كتبت: أمنية عزمي

ناس كتير بتتسائل ياترى البالونة أفضل ولا الفلوماك، وفي الحقيقة الاتنين كويسين ولازم تعرف مزايا الاتنين وعيوبهم لأن كل نوع بيناسب ناس معينة حسب عدة عوامل من أهمها عدد الأدوار والشقق اللي بتستخدمها، بالنسبة للفلوماك مش بيشتغل عند ضغط مية معين لكن بيشتغل بمراقبة حركة المية يعني بمجرد ما تفتح المية الفلوماك بيشتغل وبيفصل بمجرد ما تقفل المية وبالتالي بيتناسب مع الاستخدام المحدود في عدد شقق محدودة ولازم تتأكد إن مفيش أي تسريب في أي مصدر مياه في الشقق لأن بكده الفلوماك بيفضل شغال طول الوقت، من أشهر أنواع الفلوماك المعروفة كالبيدا الأسباني ضغط عالي، وبيكون بديل للأتوماتيك والبالونة وبيحمي الموتور في حالة إنقطاع المياه وبيشغل الموتور ويوقفه أتوماتيك عن طريق الحساسات ودي من الأسباب اللي بتخلي ناس كتير بتفضل استخدامه عن البالونة.

 تابعونا مع ياقوطة هنتكلم عن أهم مواصفات ومميزات وكمان عيوب فلوماك ضغط عالي- كالبيدا كومباكت ماكس 2 وهنتعرف على رأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• النوع: مضخات مياه.
• رقم الموديل: Compact 2 Max
• مصدر الطاقة: سلك كهربائي.
• العلامة التجارية: كالبيدا.
• الرقم المميز للسلعة: 2724807131573

المميزات

• فلوماك كالبيدا صناعة أسباني ومن أجود الأنواع اللي تقدر تعتمد عليها، بيتركب عالموتور وبيحميه وقت إنقطاع المياه وبيشغل الموتور ويوقفه أتوماتيك.
• حاصل على شهادة CE اللي بتثبت ان المنتج بيلبي المتطلبات البيئية والسلامة الصحية بمعايير المنطقة الاقتصادية الأوربية للمستهلك.
• يعمل بالكهرباء ومزود بسلك لسهولة التوصيل وسهل تركيبه على أي نوع موتور حتى قوة 3 حصان وحجمه صغير وسهل في تركيبه وبيتركب بشكل رأسي.
• يعمل بشكل أتوماتيكي بعد فتح الحنفية بثوان وبيفصل بعد غلقها بثوان ومش بيحتاج ضغط مية عالي.
• في حالة إنقطاع الكهرباء عن الموتور بيتم فصل الكهرباء عن الموتور في خلال 10 ثوان، وبيعيد تشغيل الموتور كل ربع ساعة ولو الكهربا ما رجعتش بيفصل تاني ربع ساعة وبالتالي مش بتحتاج تعمل Reset للجهاز لو المية أو الكهربا قطعت.
• مزود ب شك بلف داخلي لضمان عدم رجوع المياه.
• مزود بمفتاح للتحكم بالضغط ويتحمل الضغط حتى 10 بار، ويعمل بداية من 1.5 ل 3 بار.
• يعمل على ضغط كهرباء 220/240 فولت 50/60 هيرتز.
• يتحمل الطقس المرتفع الحرارة ويعمل بجدارة حتى 60 درجة مئوية.
• مزود بوصلات دخول وخروج 1 بوصة ذكر.
• مزود بدرجة حماية IP66 وبتحمي من تسريب المياه داخل الجهاز.

العيوب

• فتحة خروج المياه في الفلوماك قطرها 1 بوصة لكن حساس المياه بيشغل حوالي 40% من المساحة وبالتالي بيقلل تدفق المية منها.
• استخدام المية بالليل في الأوقات الهادية بيخلي ضغط المية عالي بقوة الموتور كاملة مع استخدام ضعيف وبالتالي بيؤدي لتلف ماكينات الكومبينشن والوصلات وخامات السباكة وبيأثر على عمر الموتور.
• أي تسريب بسيط في الحنفيات أو أي مصدر مياه بيخلي الفلوماك يشغل الموتور لأن الحساس بيوصل له ان فيه مية مفتوحة وبالتالي بيأدي لحرق الموتور، علشان كدا بيستخدم في نطاق شقق قليلة ولاوم كل مصادر المية تكون محكمة.
• بتضطر تستنى ثوان علشان المية تنزل بعد عمل الموتور وبتفضل ثوان بعد غلق الحنفية.

تجربة المستخدم

• انا ركبت واحد وبيشتغل ويفصل مع المية وفكرة انه يفصل أتوماتيك مع قطع الكهربا ويرجع أتوماتيك حلوة جدا لكن المشكلة إن المية بتكون ضعيفة أضعف من البالونة والسخان غاز وبالتالي مش بيفتح.
• اشتغل فترة وعطل وما بقاش يفتح أتوماتيك ولازم افتحه عن طريق زرار بدء التشغيل وقالولي انه بايظ واشتري واحد جديد.

شوف فلوماك ضغط عالي- كالبيدا كومباكت ماكس 2 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.