جوميابدايته كانت فى نيجيريا و اسسه جيريمي هودرا و ساشا بوجونوننك و توندي كيهندى و رافائيل أفايدور و ليونارد ستيجلير و بتمويل Rocket Internet
جوميا بقى واحد من أكبر مواقع الشراء اونلاين فى مصر و اسرعها انتشارا منذ إطلاق الموقع سنة ٢٠١٢. جوميا بيقدملك تشكيلة متنوعة من المنتجات اللى هتلبى كل احتياجاتك سواء كانت أجهزة إلكترونية أو أدوات مطبخ أو ديكورات للبيت و كل ده من خلال اشهر الماركات و اجودها. و من بداية افتتاح جوميا فى 2012 و هو بقى ناجح جدا فى مجال الأزياء و عن طريق تقديمه ل "جوميا فاشون" اللى بيقدم مجموعة متنوعة من الملابس اونلاين فى مصر و ده من خلال شراكته مع مجموعة من اكبر ماركات الأزياء العالمية زى اديداس و واف و جاك اند جونز و ماركات مصرية مشهورة زى ناس و اكتيف. جوميا بيساعد التجار إنها تبيع منتجاتها على الموقع.
خدمة التوصيل فى جوميا بتختلف حسب الطلب و العنوان لكن فى خلال ٧٢ ساعة من طلبك بيأكدوا عليك تاريخ التسليم و بيبعتوا لك كود عشان تقدر تعرف شحنتك وصلت لفين. طبعا لو غيرت رأيك بعد ما وصلك الطلب أو حابب ترجعه ممكن لكن في خلال ٧ ايام من الاستلام لكن مصاريف الشحن مش بتترد. بالرغم من إن بعض الزباين بيواجهوا تأخير فى خدمة التوصيل لكن خدمة عملاء جوميا بتهتم جدا بالرد على عملائها و بتتعاون معاهم و بيردوا على كل اسئلتهم اللى ليها علاقة بالمنتجات و التوصيل و استرجاع أي منتجات و ده عن طريق فيسبوك.
جوميا بتوفرلك امكانية الدفع عن طريق بطاقتك الائتمانية أو كاش عند الاستلام. عشان جوميا يسهلك عملية البيع و الشراء و حتى استبدال و استرجاع المنتجات بيقدملك فيديوهات على يوتيوب فيها كل الخطوات و الإرشادات اللى ممكن تحتاجها لاستخدام الموقع و الحصول على اللى انت عاوزه. يوتيوب كمان هو أحد اساليب الدعاية و الاعلان لجوميا بتعتمد عليه عشان تعرض آخر العروض و المنتجات للعملاء بطريقة جديدة و مبتكرة. جوميا بينفرد بتوفير فيديوهات لتقييم منتجات التكنولوجيا عشان تختار الأحسن و تعرف مميزات و عيوب كل جهاز. و لو عايز طريقة أسهل من كده عشان تعرف آخر العروض و المنتجات المتوفرة عند جوميا ممكن تشترك فى صفحتهم على انستجرام و تويتر أو عن طريق التسجيل عشان تحصل على نشرتهم البريدية. |