مميزات وعيوب Passap ثلاجة بفريزر رأسى -410 لتر -15 قدم - فضى

• 

  Soha Ahmad

  (6 سنة ago)

  باساب كومبي 15 قدم اللي بفريزر رأسي 410 لتر تلاجة حلوة جدا ومناسبة للعائلات الصغيرة لأن حجمها مش كبير وسعتها 410 لتر وتصميمها مناسب جدا لكبار السن لأن التلاجة فوق والفريزر هو اللي تحت ودا مناسب للي عندهم مشكلة في ضهرهم أو ركبهم علشان مش بيخليهم يوطوا كتير والحاجة بتبقى في متناول إيديهم، بالإضافة لموتورها القوي واللي بيستحمل الأجواء الحر وفيها خاصية الديفروست اللي بتذوب التلج وتحوشه في مكان زي درج تحت الفريزر وبتحتاج تفصلها كل فترة علشان تسيح التلج دا موتورها هادي ومش بيعمل دوشة خاصة لو اهتميت ان يكون حواليها مساحة تهوية متبقاش كاتمها من كل ناحية لأن دا بيسخن أي موتور فالتهوية مهمة التلاجة سعتها مناسبه 248 لتر وفيها أرفف تقدر توسع مساحتها وتضيقها حسب احتياجك ودرجين تحتفظ فيهم بالخضار ولمبة داخلية بتنور علشان تشوف المحتويات بشكل احسن والفريزر سعته 102 لتر ومقسم 3 أدراج شفافة بتنظم فيها حاجتك وبتقدر تشوف من خلالها ودا بيسهل عليك الوقت والشيل والحط عيبها إن الديفروست بيخليك تشيل هم تنضيفها كل فترة مش زي النوفروست لكن هو ميزة من ناحية استهلاك الكهربا لان استهلاكها أقل بكتير من النوفروست ومش مناسبة للعائلات الكبيرة وباساب معروف عنها ان خدمة العملاء عندهم كويسة جدا ومهندسين متخصصين واستجابة سريعة وضمان وقطع غيار متوفرة