مميزات وعيوب بوتاجاز يونيفرسال آيرون كوك ٥ شعلة
كتبت: إيمان عادل
البوتاجاز، واحد من الأجهزة المنزلية اللي كل الناس بتهتم بجودته وإمكانياته الكبيرة وكمان الشكل الجميل، ومع تنوع واختلاف الشركات المنتجة ليه، كتير من الناس بقى يواجه صعوبة في اختيار موديل مناسب ليه، وبيقلق كتير يشتري بوتاجاز ويكتشف بعد كده إن فيه عيوب.
هنتكلم النهارده عن بوتاجاز يونيفرسال آيرون كوك ٥ شعلة الجديد، واحد من أكتر أجهزة البوتاجاز شهرة على موقع ياقوطة، وهنتعرف أكتر على مواصفات البوتاجاز ومميزاته وعيوبه، ولو عجبك وعاوز تشتريه ممكن من خلالنا تعرف أحسن الأسعار للبوتاجاز وتقارن بينهم وتطلبه كمان وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
المقاس | ٥ شعلة ٦٠*٩٠ |
الألوان | فضي. |
الخامة | استانلس. |
المميزات
- حجم البوتاجاز كبير ٥ شعلة، وده بيوفر وقت كبير خصوصًا في العزومات.
- البوتاجاز مزود بخاصية أمان، يعني لو حاجة وقعت على البوتجاز وهو شغال الغاز هيفصل لوحده.
- كمان البوتاجاز مُزود بحوامل زهر تقدر تشيل كل أحجام وأوزان الحلل بتاعتك سواء كانت حلل استانلس ستيل أو سيراميك أو ألومنيوم.
- فرن البوتاجاز له مروحة فايدتها إنها بتساعد على توزيع الهواء جوه الفرن عشان الأكل يستوي بشكل متساوي من كل الجوانب.
- مقبض الفرن مصنوع من الاستانلس، يعني يتحمل معاك تكرار فتح وقفل باب الفرن من غير ما يتكسر.
- البوتاجاز مزود بسبع مفاتيح منهم خمس مفاتيح لشعلات البوتاجاز ومفتاحين للفرن والشواية.
- نقدر من خلال البوتاجاز نسوي الأكل ونحمره في نفس الوقت وده طبعًا بيوفر لك وقت ومجهود.
- غطاء البوتاجاز مصنوع من الزجاج الكريستال، يعني صعب يتكسر وكمان بيدي شكل حلو في المطبخ.
- ممكن نتحكم في ارتفاع البوتاجاز بسهولة، كل اللي عليك هتلف أرجل البوتاجاز الأربعة لحد ما يتظبط مستواه للارتفاع المناسب ليك.
العيوب
- الإشعال الذاتي بيبوظ بسرعة.
- لو شغلت أكتر من عين في نفس الوقت، زراير البوتاجاز بتسخن جامد.
- ترقيم درجات الحرارة اللي مكتوب جنب المفاتيح بيختفي مع الوقت.
خدمات ما بعد البيع
- خدمة العملاء: سيئة للغاية، ومفيش أي احترام للمواعيد مع العملاء، وكتير بيدوا مواعيد ومش بيلتزموا بيها.
- الضمان: خمس سنين على البوتاجاز بالكامل.
- قطع الغيار: متوافر في كل التوكيلات وسعرها متوسط .
تجربة المستخدم
- أنا كست بيت مابقتش قادرة استغني عنه، عملت فيه كل الأصناف اللي عيلتي بتحبها ما بين حلو وحادق، وكمان استغنيت عن أكل المطاعم اللي بيكلفني فلوس كتير جدًا.
- أكتر حاجة بحبها في البوتاجاز إنه سهل التنضيف، يعني بقطعة قماش مع شوية سائل تنظيف هتلاقيه بيلمع وبيبرق من النضافة، مش بيحتاج أي مذيب للدهون ولا منظفات سعرها غالي.
ممكن تشوف بوتاجاز يونيفرسال آيرون كوك ٥ شعلة ستانليس ستيل من هنا.
و ممكن تشوف موديل تاني من بوتاجاز يونيفرسال ٥ شعلة من هنا. وكمان ممكن تشوفوا بوتاجازات يونيفرسال بجميع موديلاته من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.