هو معيارك في القياس.
• شكلها أنيق جذاب وإضافة جميلة لمطبخك بالإضافة لسهولة استخدامها.

العيوب

• محتاجة مكان للتخزين أو هتاخد حيز من الرُخامة لو المطبخ ضيق.
• غطاها زجاج. يعني معرض للكسر لو وقع وكان أفضل إنه يبقى من نفس معدن الحلة.
• إيد الحلة مثبتة من الداخل بمسامير، ودي مش صحية في الاستخدام لو ما كانش فيه اهتمام بنضافتها كويس جدًاو أول بأول. لإنها ممكن تشيل جواها فضلات ومش سهلة في تنضيفها. كان يفضل تكون متقفلة بطريقة أحسن وأأمن.
• بتستهلك كهرباء كتير.

خدمة العملاء

• مالهاش ضمان ولا قطع غيار.

تجربة المستخدم

• نفعتني جدًا لإن الرز كان بيعجن معايا وبسوي فيها المحشي كمان لإن آخر صف كان بيعجن لكن مابقاش عندي المشكلة دي (هالة عمر).
• اللي بيضايقني فيها إني لازم أفصل الفيشة حتى لما بتكون على وضع التسخين لازم استناها وأفصل الفيشة. غير كده ولا مرة الرز باظ مني أو عجّن ونافعاني جدًا في العزايم، وبستخدمها كل يوم لدرجة إني نسيت الرز كان بيتطبخ إزاي على البوتاجاز (إنجي مصطفى).

شوف حلة طهي الأرز الكهربائية من هوم RC-220 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.