لو بتدور على موبايل مواصفاته عالية وسعره كويس والأعلى في فئته بقوة يبقى لازم تشوف موتورولا موتو سي بلس بشاشته ال 5 بوصة بدقتها العالية وألوانها الطبيعية وسطوعها ومريحة جدا في الألعاب والفيديوهات لكن مش مزودة بشاشة حماية يعني هتحطلها شاشة ضد الصدمات والخدش واستجابتها عالية للتاتش، ونظام التشغيل فيه أندرويد نوجا 70 اللي بيعتبر من أكتر النظم إنتشارا في الأندرويد، معالج رباعي النواة وذاكرة داخلية 16 جيجا بايت وفيه مكان لميموري كارد يعني تقدر تدعمه بذاكرة خارجية لحد 32 جيجا، بيشتغل ب2 جيجا رام يعني سريع وقوي في فئته، الكاميرا الخلفية 8 ميجا بكسل وفيها فلاش والأمامية رغم إنها 2 ميجا بكسل لكن صورها حلوة خاصة إنها مزودة بفلاش ودا بيخلي الصور حلوة في أي وقت، بطاريته قوية جدا 4000 ملي أمبير اللي هي منافسة لجميع الفئات مش فتئته بس وقابلة للإزالة، مفيهوش لمبة إشعارات ودي حاجة مش ظريفة، سبيكر الموبايل خلفي وصوته قوي، فيه شريحتين، وراديو إف إم، ومطلي بطلاء بخاصية النانو تكنولوجي اللي بيحافظ عليه من المية لو جت عليه، مفيهوش مستشعر بصمة ومش بيدعم مستشعر الجيروسكوب، وأداؤه في العموم سريع وممتع فعلا بالإضافة لسعره الإقتصادي